ISAÏAH 12:1 - Khasi CL Bible (BSI)

¹ Ka sngi ka wan ha kaba ki briew kin rwai, “Nga ïaroh ïa me A Trai! Me la bitar ïa nga, hynrei mynta me pyntngen ïa nga bad mem bitar shuh ïa nga.

KA BAIBL

¹ Te ha kata ka sngi men ong, “Ngan ainguh ïa me, A Trai; namar la me la sngewbitar ïa nga, ïa ka jingbitar jong me la pynphai noh, bad me pyntngen ïa nga.

ISAÏAH 12:1 ပူးပေါင်းရင်းမြစ်များ

NEHEMAÏAH 8:10

Mynta leit noh sha la ïing bad bam bad dih sngewbha. Ïasam ïa ka jingbam bad ka waiñ bad kito ki bym dap bym biang. Mynta ka sngi ka long kaba khuid ha U Trai jong ngi, kumta wat sngewsih. Ka jingkmen kaba U Trai u la ai ha phi kan pynlong khlaiñ ïa phi.”

Ka Kitab U Job 11:16

Nangta baroh ki jingjynjar jong me kin shu jah noh na ki jingkynmaw jong me, kum ki jingshlei um kiba la ïaid lait noh bad ym don jingkynmaw shuh.

Ka Kitab U Job 13:16

Ka lah ban long ba ka jingshlur jong nga kan pyllait im ïa nga, namar yn ym don u riewsniew u ban nud ban ïakynduh ïa U Blei.

SALM 30:5

Ka jingbitar jong u ka neh tang shipor, ka jingbha jong u ka neh shi rta. Ki ummat ki lah ban jaw mynmiet, hynrei ka jingkmen ka wan pat mynstep.

SALM 71:21

Men pynlong ïa nga uba kham khraw ban ïa kaba ju long; bad men pyntngen biang ïa nga.

SALM 85:4

To wallam pat ïa ngi, A Blei u nongpynim jong ngi, bad sangeh na ka jingbymsngewbha ïa ngi!

SALM 86:17

To pyn-i ha nga ïa ka dak jong ka jingbha jong me, A Trai; kito kiba isih ïa nga kin ïoh lehrain haba ki ïohi ba me la ai ïa nga ka jingpyntngen bad ka jingïarap.

SALM 9:1

Ngan ïaroh ïa me, A Trai da ka dohnud jong nga baroh; ngan ïathuh ïa ki kamphylla jong me baroh kiba me la leh.

ISAÏAH 10:25

Tang hapoh khyndiat por ngan pyndep ban pynshitom ïa phi, bad nangta ngan pynjot ïa ki.

ISAÏAH 10:4

Phin shah pynïap ha ka thma lane phin shah paring kum ki koidi. Pynban wat la katta ruh, ïa ka jingbitar jong U Trai yn ym pynkut; ka kti jong u kan dang ïai kner ban pynshitom.

ISAÏAH 11:16

Kan don ka surok bah shabar jong ka Assyria na ka bynta kito kiba ki briew jong u ki Israel kiba dang im hangta, kumba ka la don ïa ki kpa tymmen jong ki haba ki la iehnoh ïa ka Ijipt.

ISAÏAH 14:3

U Trai un ai ha ki paid Israel ka jingtngen na ki jingpang bad ki jingshitom jong ki bad na ka kam kaba khia kaba ki la shah pynbor ban trei.

ISAÏAH 2:11

Ka sngi kan wan ha kaba yn pynkut ïa ka jingsarong ba kynja briew bad yn pynjot thiaw ïa ka jinglehmeng ba kynja briew. Nangta tang ïa U Trai hi yn kyntiew burom.

ISAÏAH 25:1

A Trai, me long U Blei jong nga; ngan pyndonburom ïa me bad ïaroh ïa ka kyrteng jong me. Me la leh kiei kiei kiba phylla; me la long uba ïaineh ha kaba pyntreikam ïa ki jingthmu jong me kiba me la thmu naduh mynbarim.

ISAÏAH 25:9

Haba kane kan jia, baroh kin ong, “U long U Blei jong ngi! Ngi la buh ïa ka jingshaniah jong ngi ha u, bad u la pyllait im ïa ngi. U long U Trai! Ngi la buh ïa ka jingshaniah ha u, bad mynta ngi kmen namar ba u la pynim ïa ngi.”

ISAÏAH 26:1

Ka sngi kan wan haba ki briew kin rwai ïa kane ka jingrwai ha ri Judah: Ka nongbah jong ngi ka long kaba skhem! U Blei da lade hi u ïada ïa ki kynroh jong ka!

ISAÏAH 35:10

Kin poi sha Jerusalem da ka jingkmen, kin rwai bad kin pyrta da ka jingkmen. Kin long kiba kmen junom, kiba la lait junom na ka jingsngewsih bad ka jingpangnud.

ISAÏAH 49:13

To rwai, ko ki bneng! Pyrta da ka jingkmen, ko ka pyrthei! To ai ba ki lumbah kin win ha ka jingrwai! U Trai un pyntngen ïa la ki briew; un don jingisynei ha ki briew jong u kiba jynjar.

