ISAÏAH 12:2 - Khasi CL Bible (BSI)

² U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

KA BAIBL

² “Ha khmih, U Blei u long ka jingpynim jong nga; ngan shaniah, bad ngan ym sngewsheptieng: namar U Trai Jehobah u long ka bor bad ka jingrwai jong nga; u la kylla long ruh ka jingpynim jong nga.”

ISAÏAH 12:2 ပူးပေါင်းရင်းမြစ်များ

2 SAMUEL 7:24

Me la pynlong ïa ki Israel, ki briew jong me hi junom, bad me, A Trai, me la long U Blei jong ki.

Ka Kitab U Job 13:16

Ka lah ban long ba ka jingshlur jong nga kan pyllait im ïa nga, namar yn ym don u riewsniew u ban nud ban ïakynduh ïa U Blei.

SALM 112:8

Um khuslai lane sheptieng; u thikna ban ïohi ba ki nongshun jong u ki shahjop.

SALM 118:14

U Trai u la pynlong ïa nga uba donbor bad uba khlaiñ; u la pynim ïa nga.

SALM 118:21

Nga ïaroh ïa me, A Trai, namar me la ïohsngew ïa nga, bad me la ai ka jingjop ïa nga.

SALM 27:1

U Trai u long ka jingshai jong nga bad ka jingpynim jong nga; ngan ym sheptieng ïano ïano ruh. U Trai u ïada ïa nga na ki jingjynjar baroh; ngan ym sheptieng lano lano ruh.

SALM 65:6

Me la buh ïa ki lumbah ha la ka jaka da ka jingkhlaiñ jong me, da kaba pyn-i ïa ka borbah jong me.

SALM 68:20

U Blei jong ngi u long U Blei uba pynim; u long U Trai, u Trai jong ngi, uba pyllait im ïa ngi na ka jingïap.

SALM 68:21

U Blei da shisha un pynpait ïa ki khlieh jong ki nongshun jong u, jong kito kiba ïai bteng ha ki jingim pop jong ki.

SALM 83:18

Ai ba kin tip ba tang ma me hi me long U Trai u nongsynshar uba hakhlieh tam ha ka pyrthei baroh kawei.

EKSODOS 15:2

U Trai u long u nongïada uba khlaiñ jong nga; u long ma u, uba la pyllait im ïa nga. U dei U Blei jong nga, bad ngan ïaroh ïa u, U Blei jong u kpa jong nga, bad ngan rwai shaphang ka jingkhraw jong u.

ISAÏAH 10:24

U Trai U Nongsynshar Badonbor Baroh u ong ha ki briew jong u kiba shong basah ha Seïon, “Wat sheptieng ïa ki nong Assyria, wat haba ki banbeiñ ïa phi kumba ki nong Ijipt ki la ju leh.

ISAÏAH 17:10

Ko Israel, pha la klet noh ïa U Blei uba la pyllait ïa pha bad uba la ïada ïa pha kum u mawsiang bah. Pynban, pha la thung ki kper bakyntang khnang ban mane ïa u blei nongwei.

ISAÏAH 27:5

Hynrei lada ki nongshun jong ki briew jong nga ki kwah ïa ka jingïada jong nga, ai ba kin ïasuk bad nga. Ho-oid, ai kin ïasuk bad nga.”

ISAÏAH 32:2

Uwei pa uwei na ki un long kum ka jingkah na ka lyer bad ka jaka ban rieh na ki 'erïong. Kin long kum ki wahduid kiba tuid ha ka ri shyiap, kum ka jingkah syrngiew u mawsiang bah ha ka ri shrah.

ISAÏAH 33:22

Baroh ki tyllai teh ha kito ki liengbah kim don jingmyntoi; ki jaiñ pdiang lyer kim lah ban pyiar! Ngin knieh noh ïa baroh ka spah jong ki kynhun shipai nongshun, bad kan bun haduh katta katta ba wat ki briew kiba dkoh ruh kin ïa-ïoh bynta. U Trai hi da lade un long u syiem jong ngi; un synshar halor jong ngi bad un ïada ïa ngi.

ISAÏAH 38:20

A Trai, me la pynkhiah ïa nga. Ngin tem ki duitara bad rwai ka jingïaroh ïa me, ngin rwai ïaroh ha ka Templ jong me katba ngi dang im.

ISAÏAH 45:17

Hynrei ïa ki Israel la pynim da U Trai, bad ka jingjop jong u ka neh junom; ki briew jong ka kin ym jahburom.’ ”

ISAÏAH 49:5

Ha shuwa ban kha ïa nga, U Trai u la thung ïa nga; u la pynlong ïa nga u shakri jong u ban wallam pat ïa ki briew jong u, ban wallam pat ïa ka jaitbynriew Israel kaba la saphriang kylleng. U Trai u ai ha nga ka burom; u long u tyllong jong ka jingkhlaiñ jong nga.

