ISAÏAH 14:2 - Khasi CL Bible (BSI)

² Bun ki jaitbynriew kin ïarap ïa ki paid Israel ban leit phai sha ka ri kaba U Trai u la ai ha ki, bad hangta ki jaitbynriew kin shakri ïa ki Israel kum ki mraw. Kito kiba shisien ki la kem ïa ki Israel mynta kin shah kem ha ki Israel, bad ki paid Israel kin synshar halor jong kito kiba shisien ki la banbeiñ ïa ki.

KA BAIBL

² Ki kynja bynriew ruh kin shim ïa ki, bad kin wallam ïa ki sha ka jaka jong ki: te ka ïing Israel kan ïoh ïa ki ha ka ri jong U Trai ban long ki shakri shynrang bad ban long ki shakri kynthei: bad kin bat mraw ïa kita kiba ju bat mraw ïa ki; bad kin synshar halor kita kiba banbor ïa ki.

ISAÏAH 14:2 ပူးပေါင်းရင်းမြစ်များ

SALM 68:18

U kiew sha kiba kynjang, u da ïalam bad u shibun ki koidi; u pdiang ki jingai sngewbha na ki briew kiba ïeng ïaleh pyrshah. U Trai U Blei un ïoh shong hangta.

ISAÏAH 18:7

Ka por ka wan haba U Trai Badonbor Baroh un pdiang ïa ki jingainguh na kane ka ri ba la pynïakhlad ïa ki wah, kane ka jaitbynriew kaba khlaiñ bad kaba donbor, ki briew kiba jrong bad kiba jlih ka sniehdoh, ïa kiba la sheptieng ha ka pyrthei baroh. Kin wan sha u Lum Seïon, ha kaba la mane ïa U Trai Badonbor Baroh.

ISAÏAH 31:8

Ïa ka Assyria yn pynjot ha ka thma, hynrei ym da ka bor briew. Ki nong Assyria kin phet ïap na ka thma, bad ïa ki samla shynrang jong ki yn pynlong mraw.

ISAÏAH 45:14

U Trai u ong ïa ki Israel, “Ka spah ki Ijipt bad ki Sudan kan long ka jong phi, bad ki rangbah bajrong jong ka Seba kin long ki mraw jong phi; kin bud ïa phi ha ki kynjri. Kin dem ngon ha phi bad kin phla, ‘U Blei u don ryngkat bad phi — tang ma u, u long U Blei.

ISAÏAH 49:22

U Trai Nongsynshar u ong ha la ki briew: “Ngan pyn-i dak sha ki jaitbynriew, bad kin wallam ïa ki khun jong pha sha ïing.

ISAÏAH 49:23

Ki syiem kin long kum ki kpa ïa pha; ki mahadei kum ki kmie. Kin dem khrup ha khmat jong pha bad kin burom ïa pha; da kaba pynrit kin pyn-i burom ïa pha. Te phan tip ba nga long U Trai; uba ap ïa ka jingïarap jong nga un ym duh jingkyrmen.”

ISAÏAH 49:25

U Trai u jubab, “Kane ka long kata kaei ka ban sa jia. Ïa ki koidi jong u shipai yn ïalam noh, bad ïa ka jinglute jong u nongsynshar leh jubor yn bat noh. Ngan ïaleh pyrshah ïa uta uba ïaleh ïa pha, bad ngan pyllait ïa ki khun jong pha.

ISAÏAH 54:3

Phan sa pynïar ïa ki pud sawdong na baroh ki liang; ki briew jong pha kin ïoh pat ïa la ka ri ïa kaba kiwei pat ki jaitbynriew ki la shim. Ki nongbah kiba la ieh kynjah yn pyndap pat da ki briew.

ISAÏAH 60:14

Ki khun shynrang jong kito kiba la banbeiñ ïa pha kin sa wan ban dem khrup ban burom ïa pha. Baroh kito kiba la ju ibeiñ ïa pha kin dem ngon ha ki kjat jong pha. Kin khot ïa pha, ‘Ka Nongbah U Trai,’ ‘Ka Seïon, ka nongbah U Blei U Bakhuid ki Israel.’

ISAÏAH 60:4

Khmih sawdong jong pha bad peit kaei kaba jia: Ki briew jong pha kin ïalumlang ban wan phai sha ïing; ki khun shynrang jong pha kin wan na sha jngai bah, bad ïa ki khun kynthei jong pha yn shu rah kum ïa ki khunlung.

ISAÏAH 61:5

Ko ki briew jong nga, ki nongwei kin shakri ïa phi, Kin sumar ïa ki jingri jong phi kin lur ïa ki lyngkha jong phi, bad sumar ïa ki bri sohwaiñ jong phi,

ISAÏAH 66:12

U Trai u ong, “Ngan wallam ha phi ïa ka jingdap kyrhai baneh; ka spah jong ki jaitbynriew kan tuid sha phi kum ka wah, ka bym ju rngad. Phin long kum i khunlung iba la sumar da la ka kmie, ba la rah ha ki ksang'ti jong ka, bad sumar da ka jingieit.

