ISAÏAH 11:12 - Khasi CL Bible (BSI)

¹² U Trai un kyntiew ïa ka lama ai dak ban pyn-i ïa ki jaitbynriew ba u lumlang sa shisien ïa ki briew jong ka Israel bad Judah kiba la shah pynsaphriang bad u wallam pat ïa ki na ki sawdong jong ka pyrthei.

KA BAIBL

¹² Te un sieh la ka lama ïa ki jaid bynriew, bad un ïalum ïa kiba la kyntait jong u Israel, un ïalum lang ruh ïa kiba la pynwir jong u Judah na ki sawdong ka pyrthei.

ISAÏAH 11:12 ပူးပေါင်းရင်းမြစ်များ

SEPHANAÏAH 3:10

Wat na ka Sudan kaba sha jngai, ki briew jong nga kiba la sakma kin wallam ki jingainguh sha nga.

ISAÏAH 56:8

U Trai Nongsynshar, uba la wallam pat ïa ki paid Israel sha ïing na ka ri ka jinglongmraw, u la kular ba un sa wallam ïa kiwei pat ki briew ban ïasoh lang bad ki.

ISAÏAH 43:6

Ngan ïathuh ïa ka shatei ban shah ïa ki ban leit bad ïa ka shathie ban ym bat noh ïa ki. Ai ba ki briew jong nga ki wan phai na ki ri bajngai, na man la ki bynta baroh jong ka pyrthei.

ISAÏAH 11:10

Ka sngi ka wan ha kaba u syiem bathymmai na ka longïing syiem jong u Dabid un long ka dak ka shin ïa ki jaitbynriew. Kin ïalumlang ha ka nongbah ba kynja syiem jong u bad ai ka jingpyndonburom ïa u.

SEKHARAÏAH 10:6

“Ngan pynkhlaiñ ïa ki paid Judah; ngan pyllait im ïa ki paid Israel. Ngan don ka jingsngewsynei ïa ki bad ngan wallam pat ïa ki baroh sha ïing. Kin long kum kiba ngam pat ju kyntait ïa ki. Nga long U Trai U Blei jong ki; ngan jubab ïa ki jingduwai jong ki.

SALM 147:2

U Trai u tei pat ïa ka Jerusalem; u wallam pat ïa kiba la shah ringmraw.

ISAÏAH 27:13

Haba kata ka sngi kan wan, ïa ka turoi yn put ban khot pat na Assyria bad Ijipt ïa baroh ki Israel kiba don ha ka jinglongmraw hangta. Kin wan bad mane ïa U Trai ha Jerusalem, ha u lum bakyntang jong u.

SALM 68:22

U Trai u la ong, “Ngan wallam biang ïa ki nongshun jong phi na Bashan; ngan wallam biang na ki jingjylliew jong ka duriaw-bah,

JINGPYNPAW 5:9

Ki la rwai ka jingrwai bathymmai: “Me long uba dei hok ban shim ïa ka kot kli bad ban pynpait ïa ki jingpyndait jong ka. Naba la pynïap ïa me, bad da ka jingïap ba aiti lut jong me me la siew kuna na ka bynta ki briew jong U Blei na kawei pa kawei ka jait, ka jait ktien, ka hima bad ka jaitbynriew.

JAKOB 1:1

Na u Jakob, u shakri jong U Blei bad U Jisu Khrist uba U Trai: Ka jingai khublei ïa baroh ki briew jong U Blei ba la pynsakma sha kylleng ka pyrthei.

ÏOANNIS 7:35

Ki nongsynshar jong ki Jiw ki la ïakren para ma ki, “Shano ba un sa leit ba ngi ngin ym shem ïa u? Hato un leit sha ki shnong jong ki Grik ha kaba ki briew jong ngi ki sah, bad ban hikai ïa ki Grik?

