ISAÏAH 11:2 - Khasi CL Bible (BSI)

² U Mynsiem jong U Trai un ai ha u ka jingstad bad ka jingtip bad ka jingtbit ban synshar ïa ki briew jong u. Un tip ïa ka mon jong U Trai bad un pyndonburom ïa u,

KA BAIBL

² bad U Mynsiem jong U Trai un shong sah halor jong u, u mynsiem ka jingstad bad ka jingshemphang, u mynsiem ka jingsylla bad ka bor, u mynsiem jong ka jingtip bad ka jingsheptieng ïa U Trai;

ISAÏAH 11:2 ပူးပေါင်းရင်းမြစ်များ

2 SAMUEL 23:3

U Blei ki Israel u la kren; u nongïada jong ki Israel u ong ha nga: “U syiem uba synshar da ka jinglehhok, uba synshar da kaba kohnguh ïa U Blei,

SALM 72:2

ba kumta un synshar halor ki briew jong me da ka jingbishar hok bad synshar ïa kiba la shah banbeiñ da ka hok.

EKSODOS 28:3

Khot ïa ki nongsuhjaiñ batbit kiba nga la ai ha ki ka sap bad ong ïa ki ba kin suh ïa ki jaiñkup u Aaron khnang ba yn ïoh pynkyntang ïa u kum u lyngdoh ban shakri ïa nga.

ISAÏAH 28:6

Un ai ïa ka jingshemphang jong ka jingbishar hok ïa kito kiba trei kum ki nongbishar, bad ka jingshlur ïa kito kiba ïada ïa ki khyrdop ka nongbah na ka jingshah hiarthma.

ISAÏAH 32:15

Hynrei sa shisien pat U Blei un phah ha ngi ïa U Mynsiem jong u. Ka jaka shrah kan sa kylla seisoh, bad ki lyngkha kin sa pynmih ki jingbam kyrhai.

ISAÏAH 42:1

U Trai u ong, “Une u long u shakri jong nga, uba nga pynshaitbor — Uta uba nga la jied, ha u nga shem sngewbha. Nga la pyndap ïa u da U Mynsiem jong nga, bad un wallam jingbishar hok ha man la ka jaitbynriew.

ISAÏAH 48:16

“Mynta to wan sha jan jong nga bad sngap ïa kaei ba nga ong. Naduh mynnyngkong nga la kren da kaba shai, bad borabor nga la pynlong ba ki ktien jong nga kin wan urlong shisha.” (Mynta U Trai Nongsynshar u la ai ha nga ïa ka bor jong u bad u la phah ïa nga.)

ISAÏAH 59:21

Bad ngan pynlong ka Jutang bad phi: Nga la ai ha phi ïa ka bor jong nga bad ki jinghikai jong nga kin long bad phi junom, bad naduh mynta phi dei ban kohnguh ïa nga bad hikai ïa ki khun jong phi bad ïa ki pateng jong phi ban kohnguh ïa nga ha ki por baroh ki ban wan.”

ISAÏAH 61:1

U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

SEKHARAÏAH 4:6

U angel u la bthah ïa nga ban ai ha u Serubbabel ïa kane ka khubor na U Trai: “Men jop, ym da ka bor shipai lymne da ka bor ka jingkhlaiñ jong me, hynrei da U Mynsiem jong nga.

MATHAÏOS 3:16

Hadien ba U Jisu u la shah pynbaptis, u la wan kiew noh na ka um. Nangta ïa ka bneng la plie ha u, bad u la ïohi ïa U Mynsiem jong U Blei uba wan hiar kum ka paro bad ka da wan shong halor jong u.

ÏOANNIS 14:17

Uta u long U Mynsiem uba pynpaw ïa ka jingshisha shaphang U Blei. Ka pyrthei kam lah ban pdiang ïa u, namar ba kam ïohi ïa u lane ithuh ïa u. Hynrei phi ithuh ïa u, namar ba u ïaisah bad phi bad u don hapoh jong phi.

ÏOANNIS 15:26

“U Nongïarap un wan — U Mynsiem, uba pynpaw ïa ka jingshisha shaphang U Blei bad uba wan na U Kpa. Ngan phah ïa u na U Kpa, bad un kren shaphang jong nga.

ÏOANNIS 16:13

Pynban, haba U Mynsiem un wan, uba pynpaw ïa ka jingshisha shaphang U Blei, un ïalam ïa phi sha ka jingshisha baroh. Un ym kren ha ka bor jong u hi, hynrei un kren ïa kaei kaba u ïohsngew, bad un ïathuh ha phi ïa kiei kiei ki ban sa wan.

ÏOANNIS 3:34

Uta ïa uba U Blei u la phah, u kren ïa ki ktien jong U Blei, namar ba U Blei u ai ha u ïa ka jingdap jong U Mynsiem jong u.

KI KAM 10:38

Phi tip shaphang U Jisu uba na Nasareth bad kumno U Blei u la theh halor jong u ïa U Mynsiem Bakhuid bad ïa ka bor. U la leit kylleng, u da leh ki kam babha bad u da pynkhiah ïa baroh kiba la long hapoh ka bor jong u Ksuid, naba U Blei u la don lem bad u.

1 KORINTH 1:30

Hynrei U Blei u la wallam ïa phi ha U Khrist Jisu, bad U Blei u la pynlong ïa U Khrist ban long ka jingstad jong ngi. Da u, la pynïasuk ïa ngi bad U Blei; ngi long ki briew bakhuid jong U Blei bad la pyllaitluid ïa ngi.

DEUTERONOMI 34:9

U Joshua u khun jong u Nun u long uba la pyndap da ka jingstad, naba u Moses u la thung ïa u ban long u nongshimti pateng. Ki Israel ki kohnguh ïa u Joshua bad ki sumar ïa ki hukum ba U Trai u la ai ha ki lyngba u Moses.

2 TIMOTHI 1:7

Naba U Mynsiem uba U Blei u la ai ha ngi um pynlong ïa ngi kiba khawpud; pynban, U Mynsiem jong u, u pyndap ïa ngi da ka bor, ka jingieit, bad ka bor halor lade.

JINGPYNPAW 1:4

Na u Ïoannis sha ki hynñiew tylli ki balang ha ka probins jong ka Asia: Ka jingaiei bad ka jingsuk ïa phi na U Blei, uba long, uba la long bad u ban sa wan, bad na ki hynñiew ki mynsiem kiba ha khmat ka khet jong u,