JEREMAÏAH 30:16

Hynrei mynta, baroh kiba klun ïa phi kin shah klun, bad ïa baroh ki nongshun jong phi yn rah noh kum ki koidi. Ïa baroh kiba banbeiñ ïa phi yn banbeiñ, bad ïa baroh kiba lute ïa phi yn lute.

JEREMAÏAH 49:2

Hynrei ka por ka poi haba ngan pynlong ïa ki briew jong ka nongbah Rabbah ban ïohsngew ïa ka jingsawa jong ka thma, bad yn ieh ïa ka ha ka jingjot bad ïa ki nongrit jong ka ban thang haduh khyndew. Nangta ki Israel kin shim pat ïa la ka jaka na kito kiba la shim ïa ka na ki.

ESEKIEL 39:10

Kin ym hap shuh ban khar diengïap sha lum sha wah ne thoh dieng na khlaw, namar ki don ki tiar ïapom ba la iehnoh, ban thang ding. Kin kurup bad lute ïa kito kiba la kurup bad lute ïa ki,” U Trai Nongsynshar u la kren.

DANIEL 7:18

Bad ki briew jong U Blei Bahakhlieh Tam Eh kin ïohpdiang ïa ka bor ba kynja syiem bad ban bat ïa ka junom la junom.”

JOEL 3:8

Ngan pynlong ba ki khun shynrang bad ki khun kynthei jong phi yn die sha ki briew ka Judah; ma ki kin sa die ïa ki sha jngai sha ki Sabean. Ma nga, U Trai, nga la kren.

LEBITIKOS 25:44

Lada phi donkam ïa ki mraw, phi lah ban thied na ki jaitbynriew kiba don sawdong jong phi.

OBADAÏAH 1:17

“Hynrei ha u lum Seïon kin don ki ban lait im, bad kan long ka jaka bakyntang. Ki briew jong u Jakob kin ïohkynti ïa ka ri kaba dei hok ka jong ki.

SEKHARAÏAH 2:13

To pynjar jar, uwei pa uwei baroh, ha ka jingdon ryngkat jong U Trai, namar u wan na ka jaka shong kaba khuid jong u.

SEKHARAÏAH 2:9

“U Trai da lade hi un ïaleh pyrshah ïa phi, bad ïa phi yn sa lute da ki briew kiba shisien ki la long ki shakri jong phi.” Haba kane ka jia, uwei uwei baroh un tip ba U Trai Badonbor Baroh u la phah ïa nga.

LOUKAS 12:45

Hynrei lada uta u shakri u ong ha lade ba u kynrad jong u, u shim por slem ban wan phai bad lada u sdang ban shoh ïa kiwei pat ki shakri, shynrang bad kynthei, bad bam bad dih bad buaid,

Ka Shithi U Paul Sha Ki Nong Rom 15:27

Kata ka jingïakut ka la long ka jong ki hi; hynrei ha ka jingshisha, ki la don ïa ka jingsngew kit ram ban ïarap ïa ki. Namar ki Jiw ki la ïasam bynta lem ïa ki jingkyrkhu ba kynja mynsiem jong ki bad ki Jentil, ki Jentil ki dei ban pyndonkam ïa ki jingkyrkhu ba ki don ban ïarap ïa ki Jiw.

2 KORINTH 10:5

Ngi pynïap nia ïa ki jingïatainia ba-thala; ngi pynduh ïa ka jingpynwit basngewmeng baroh ba la pynïeng pyrshah ïa kata ka jingtip U Blei; ngi shim ïa ka jingpyrkhat baroh bad pynkohnguh ïa ka ha U Khrist.

GALATIA 5:13

Na ka bynta jong phi pat, ko ki parabangeit jong nga, la khot ïa phi ban long kiba laitluid. Hynrei wat shah ba kane ka jinglaitluid kan kylla long ka jingailad ïa ki jingkwah brai ka doh ban synshar ïa phi. Pynban, ai ba ka jingieit kan pynlong ïa phi ban ïashakri iwei ïa iwei pat.

EPHESOS 4:8

Kumba ka Jingthoh Bakhuid ka ong, “Mynba u la kiew shajrong eh, u la ïalam bad u ïa shibun kiba shah ringmraw; u la ai ki jingai sngewbha ha u bynriew.”

JINGPYNPAW 3:9

Shahshkor! Na ka bynta kato ka kynhun kaba dei ka jong u Soitan, kito kiba lamler kiba kam ba ki dei ki Jiw hynrei kim dei, ngan pynlong ïa ki ban wan bad dem khrup ha ki kjat jong pha. Baroh kin tip ba nga ieit ïa pha.