ISAÏAH 13:6 - Khasi CL Bible (BSI)

⁶ To ud ha ka jingpang! Ka sngi ka jong U Trai ka la hajan, ka sngi ha kaba U Badonbor Baroh u wallam ka jingpynjot.

KA BAIBL

⁶ To lynñiar phi; namar ka sngi U Trai ka hajan; kum ka jingpynjot na U Badonbor Baroh kan wan.

ISAÏAH 13:6 ပူးပေါင်းရင်းမြစ်များ

Ka Kitab U Job 31:23

Namar ba nga sheptieng ïa ka jingpynshitom U Blei, ngam shym lah ban leh ïa kaba kum kata.

ISAÏAH 10:25

Tang hapoh khyndiat por ngan pyndep ban pynshitom ïa phi, bad nangta ngan pynjot ïa ki.

ISAÏAH 10:3

Kaei phin leh haba U Blei u pynshitom ïa phi? Kaei phin leh haba u wallam ka jingpynjot halor jong phi na ka ri bajngai? Shano phin mareh ban shem jingïarap? Hangno phin buhrieh ïa ka spah jong phi?

ISAÏAH 13:9

Ka sngi ka jong U Trai ka wan — kata ka sngi barunar jong ka jingbitar bashyrkhei bad bashla jong u. Ïa ka pyrthei yn pynlong ka ri khlaw, bad ïa uwei pa uwei u nongpop yn pynjot thiaw.

ISAÏAH 14:23

Ngan pynkylla ïa ka Babilon sha ka ahor ktieh, bad ki dkhoh kin shong hangta. Ngan sar ïa ka Babilon da u synsar u ban sar lut khoit ïa kaei kaei baroh. Nga, U Trai Badonbor Baroh, nga la kren.”

ISAÏAH 14:31

To ud bad to kyang ban ïoh jingïarap, phi baroh ki nongbah ka Philistia! To sngewshyrkhei, phi baroh! U lyoh pui pui u wan na ka phang bashatei — u long ka kynhun shipai bym don ki khawpud hapoh ka kyrdan jong ka.

ISAÏAH 2:12

Ha kata ka sngi U Trai Badonbor Baroh un pynpoh ïa uwei pa uwei uba khrawbor, ïa uwei pa uwei uba sarong bad uba sngewmeng.

ISAÏAH 23:1

Kane ka dei ka khubor ïa ka Tyros. To lynñiar da ka jingsngewsih, phi ki maji ha ki duriaw-bah! Ïa ka kadlieng ha ka shnong jong phi, ka Tyros, la pynjot; ki ïing bad ka kadlieng jong ka ki don ha ka jingjot. Kumba ki liengbah jong phi ki wan phai na Sypros, phi tip ïa ka khubor.

ISAÏAH 34:2

U Trai u bitar ïa baroh ki hima bad baroh ki kynhun shipai jong ki. U la pynrem ïa ki sha ka jingjot.

ISAÏAH 34:8

Kane ka dei ka por ha kaba U Trai un pyllait im ïa ka Seïon bad pynhiarkput halor ki nongshun jong ka.

ISAÏAH 47:11

Ka jingjot kan wan ha pha, bad yn ym don na ki kam myntor jong pha ki ban lah ban pynsangeh ïa ka. Ka jingpynjot kynsan kynsan kan wan halor jong pha, ka jingpynjot kaba pham pat ju phohsniew!

ISAÏAH 52:5

Bad mynta ha Babilonia kajuh hi ka la jia; phi long kiba shahtehmraw, bad ym shym siewdor ei ei na ka bynta jong phi. Kito kiba synshar halor jong phi ki kop bad ki meng bad ki ïai pynpaw jingbeiñ ïa nga.

ISAÏAH 61:2

U la phah ïa nga ban pynbna ba ka por ka wan haba U Trai un pynim ïa ki briew jong u bad jop ïa ki nongshun jong ki. U la phah ïa nga ban pyntngen ïa baroh kiba sngewsih,

ISAÏAH 63:4

Nga la kut jingmut ba ka por ban pynim ïa ki briew jong nga ka la wan; ka la dei ka por ban pynshitom ïa ki nongshun jong ki.

ISAÏAH 65:14

Kin rwai da kaba kmen, hynrei phi phin ïam ha ka jingpait dohnud.

JEREMAÏAH 25:34

To ïam, ko phi ki nongïalam, phi ki nongsharai jong ki briew jong nga, to kyang jam! To ïambriew bad tyllun halor u pui pui. Ka por ka la poi na ka bynta jong phi ban shah pynïap, bad yn sa ot doh ïa phi kum ïa ki langbrot shynrang.

JEREMAÏAH 49:3

Ki briew ka Heshbon, ki kyang! Ïa ka Ai la pynjot! Ki kynthei ka Rabbah, ki leit ïam sngewsih! Ki phong ïa ki jaiñ khain bad ïam pangnud. Ki mareh lamwir. Ïa u Molekh u blei jong phi yn ïalam mraw, lem bad ki lyngdoh bad ki khun syiem.

