ISAÏAH 11:16 - Khasi CL Bible (BSI)

¹⁶ Kan don ka surok bah shabar jong ka Assyria na ka bynta kito kiba ki briew jong u ki Israel kiba dang im hangta, kumba ka la don ïa ki kpa tymmen jong ki haba ki la iehnoh ïa ka Ijipt.

KA BAIBL

¹⁶ Te kan long ka lynti bah ïa i bynta ba dang sah u paidlang jong u, i ban dang sah, na Assyria; kumjuh kumba la don ïa u Israel ha kata ka sngi ba u la mih noh na ka ri Ijipt.

ISAÏAH 11:16 ပူးပေါင်းရင်းမြစ်များ

ISAÏAH 19:23

Haba kata ka por ka wan, kan don ka surok bah hapdeng ka Ijipt bad ka Assyria. Ki briew jong kito ki ar tylli ki ri kin ïaleit ïawan hapdeng jong ki, bad ki ar tylli ki ri kin ïamane lang.

ISAÏAH 11:11

Haba kata ka sngi ka wan, U Trai sa shisien pat un pyndonkam ïa ka bor jong u bad un wallam pat sha ïing ïa kito kiba na ki briew jong u kiba la shah iehnoh ha Assyria bad Ijipt, ha ki ri jong ka Pathros, ka Sudan, ka Elam, ka Babilonia bad ka Hamath, bad ha ki rud duriaw bad halor ki dewlynnong jong ki duriaw.

ISAÏAH 62:10

Ko ki paid ka Jerusalem, leit shabar ka nongbah bad shna ka lynti na ka bynta u paidlang u ban wan phai! Pynkhreh ïa ka lynti bah; da pynkhuid ïa ki maw kiba don ha ka! To sieh ïa ka lama, khnang ba ki jaitbynriew kin tip.

ISAÏAH 57:14

U Trai u ong, “To shah ïa ki briew jong nga ban wan phai sha nga. Bret noh ïa ki jingpynwit baroh na ki lynti ïaid jong ki! Shna ïa ka surok bad pynkhreh ïa ka!

ISAÏAH 51:10

Dei ma me ruh uba la pynrngad ïa ka duriaw bad pynlong ka lynti ïaid lyngba ki um, khnang ba kito kiba me pyllait im kin ïoh ïaid lyngba.

ISAÏAH 49:12

Ki briew jong nga kin wan na jngai bah, na shatei bad na sepngi, bad na Aswan kaba don shathie.”

ISAÏAH 27:13

Haba kata ka sngi kan wan, ïa ka turoi yn put ban khot pat na Assyria bad Ijipt ïa baroh ki Israel kiba don ha ka jinglongmraw hangta. Kin wan bad mane ïa U Trai ha Jerusalem, ha u lum bakyntang jong u.

ISAÏAH 1:9

Lada U Trai Badonbor Baroh um shym ailad ïa ki katto katne ki briew ban lait im, yn jin da la pynjot hi thiaw ïa ka Jerusalem, kumba long ïa ka Sodom bad Gomorrah.

ISAÏAH 10:20

Ka por ka poi ha kaba ki paid Israel kiba la lait im kin ym shaniah shuh ha ka jaitbynriew kaba la jan pynjot thiaw ïa ki. Da shisha kin buh ka jingshaniah jong ki ha U Trai, U Blei bakhuid jong ka Israel.

ISAÏAH 49:11

“Ngan shna ïa ka surok bah halor ki lumbah bad pynkhreh ïa ka lynti ba ki briew jong nga kin ïaid.

SEPHANAÏAH 2:7

Ki paid ka Judah kiba lait im kin buhai ha ka ri jong phi. Kin pynbamphlang ïa ki kynhun langbrot jong ki hangta bad thiah hapoh ki ïing ka Ashkelon. U Trai U Blei jong ki un long lem bad ki bad un pynlong ïa ki ban manbha pat.

EKSODOS 14:22

Ïa ki um la kad arliang, bad ki Israel ki ïaid lyngba ïa kata ka duriaw ha ka khyndew kaba rkhiang, katba kita ki um ki long kum ki kynroh ha baroh arliang.