ISAÏAH 51:3

“Ngan pyn-i ïa ka jinglehisynei ïa ka Jerusalem, sha kito baroh kiba shong halor ki jingpra jong ka. Wat la ka jaka jong ka, ka long kum ka ri shyiap, ngan pynlong ïa ka, ka kper, kum ka kper kaba nga la thung ha Eden. Ka jingkmen bad ka jinglehkmen kin don hangta, bad ki jingrwai jong ka jingïaroh bad jingainguh ïa nga.

ISAÏAH 54:7

“Tang shipor nga la iehnoh ïa pha; da ka jingieit kaba jylliew ngan shim pat ïa pha.

ISAÏAH 54:8

Nga la phai noh da ka jingbitar tang shipor, hynrei ngan pyn-i ha pha ïa ka jingieit jong nga junom.” Kumta u ong U Trai uba pynim ïa pha.

ISAÏAH 54:9

“Ha ka por u Noah nga la kular ba ngan ym pynshlei shuh ïa ka pyrthei. Mynta nga kular ba ngan ym bitar shuh ïa pha; ngan ym mai ne pynshitom ïa pha.

ISAÏAH 60:10

U Trai u ong ïa ka Jerusalem, “Ki nongwei kin tei pat ïa ki kynroh jong pha, bad ki syiem jong ki kin shakri ïa pha. Ha ka jingbitar jong nga, nga la pynshitom ïa pha, hynrei mynta ngan pyn-i ïa ka jingieit bad jingisynei jong nga ïa pha.

ISAÏAH 61:10

Ko Jerusalem to shadkmen namar kaei kaba U Trai u la leh. Ka long kum ka nongleitkurim kaba riam na ka bynta ka jingkyntiew kurim jong ka. U Blei u la pynkup ïa ka da ka jingpynim bad ka jingjop.

ISAÏAH 64:5

Me pdiang sngewbha ïa kito kiba shem jingkmen ha kaba leh ïa kaei kaba dei, ïa kito kiba kynmaw kumno me kwah ïa ki ban im. Me la bitar ïa ngi, hynrei ngi dang ïai leh pop; wat la me la bitar shla ngi dang ïai leh ïa kaba sniew naduh mynbarim.

ISAÏAH 65:18

To kmen bad to shadkmen junom ha kaei kaba nga thaw. Ka Jerusalem bathymmai kaba nga pynlong kan dap da ka jingkmen, bad ki briew jong ka kin shem sngewbha.

ISAÏAH 66:13

Ngan pyntngen ïa phi ha Jerusalem, kumba ka kmie ka pyntngen ïa la i khun.

JEREMAÏAH 30:19

Ki briew kiba sah hangta kin rwai ïaroh; kin pyrta jam da ka jingkmen. Da ka jingkyrkhu jong nga kin roi ha ka jingbun paid; ka jingkyrkhu jong nga kan wallam ha ki ka burom.

JEREMAÏAH 31:13

Nangta ki samla kynthei kin shad bad kin kmen, bad ki shynrang, kiba samla bad kiba tymmen, kin shadkmen. Ngan pyntngen ïa ki bad pynkylla ïa ka jingïambriew sha ka jingkmen, ïa ka jingsngewsih jong ki sha ka jingsngewbha.

HOSIA 11:8

“Kumno nga lah ban ieh ïa phi, ko Israel? Kumno nga lah ban iehnoh ïa phi? Hato ngan pynjot junom ïa phi kumba nga leh ïa ka Admah, lane ngan leh ïa phi kumba nga leh ïa ka Seboiim? Ka dohnud jong nga kan ym shah ïa nga ban leh ïa kata! Ka jingieit jong nga ïa phi ka long khlaiñ haduh katta katta.

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

SEKHARAÏAH 1:16

Kumta nga la wan phai pat sha Jerusalem ban pyn-i jingisynei ïa ka nongbah. Yn pynïeng pat ïa ka Templ jong nga, bad ïa ka nongbah yn tei pat.”

SEKHARAÏAH 14:20

Ha kata ka por wat ïa ki baje ha ki tyllai teh jong ki kulai yn thoh da ki kyntien “Ba la pynkyntang sha U Trai.” Ki khiew shet ha ka Templ kin long kiba kyntang kum ki jingdiang ha khmat ka duwan.

SEKHARAÏAH 14:9

Nangta U Trai un long u syiem jong ka pyrthei baroh; uwei pa uwei baroh un mane ïa u kum U Blei bad tip ïa u da kajuh ka kyrteng.

SEKHARAÏAH 8:11

Hynrei mynta nga leh ha ka rukom ba kham pher ïa kiba lait im jong kane ka jaitbynriew.

SEKHARAÏAH 8:19

“Ki jingshah jingit kiba la long ha u bnai basaw, uba san, uba hynñiew, bad uba shiphew kin kylla long ki Jingkhawai Niam ka jingkmen bad ka jingshadkmen ïa ki paid Judah. Phi dei ban ieit ïa ka jingshisha bad ka jingsuk.”

Ka Shithi U Paul Sha Ki Nong Rom 11:15

Naba haba ki la shah kyntait, ïa u bynriew la pynkylla na kaba long ki nongshun U Blei sha kaba long ki paralok jong u. Kaei ka ban long te, haba la pdiang ïa ki? Kan long ka jingim ïa kiba la ïap!