ISAÏAH 12:4 - Khasi CL Bible (BSI)

⁴ Ka sngi ka wan ha kaba ki briew kin rwai, “To ainguh ïa U Trai! To khot kyrpad ïa u ban ïarap ïa phi! Ïathuh ha ki jaitbynriew baroh ïa kaei kaba u la leh! Ïathuh ïa ki haduh katno u long uba khraw!

KA BAIBL

⁴ Bad ha kata ka sngi phin ong, “To ainguh ïa U Trai, to khot kyrpad ïa ka kyrteng jong u, to pynbna ïa ki jingleh jong u hapdeng ki kynja bynriew, to pynkynmaw ba ïa ka kyrteng jong u la pynkyntiew.

ISAÏAH 12:4 ပူးပေါင်းရင်းမြစ်များ

1 KHRONIKL 16:8

Ai ki jingnguh sha U Trai, pynbna ïa ka jingkhraw jong u; Ïathuh ha ki jaitbynriew ïa kaei kaba u la leh.

1 KHRONIKL 29:11

Me long uba khraw bad uba donbor, uba donburom, uba itynnat bad uba iphieng. Kiei kiei baroh ha bneng bad ha khyndew ki dei ki jong me; me dei u syiem, u nongsynshar bahakhlieh duh halor baroh.

NEHEMAÏAH 9:5

Kine ki Lebi harum ki ai ïa ka jingkhot sha ka jingmane: u Jeshua, u Kadmiel, u Bani, u Hashabneïah, u Sherebaïah, u Hodaïah, u Shebanaïah, bad u Pethahaïah. Ki ong: “Ïeng bad ïaroh ïa U Trai U Blei jong phi; ïaroh ïa u junom la junom! Ai ba baroh kin ïaroh ïa ka kyrteng badonburom jong u, wat la ym don ka jingïaroh ba kynja briew kaba khraw palat.”

SALM 105:1

To ainguh ïa U Trai, pynbna ïa ka jingkhraw jong u; ïathuh ïa ki jaitbynriew ïa kaei kaba u la leh.

SALM 107:22

Ki dei ban sngewnguh ïa u da ki jingkñia, bad da ki jingrwai jong ka jingkmen ki dei ban ïathuh ïa baroh kaba u la leh.

SALM 113:5

Ym don uno uno uba kum U Trai U Blei jong ngi. U shong ha kiba kynjang shajrong,

SALM 148:13

Ai ba ma ki baroh kin ïaroh ïa ka kyrteng jong U Trai! Ka kyrteng jong u ka kham khraw ban ïa baroh kiwei pat; ka burom jong u ka long halor ka pyrthei bad ka bneng.

SALM 18:46

U Trai u im! To ïaroh ïa u nongïada ïa nga! To pynbna ïa ka jingkhraw jong U Blei uba pynim ïa nga.

SALM 21:13

Ngi ïaroh ïa me A Trai, namar ka jingkhlaiñ bakhraw jong me! Ngin rwai bad ïaroh ïa ka bor jong me.

SALM 22:31

Ha ki briew ki bym pat shym la kha yn sa ïathuh: “U Trai un pynim ïa ki briew jong u.”

SALM 34:3

To pynbna ryngkat bad nga ïa ka jingkhraw U Trai, to ngin ïaroh lang ïa ka kyrteng jong u!

SALM 40:5

Me la leh shibun kiei kiei na ka bynta jong ngi, A Trai U Blei jong ngi, ym don shuh uba kum ma me! Me la pynlong shibun ki jingthmu baphylla na ka bynta jong ngi. Ngam lah shuh ban ïathuh ïa ki baroh — Ka jingbun jong ki ka long kaba khraw eh!

SALM 46:10

“Sangeh ka jingïaleh,” u ong, “to tip ba nga long U Blei, uba ha khlieh duh hapdeng ki jaitbynriew, uba ha khlieh duh ha ka pyrthei baroh.”

SALM 57:5

To pyn-i ïa ka jingkhraw jong me ha ka sahit bneng, A Blei, bad ïa ka burom jong me halor ka pyrthei baroh.

SALM 68:5

U Blei, uba shong ha ka Templ bakyntang jong u, u sumar ïa ki khunswet bad u ïada ïa ki riewkynthei.

SALM 73:28

Hynrei ïa nga, katno kaba phylla ban don hajan U Blei, ban shem ka jingïada bad U Trai U Nongsynshar bad ban pynbna ïa baroh kaba u la leh!

