ISAÏAH 13:8 - Khasi CL Bible (BSI)

⁸ Ki baroh kin shah pynshyrkhei, bad ka jingpang kan ban ïa ki, kum ka jingpang jong ka briew ha ka por suh kha. Kin ïakhmih iwei ïa iwei pat ha ka jingtieng, bad ki durkhmat jong ki kin pluh da ka jinglehrain.

KA BAIBL

⁸ bad kin khaw-eit; ki jingsuh bad ki jingkhuslai kin bat ïa ki; kin pang kum ka briew kaba suhkhun: kin ïa-peit lyngngoh paralok; ki khmat jong ki kin long ki khmat ka thylliej ding.

ISAÏAH 13:8 ပူးပေါင်းရင်းမြစ်များ

2 SYIEM 19:26

Ki briew kiba shong hangta ki long khlem bor; ki la sheptieng bad lyngngoh. Ki la long kum u phlang ha lyngkha ne ki ñiut kiba san ha tnum haba ka lyer khluit ba na mihngi ka beh ha ki.

SALM 48:7

kum ki liengbah ba la kynting ha ka 'erïong bajur.

ISAÏAH 26:17

Ma me A Trai, me la pynlong ïa ngi ban lynñiar, kum ka briew kaba lynñiar ha ka jingsuh kha.

JEREMAÏAH 13:21

Aïu phan ong haba ki briew kiba pha pyrkhat ki long ki paralok jong pha, ki jop ïa pha bad ki synshar halor jong pha? Phan don ha ka jingpang kum ka kynthei kaba kha khun.

JEREMAÏAH 30:6

Mynta to sangeh bad pyrkhat! Hato u briew u lah ban kha khun? Te balei keiñ ba nga ïohi ïa uwei pa uwei u briew ba u buh ïa la ka kti ha la ka kpoh kum ka kynthei ha ka jingsuh kha? Balei uwei pa uwei baroh u blad rong?

JEREMAÏAH 4:31

Nga la ïohsngew ïa ka jingïam, kum ka kynthei kaba suh kha, ka jinglynñiar kum ka kynthei kaba kha ïa i khun nyngkong jong ka. Ka la long ka jingïam jong ka Jerusalem kaba kwah eh ban ring mynsiem, ka da kner noh ïa ka kti jong ka bad ong, “Nga long kaba la tim! Ki wan ban pynïap ïa nga!”

JEREMAÏAH 46:5

“Hynrei kaei ba nga ïohi?” U Trai u kylli. “Ki phai dien ha ka jingsheptieng. Ki shipai jong ki, ki shah beh noh; kiba dap da ka jingsheptieng, ki mareh stet kat lah kat ïai bad kim kyrtiang dien.

JEREMAÏAH 48:41

bad ïa ki shnong bad ki kut yn kurup. Ha kata ka sngi ki shipai jong ka Moab kin sheptieng kum ka briew kaba suh kha.

JEREMAÏAH 49:22

U nongshun un tur ïaleh ïa ka Bosrah kum u pukni uba suh wia sha tbian lem bad ki thapniang ba-pyiar. Ha kata ka sngi ki shipai Edom kin sheptieng kum ka briew kaba suh kha.”

JEREMAÏAH 49:24

Ki briew jong ka Damaskos ki long kiba tlot bad ki la phet ha ka jingsheptieng. Ki don ha ka jingud bad jingjynjar kum ka briew kaba suh kha.

JEREMAÏAH 50:43

U syiem ka Babilonia u ïohsngew ïa ka khubor, bad ki kti jong u ki noh kyrwep. U don ha ka jinglyng-a, da ka jingpang kum ka briew kaba suh kha.

JEREMAÏAH 51:30

Ki shipai Babilonia ki la sangeh ban ïaleh bad ki sah ha ki kut jong ki. Ki la duh noh ïa ka jingshlur jong ki bad ki la long kum ki kynthei. Ïa ki khyrdop jong ka nongbah la pynpra, bad ki ïing ki don ha ka jingpluh.

ESEKIEL 20:47

Ong ïa ka khlaw bashaphang shathie ban shahshkor ïa kaei kaba U Trai Nongsynshar u ong: Ha khmih! Nga pynmeh ïa ka ding, bad kan thang khoit ïa uwei pa uwei u dieng ha phi, la uba jyrngam ne uba tyrkhong. Yn ym don mano mano ba lah ban pynlip ïa ka. Kan pur na shathie haduh shatei, bad uwei uwei baroh un sngew ïa ka jingkhluit ki thylliej ding.

HOSIA 13:13

Ki Israel ki don ka lad ban im, hynrei ka long kaba bieit eh ban shim ïa ka — kum u khunlung uba la dei ban kha, u bym treh ban mih na ka kpoh.

JOEL 2:6

Katba ki dang wan, uwei pa uwei u sngewshyrkhei; kawei pa kawei ka durkhmat ka kylla blad.

NAHUM 2:10

Ïa ka Ninebeh la pynjot, la iehnoh, kaba kynjah! Ki dohnud ki um da ka jingsheptieng; ki khohsiew ki khynñiuh, ka jingkhlaiñ ka la jah noh; ki durkhmat ki la kylla lieh blaid blaid.

ÏOANNIS 16:21

Haba ka briew kan sa kha khun, ka sngewsih namar ba ka kynta jong ka jingshahshitom jong ka, ka la poi; hynrei haba la kha ïa i khunlung, ka klet noh ïa la ka jingshah shitom, namar ka kmen ba la kha ïa i khunlung sha ka pyrthei.

1 THESSALONI 5:3

Haba ki briew ki ong, “Kaei kaei baroh ka jar jar bad ka shngain,” te kynsan ka jingpynjot kan lynshop ïa ki! Kan wan kyndit kum ki jingpang kiba wan ha ka briew kaba suh kha, bad ki briew kin ym lait phet.