ISAÏAH 50:10

Phi baroh kiba burom ïa U Trai bad kiba kohnguh ïa ki ktien u shakri jong u, ka lynti kaba phi ïaid ka lah ban long kaba dum da shisha, hynrei shaniah ha U Trai, aiti ha U Blei jong phi.

ISAÏAH 51:12

U Trai u ong, “Nga long uta uba pynkhlaiñ ïa phi. Balei phin sheptieng ïa u briew u bym im junom, u bym kham neh ban ïa u phlang?

ISAÏAH 61:10

Ko Jerusalem to shadkmen namar kaei kaba U Trai u la leh. Ka long kum ka nongleitkurim kaba riam na ka bynta ka jingkyntiew kurim jong ka. U Blei u la pynkup ïa ka da ka jingpynim bad ka jingjop.

ISAÏAH 62:11

Ba U Trai u la pynbna shaduh ka pyrthei baroh: “To ong ha ki paid ka Jerusalem ba U Trai un wan ban ïada ïa phi un wallam bad u ïa ki briew kiba u la pyllait im.”

ISAÏAH 65:18

To kmen bad to shadkmen junom ha kaei kaba nga thaw. Ka Jerusalem bathymmai kaba nga pynlong kan dap da ka jingkmen, bad ki briew jong ka kin shem sngewbha.

ISAÏAH 7:14

Te kumta, U Trai un ai hi ka dak ha phi: Ka theisotti kaba punkhun kan kha u khun bad kan khot kyrteng ïa u, ‘U Immanuel.’

JEREMAÏAH 23:6

Haba u long syiem, ki paid Judah kin shongshngain bad ki paid Israel kin im ha ka jingsuk. Yn khot ïa u, ‘U Trai ka jingpynim jong ngi.’

JEREMAÏAH 3:23

Ngim shym la ïoh jingïarap ei ei da ka jingmane jong ngi ka bym dei ïa me halor ki kliar lum. Ka jingïarap ïa ki Israel ka wan tang na U Trai U Blei jong ngi.

DANIEL 3:28

U syiem u la ong, “To ïaroh ïa U Blei jong u Shadrakh, u Meshakh, bad u Abednego! U la phah ïa u angel jong u bad pyllait im ïa kine ki rangbah kiba la shakri bad shaniah ha u. Kim shym la kohnguh ïa ka hukum jong nga bad ki la kheiñduh ïa la ka jingim ban ïa kaba dem ngon bad mane ïa uno uno u blei lait tang u jong ki hi.

HOSIA 1:7

Hynrei ngan pyn-i jingieit ïa ki briew ka Judah. Ma nga U Trai U Blei jong ki ngan pyllait im ïa ki; hynrei ngan ym leh ïa kata da ka thma — da ki waitlam lane ki ryntieh, bad ki khnam lane ki kulai bad ki shipai shong kulai.”

JOEL 2:23

“To lehkmen, ko ki briew ka Seïon, to shadkmen ha kaei kaba U Trai U Blei jong phi u la leh ïa phi. U la ai ïa phi ïa u slap synrai uba biang; u la theh ïa u slap tlang na ka bynta jong phi bad ïa u slap pyrem kumba mynshuwa.

JONAH 2:9

Hynrei ngan rwai ki jingïaroh ïa me; ngan ai ka jingkñia ïa me bad ngan leh ïa kaei kaba nga la kular. Ka jingpynim ka wan na U Trai!”

HABAKKUK 3:18

Ngan ïai lehkmen bad shadkmen, namar U Trai U Blei u long u nongpynim jong nga.

Ka Shithi U Paul Sha Ki Nong Rom 1:16

Nga don ka jingngeit baskhem ha ka Gospel; ka long ka bor U Blei ban pynim ïa baroh kiba ngeit, nyngkong ïa ki Jiw bad ïa ki Jentil ruh.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

JINGPYNPAW 7:10

Ki la pyrta ha ka sur kaba jam: “Ka jingpynim ka wan na U Blei jong ngi, uba shong halor ka khet, bad na uta u Khunlangbrot!”

1 SAMUEL 2:1

Ka Hannah ka la duwai: “U Trai u la pyndap ïa ka dohnud jong nga da ka jingkmen; katno nga sngewtynnat namar kaei kaba u la leh! Nga rkhie ïa ki nongshun jong nga; katno nga shadkmen namar ba U Blei u la ïarap ïa nga.