SALM 9:11

To rwai ka jingïaroh ïa U Trai uba synshar ha Seïon! Ïathuh ha kawei pa kawei ka jaitbynriew ïa ki kam kiba u la leh!

SALM 96:3

Pynbna ïa ka burom jong u sha ki hima, ïa ki kam radbah jong u sha ki jaitbynriew baroh.

SALM 97:9

A Trai Badonbor Baroh, me long u nongsynshar ha ka pyrthei baroh; me kham khraw palat ban ïa ki blei baroh.

EKSODOS 15:2

U Trai u long u nongïada uba khlaiñ jong nga; u long ma u, uba la pyllait im ïa nga. U dei U Blei jong nga, bad ngan ïaroh ïa u, U Blei jong u kpa jong nga, bad ngan rwai shaphang ka jingkhraw jong u.

EKSODOS 33:19

U Trai u la jubab, “Ngan pynïaid ha khmat jong me ïa ka jingitynnat jong nga baroh, bad hangta haba me don, ngan pynbna ïa ka kyrteng kaba kyntang jong nga. Nga long U Trai bad ngan lehsbun bad leh-isynei ïa kito kiba nga jied.

ISAÏAH 12:1

Ka sngi ka wan ha kaba ki briew kin rwai, “Nga ïaroh ïa me A Trai! Me la bitar ïa nga, hynrei mynta me pyntngen ïa nga bad mem bitar shuh ïa nga.

ISAÏAH 2:11

Ka sngi kan wan ha kaba yn pynkut ïa ka jingsarong ba kynja briew bad yn pynjot thiaw ïa ka jinglehmeng ba kynja briew. Nangta tang ïa U Trai hi yn kyntiew burom.

ISAÏAH 2:17

Ïa ka jingsarong ba kynja briew yn pynkut bad ïa ka jinglehmeng ki briew yn pynjot. Ki bleithaw kin jah noh plain, bad tang ïa U Trai yn kyntiew burom ha kata ka sngi.

ISAÏAH 24:15

bad kito kiba ha mihngi kin ïaroh ïa u. Ki briew kiba im harud ka duriaw kin ïaroh ïa U Trai, U Blei ki Israel.

ISAÏAH 25:1

A Trai, me long U Blei jong nga; ngan pyndonburom ïa me bad ïaroh ïa ka kyrteng jong me. Me la leh kiei kiei kiba phylla; me la long uba ïaineh ha kaba pyntreikam ïa ki jingthmu jong me kiba me la thmu naduh mynbarim.

ISAÏAH 26:8

Ngi bud ïa ka mon jong me bad ngi buh ka jingkyrmen jong ngi ha me; me long tang ma me uba ngi kwah.

ISAÏAH 33:5

Katno uba khraw u long U Trai! U synshar halor kiei kiei baroh. Un pyndap ïa ka Jerusalem da ka jinglehhok bad ka jinglong ba-beit bad pynlong ka jingskhem ha ka hima.

ISAÏAH 42:12

Ai ba kito kiba shong ha ki ri bajngai kin ai ka jingïaroh bad ka burom ïa U Trai.

ISAÏAH 48:20

Khie mihnoh na Babilon, kiba laitluid! Pyrta jam da ka jingkmen ïa ka khubor; to pyntip ïa ka kylleng: “U Trai u la pynim ïa ki shakri jong u, ki Israel!”

ISAÏAH 66:19

“Hynrei ngan pynsah katto katne na ki bad phah ïa ki sha ki jaitbynriew bad sha ki ri kiba jngai ki bym pat shym la ïohsngew ïa ka nam jong nga lymne ïohi ïa ka jingkhraw bad ka bor jong nga: sha Spain, sha Libya bad sha Lydia, ryngkat bad ki nongrah ryntieh kiba tbit, bad sha Tubal bad sha Gris. Hapdeng kine ki jaitbynriew kin pynbna ïa ka jingkhrawbor jong nga.

JEREMAÏAH 50:2

“Ïathuh ïa ka khubor sha ki jaitbynriew! Pynbna ïa ka! Ai ka dak bad pynbna ïa ka khubor! Wat buhrieh ïa ka! Ka Babilon ka la kyllon! U Marduk u blei jong ka u la khynñiuh! Ïa ki bleithaw jong Babilon la buh ha ka jinglehrain, ïa ki dur ba-ijli jong ka la pynlwet!

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

ÏOANNIS 17:26

Nga la pynithuh ïa me ha ki, bad ngan ïai leh kumta, khnang ba ka jingieit kaba me don ïa nga kan ïoh long bad ki, bad kumta nga ruh ngan ïoh long bad ki.”