ISAÏAH 11:3 - Khasi CL Bible (BSI)

³ bad un shem jingsngewbha ha kaba kohnguh ïa u. Un ym bishar da kaba paw shabar lane da kaba shu ïohsngew pateng,

KA BAIBL

³ ka jingsngewbha jong u ruh kan long ha kaba tieng ïa U Trai: te un ym bishar da ka jingïohi ki khmat jong u, lymne sneng da ka jingïohsngew ki shkor jong u:

ISAÏAH 11:3 ပူးပေါင်းရင်းမြစ်များ

2 SAMUEL 14:17

Nga la ong ha lade ba ki kular jong phi, ko Kynrad, kin pynshngain ïa nga, namar ba u syiem u long kum u angel jong U Blei bad u lah ban pynïapher ïa kaba bha na kaba sniew. To U Trai U Blei jong phi un long lem bad phi!”

2 SAMUEL 14:8

“Khie leit noh sha ïing,” u syiem u la jubab, “bad ngan sa khmih ïa ka kam.”

1 SYIEM 3:28

Haba ki paid Israel ki la ïohsngew ïa ka jingrai jong u Solomon, ki la dap da ka jingñiewburom bakhraw ïa u, namar ki tip hangta ba U Blei u la ai ha u ka jingstad ban pynbeit ïa ki jingïakajia ha ka hok.

1 SYIEM 3:9

Kumta to ai ha nga ka jingstad kaba nga donkam ban synshar ïa ki briew jong me ha ka jinglehhok bad ban ithuh ka jingïapher hapdeng kaba bha bad kaba sniew. Lym kumta, kumno ngan lah ban synshar ïa u paidlang jong me uba khraw katne katne?”

Ka Kitab U Job 12:11

Hynrei kumba u thylliej u sngewbang ban mad ïa ka jingbam, ki shkor jong me ki sngewtynnat ban ïohsngew ïa ki kyntien.

Ka Kitab U Job 34:3

Phi tip ïa ka jingbam kaba bang dei haba phi la mad ïa ka, hynrei kam long kumta ïa ki kyntien kiba stad haba phi ïohsngew ïa ki.

PROBERB 2:5

Lada phi leh kumta, phin sa tip ka mut aïu ban sheptieng ïa U Trai bad phin sa lah ban sngewthuh shaphang U Blei.

PROBERB 2:9

Lada phi shahshkor ïa nga, phin sa tip kaei kaba dei, kaba hok, bad kaba ïaid beit. Phin sa tip ïa kaei kaba phi dei ban leh.

ISAÏAH 33:6

U ïada borabor ïa la ki briew bad u ai ïa ki ka jingstad bad ka jingtip. Ka jingkynshew spah bakhraw tam jong ki ka long ka jingtiengburom ïa U Trai.

ESEKIEL 45:8

Kane ka jaka kan long ka bynta jong u khun syiem uba synshar ha ri Israel, khnang un ym banbeiñ shuh ïa ki briew, hynrei ba un shah ïa kaba sah jong ka ri ba kan long ka jong ki jait Israel.

MIKAH 4:3

Un pynbeit ïa ki jingïakajia hapdeng ki jaitbynriew, hapdeng ki bor bakhraw hajan bad hajngai. Kin shoh tyrnem ïa la ki waitlam ban pynlong ki lyngkor bad ïa ki sum sha ki wait ngor tnat dieng. Ki jaitbynriew kin ym ïaleh thma shuh, kin ym pynkhreh shuh ban ïaleh thma.

LOUKAS 2:52

U Jisu u la nang san ha ka met bad ha ka jingstad, da kaba ïoh ïa ka jingsngewbha bad U Blei lem bad ki briew.

ÏOANNIS 2:25

Ym da donkam mano mano ban ïathuh ha u shaphang jong ki, namar u hi u la tip kaei kaba don ha ka dohnud jong ki.

ÏOANNIS 7:24

Wat shu bishar tang da ki jingthew na shabar, bad bishar da ki jingthew bashisha.”

HEBRU 5:14

Ka jingbam kaba eh, ha kawei pat ka liang, ka long ïa kiba la rangbah, kiba lyngba ka jingpynmlien ki lah ban pynïapher ïa kaba bha na kaba sniew.

1 SAMUEL 16:7

Hynrei U Trai u ong ha u, “Wat pynleit jingmut katno u jrong ka rynïeng bad katno u bhabriew, namar nga la kyntait ïa u; naba ngam bishar kumba bishar ki briew. U briew u peit ïa ka dur kaba shabar, hynrei nga, nga peit ïa ka dohnud.”