ISAÏAH 14:3 - Khasi CL Bible (BSI)

³ U Trai un ai ha ki paid Israel ka jingtngen na ki jingpang bad ki jingshitom jong ki bad na ka kam kaba khia kaba ki la shah pynbor ban trei.

KA BAIBL

³ Te kan jia ha kata ka sngi ba U Trai un pynjahthait ïa me na ka jingsngewsih jong me, bad na ka jingjynjar jong me, bad na ka jingtrei shitom ha kaba la pynshakri ïa me,

ISAÏAH 14:3 ပူးပေါင်းရင်းမြစ်များ

ISAÏAH 11:10

Ka sngi ka wan ha kaba u syiem bathymmai na ka longïing syiem jong u Dabid un long ka dak ka shin ïa ki jaitbynriew. Kin ïalumlang ha ka nongbah ba kynja syiem jong u bad ai ka jingpyndonburom ïa u.

ISAÏAH 12:1

Ka sngi ka wan ha kaba ki briew kin rwai, “Nga ïaroh ïa me A Trai! Me la bitar ïa nga, hynrei mynta me pyntngen ïa nga bad mem bitar shuh ïa nga.

ISAÏAH 32:18

Ki briew jong U Blei kin lait na ki jingkhuslai, bad ki ïing jong ki kin suk bad kin shngain.

ISAÏAH 40:2

To pynshlur ïa ki briew ka Jerusalem. To ïathuh ha ki ba ki la jynjar slem bha bad ïa ki pop jong ki la map mynta. Nga la pynshitom ïa ki la biang bha na ka bynta ki pop jong ki baroh.”

JEREMAÏAH 17:4

Phin hap ban iehnoh ïa ka ri kaba nga la ai ha phi, bad ngan pynlong ïa phi ban shakri ïa ki nongshun jong phi ha ka ri kaba phim tip ei ei, namar ka jingbitar jong nga ka long kum ka ding, bad kan pluh junom.”

JEREMAÏAH 30:10

“Ko ki briew jong nga, wat ym sheptieng; ko ki paid Israel, wat ym sngewshyrkhei. Ngan pyllait im ïa phi na kata ka ri bajngai, na ka ri ha kaba phi long ki koidi. Phin wan phai pat sha ïing bad im ha ka jingsuk; phin shngain, bad yn ym don mano mano ban pynsheptieng ïa phi.

JEREMAÏAH 30:8

U Trai Badonbor Baroh u ong: “Haba kata ka sngi ka wan, ngan pynkheiñ ïa ka lyngkor kaba don sawdong ka ryndang jong ki bad ngan weng ïa ki kynjri jong ki, bad kin ym long shuh ki mraw jong ki nongwei.

JEREMAÏAH 50:34

Hynrei uwei u ban pyllait ïa ki u long uba khlaiñ — ka kyrteng jong u ka long U Trai Badonbor Baroh. Ma u hi da lade un bahkhlieh na ka bynta jong ki bad un wallam ïa ka jingsuk ha ka pyrthei, hynrei ka jingjynjar ïa ki briew jong ka Babilonia.”

ESEKIEL 28:24

U Trai u la ong, “Yn ym don na ki hima ba-marjan kiba la ñiewbeiñ ïa ka Israel da ka jingkrenbeiñ, ki ban long pat kum ki shiah bad ki shiah buid ban pynmong ïa ki Israel. Bad kin tip ba ma nga, nga long U Trai Nongsynshar.”

SEKHARAÏAH 8:2

“Nga la angnud ban ïarap ïa ka Jerusalem namar ka jingieit bajylliew jong nga ïa ki briew jong ka, ka jingieit kaba la pynlong ïa nga ban bitar ïa ki nongshun jong ka.

SEKHARAÏAH 8:8

bad ngan wallam pat ïa ki na mihngi bad na sepngi ban shong ban sah ha Jerusalem. Kin long ki briew jong nga, bad ngan long U Blei jong ki, da kaba synshar ha ka jingïaineh bad ha ka jinglehhok.

DEUTERONOMI 28:48

Kumta keiñ, phin hap ban shakri ïa ki nongshun ba U Trai un phah pyrshah ïa phi. Phin thngan, phin sliang, bad phin lyngkhuit — phin da kyrduh shisha khait. U Trai un pynshitom jur ïa phi haduh ba phin da jot thiaw.

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!