JEREMAÏAH 51:8

Ka Babilonia kynsan kynsan ka kyllon bad la pynjot noh! To ïam namar jong ka! Pynïoh dawai na ka bynta ki jingmong jong ka, bad lehse yn lah ban pynkhiah.

ESEKIEL 13:5

Kim sumar ïa ki jaka ha kaba ki kynroh ki la khyllem, lymne ba ki tei pat ïa ki kynroh, bad kumta ym lah ban ïada ïa ka Israel haba wan ka thma ha ka sngi ka jong U Trai.

ESEKIEL 21:12

To jlew da ka jingsngewsih, ko khun u briew; kane ka waitlam ka dei na ka bynta ki briew jong nga bad na ka bynta ki nongïalam ki Israel baroh. Ïa ki yn pynïap lang bad kiba sah baroh na ki briew jong nga. Tied ïa la ka shadem ha ka jingnoh mynsiem!

DANIEL 5:26

Bad kane ka dei ka jingmut jong ka: Ka dak jingkheiñ, U Blei u la kheiñ ïa ki sngi jong ka hima jong phi bad u la wallam ïa ka sha ka jingkut;

DANIEL 5:9

Ha ka jingjynjar jingmut u syiem Belshassar u la nang kham lieh blaid blaid, bad ki rangbah donburom jong u kim tip shuh kumno yn leh.

JOEL 1:11

To sngewsih, phi ki nongrep; to ïam, phi kiba sumar ïa ki bri sohwaiñ, namar u kew, u barli, ho-oid, ïa baroh ki jingthung la pynjot.

JOEL 1:13

To phong ki jaiñ khain bad to ïam, phi ki lyngdoh kiba shakri ha ka duwan! To leit sha ka Templ bad to ïamkthang baroh shi miet! Ym don kew lane waiñ ban ainguh ha U Blei jong phi.

JOEL 1:15

Ka Sngi jong U Trai ka la jan; ka sngi ha kaba U Badonbor Baroh u wallam ka jingpynjot. Kaba haduh katno ka jingshyrkhei kata ka sngi kan wallam!

JOEL 1:5

To kyndit na kaba ïohthiah bad to ïam, phi ki nongbuaid; to ïam, phi ki nongdih kyiad; ïa ki sohwaiñ ban shna waiñ thymmai la pynjot.

JOEL 2:1

To put ïa ka turoi, to pynsawa ba don jingma ha Seïon, u lum bakyntang jong U Blei. To khynñiuh, ko ki paid Judah! Ka sngi jong U Trai shen kan sa wan.

JOEL 2:11

U Trai u kyrhuh ïa ki hukum sha ka kynhun shipai jong u. Ki shipai kiba kohnguh ïa u ki long shibun bad kiba khlaiñbor. Haduh katno ka long kaba shyrkhei ka sngi jong U Trai! Uei u ban lait im na ka?

JOEL 2:31

Ïa ka sngi yn pyndum, bad u bnai un kylla saw kum ka snam shuwa kata ka sngi bakhraw bad bashyrkhei jong U Trai kan wan.

AMOS 5:18

Katno kaba sngewshyrkhei kan long ïa phi kiba angnud ïa ka sngi U Trai! Kaei kaba bha ba kata ka sngi kan long ïa phi? Na ka bynta jong phi kan long tang ka sngi jong ka jingdum, bad ym jong ka jingshai.

SEPHANAÏAH 1:14

Ka sngi bakhraw jong U Trai ka la jan — ka la jan eh bad ka wan kloi! Kata kan long ka sngi kaba kthang, namar wat ki shipai kiba shlur tam kin kyang jam ha ka jingnoh mynsiem!

SEPHANAÏAH 1:7

Ka sngi ka la jan haba U Trai un shong ha ka jingbishar; kumta to sngap jar ha ka jingdon ryngkat jong u. U Trai u pynkhreh ban kñia ïa ki briew jong u bad u la khot sngewbha ïa ki nongshun ban lute ïa ka Judah.

SEKHARAÏAH 14:1

Ka sngi ha kaba U Trai un shong ha ka khet bishar ka la jan. Te ïa ka Jerusalem yn sa lute, bad ïa ka jinglute yn sa pynïabynta ha ka jingïohi jong phi.

MALAKHI 4:5

“Hynrei ha shuwa ka sngi kaba khraw bad kaba shyrkhei jong U Trai kan wan, ngan phah ha phi ïa u Elijah u nongïathuhlypa.

JAKOB 5:1

Bad mynta, phi ki briew kiba riewspah, to shahshkor ïa nga! to ïam bad to lynñiar ïa ki jinglanot ki ban wan hap ha phi!

JINGPYNPAW 18:10

Kin ïeng jngai bah na ka, namar ba ki sheptieng ban ïoh bynta ha ki jingshitom jong ka. Ki ong, “Katno kaba ishyrkhei! Katno kaba itriem! Kane ka nongbah Babilon kaba khraw bad kaba khlaiñbor! Tang hapoh shi kynta pha la shah pynshitom!”