ISAÏAH 13:5 - Khasi CL Bible (BSI)

⁵ Ki ïawan na ki ri kiba jngai bah ha kiba kut ka pyrthei. Ha ka jingbitar jong u, U Trai u wan ban pynjot ïa ka ri baroh kawei.

KA BAIBL

⁵ Ki wan na ka ri kaba jngai, na ka bakut ka bneng, U Trai hi keiñ, bad ki tiar ka jingkhih bitar jong u, ban pynjot ïa ka ri baroh.

ISAÏAH 13:5 ပူးပေါင်းရင်းမြစ်များ

2 SAMUEL 1:27

“Ki shipai bashlur ki la kyllon, Ki tiar ïapom jong ki la shu iehnoh khlem pyndonkam shuh.”

ISAÏAH 10:5

U Trai u ong, “Ko Assyria! Nga pyndonkam ïa ka Assyria kum u dieng tangon ban pynshitom ïa kito kiba nga bitar.

ISAÏAH 13:17

U Trai u ong, “Nga pynkhih ïa ki Mid ban tur ïaleh ïa ka Babilon. Kim salia ïa ka rupa bad kim shah pynshoi da ka ksiar.

ISAÏAH 24:1

U Trai un sa pynjot ïa ka pyrthei bad un pynlong kynjah ïa ka. Un sa khyrwait ïa ka khmat jong ka pyrthei bad pynsakma ïa ki briew jong ka.

ISAÏAH 26:20

To rung shapoh ki ïing jong phi, ko ki briew jong nga, bad to khang ïa ka jingkhang shadien jong phi. To buhrieh ïa lade katto katne por haduh ba ka jingbitar U Blei kan kut.

ISAÏAH 30:27

Ïa ka bor bad ka burom U Trai yn ïohi naduh na sha jngai. Ka ding bad ka tdem ki pyn-i ïa ka jingbitar jong u. U kren, bad ki ktien jong u ki meh kum ka ding.

ISAÏAH 34:2

U Trai u bitar ïa baroh ki hima bad baroh ki kynhun shipai jong ki. U la pynrem ïa ki sha ka jingjot.

ISAÏAH 48:14

“To ïalumlang bad to shahshkor, ma phi baroh! Ym don na ki blei kiba lah ban ïathuh lypa ba u briew uba nga la jied un tur ïaleh ïa ka Babilon; un leh ïa kaei kaba nga ong ïa u ban leh.

ISAÏAH 5:26

U Trai u ai dak ban khot ïa ka jaitbynriew na jngai. U siaw ïa ki ban wan na kiba kut ka pyrthei. Bad kine ki wan ha ka jingstet bad kloi lan.

ISAÏAH 66:14

Haba phi ïohi ïa kane ba ka jia, phin sa shadkmen; kan pynlong ïa phi ban long khlaiñ bad khiah krat. Te phin sa tip ba ma nga, U Trai, nga ïarap ïa kito kiba kohnguh ïa nga, bad nga pyn-i ïa la ka jingbitar pyrshah ïa ki nongshun jong nga.”

ISAÏAH 7:18

“Haba kata ka por ka wan, U Trai un siaw kum ka dak ïa ki Ijipt ban wan kum ki skain na ki shnat kiba jngai eh jong ka wah Nile, bad ïa ki Assyria ban wan kum ki ngap na ka ri jong ki.

JEREMAÏAH 50:25

Nga la plie ïa ka jaka ha kaba la buh ïa ki atiar jong nga, bad ha ka jingbitar nga la shim noh ïa ki, namar ma nga, U Trai Nongsynshar Badonbor Baroh, nga don ka kam ban leh ha Babilonia.

JEREMAÏAH 50:3

“Ka jaitbynriew na shatei ka la wan ban tur ïaleh ïa ka Babilonia bad yn pynlong ri shyiap ïa ka. Ki briew bad ki mrad kin phet krad noh, bad yn ym don bashong ba sah hangta.”

JEREMAÏAH 50:9

Ngan pynkhih ïa ka kynhun ki hima kiba khlaiñ shaphang shatei bad pynlong ïa ki ban tur ïaleh ïa ka Babilonia. Kin ïeng ryntih ban ïaleh thma pyrshah ïa ka ri bad ban jop ïa ka. Ki long ki nongbeh mrad batbit, kiba siat khnam bym ju lait na ka sohpdung.

JEREMAÏAH 51:11

U Trai u la pynkhih ïa ki syiem jong ka Media, namar u thmu ban pynjot ïa ka Babilonia. Dei da kumta un siew kylliang namar ka jingpynjot ïa ka Templ jong u. Ki rangbah ai hukum ban tur ïaleh, ki hukum, “Pynnep ïa ki khnam jong phi! Pynkhreh ïa ki stieh jong phi!

JEREMAÏAH 8:19

Shahshkor! Ha kylleng ka ri nga ïohsngew ba ki briew jong nga ki kyang jam, “Hato U Trai um don shuh ha Seïon? Hato u syiem ka Seïon um don shuh hangta?” U Trai, u syiem jong ki, u jubab, “Balei phi la pynbitar ïa nga da kaba mane ïa ki bleithaw jong phi bad da kaba nguh dem ïa ki blei nongwei bymmyntoi?”

ESEKIEL 22:31

Te ngan theh ïa ka jingbitar jong nga ha ki, bad kum ka ding ngan pynjot ïa ki na ka bynta kaei kaba ki la leh.” U Trai Nongsynshar u la ong.

MATHAÏOS 24:31

Ka turoi bakhraw kan sawa, bad un phah ïa ki angel jong u sha ki sawlyer jong ka pyrthei, ban kin lumlang ïa ki briew kiba la jied jong u na kawei ka tduh jong ka pyrthei sha kawei pat.