ISAÏAH 62:10

Ko ki paid ka Jerusalem, leit shabar ka nongbah bad shna ka lynti na ka bynta u paidlang u ban wan phai! Pynkhreh ïa ka lynti bah; da pynkhuid ïa ki maw kiba don ha ka! To sieh ïa ka lama, khnang ba ki jaitbynriew kin tip.

ISAÏAH 59:19

Naduh mihngi shaduh sepngi baroh kin sheptieng ïa u bad ïa ka bor bakhraw jong u. Un wan kum ka um ba kyrthep, kum ka lyer kaba jur.

ISAÏAH 18:3

To shahshkor, phi baroh kiba shong ha ka pyrthei! To ap ïa ka lama ai dak kaba yn kyntiew halor ki kliar jong ki lumbah! To shahshkor ïa ka jingput ïa ka ronsing!

DEUTERONOMI 32:26

Ngan jin da la pynjot thiaw ïa ki, khnang ban ym don ba kynmaw shuh ïa ki.

JINGPYNPAW 7:1

Hadien kane nga la ïohi ïa ki saw ngut ki angel kiba ïeng ha ki saw tylli ki dong jong ka pyrthei, ba ki ïabat ïa ki sawlyer, khnang ba yn ym don lyer ka ban beh halor ka khyndew lane ha ka duriaw lane ha pyrshah uno uno u dieng.

SALM 60:4

Me la maham ïa kito kiba pynpaw jingtiengburom ïa me, khnang ba kin ïohlait na ka jingpynjot.

SALM 107:3

U la pyllait im ïa phi na ki nongshun jong phi bad u la wallam pat ïa phi na ki ri nongwei, na mihngi bad sepngi, na shatei bad shathie.

ISAÏAH 24:16

Na ki bynta bajngai tam ka pyrthei ngin ïohsngew ïa ki jingrwai jingïaroh ïa ki Israel, ka jaitbynriew bahok. Hynrei ym don jingkyrmen na ka bynta jong nga! Nga shu duh lehnoh-ei! Ki nongshetkylla ki ïai shetkylla, bad ka kam shyrkhei jong ki ka nang sniew nang sniew.

ISAÏAH 49:5

Ha shuwa ban kha ïa nga, U Trai u la thung ïa nga; u la pynlong ïa nga u shakri jong u ban wallam pat ïa ki briew jong u, ban wallam pat ïa ka jaitbynriew Israel kaba la saphriang kylleng. U Trai u ai ha nga ka burom; u long u tyllong jong ka jingkhlaiñ jong nga.

ISAÏAH 49:22

U Trai Nongsynshar u ong ha la ki briew: “Ngan pyn-i dak sha ki jaitbynriew, bad kin wallam ïa ki khun jong pha sha ïing.

ISAÏAH 54:7

“Tang shipor nga la iehnoh ïa pha; da ka jingieit kaba jylliew ngan shim pat ïa pha.

ISAÏAH 60:4

Khmih sawdong jong pha bad peit kaei kaba jia: Ki briew jong pha kin ïalumlang ban wan phai sha ïing; ki khun shynrang jong pha kin wan na sha jngai bah, bad ïa ki khun kynthei jong pha yn shu rah kum ïa ki khunlung.

ISAÏAH 66:19

“Hynrei ngan pynsah katto katne na ki bad phah ïa ki sha ki jaitbynriew bad sha ki ri kiba jngai ki bym pat shym la ïohsngew ïa ka nam jong nga lymne ïohi ïa ka jingkhraw bad ka bor jong nga: sha Spain, sha Libya bad sha Lydia, ryngkat bad ki nongrah ryntieh kiba tbit, bad sha Tubal bad sha Gris. Hapdeng kine ki jaitbynriew kin pynbna ïa ka jingkhrawbor jong nga.

JEREMAÏAH 23:3

Ngan lum ïa kiba sah na ki briew jong nga na ki ri kiba nga la pynsakma ïa ki, bad ngan wallam pat ïa ki sha la ka jong ka ri. Kin ïoh bun ki khun bad kin nang roi ha ka jingbun briew.

JEREMAÏAH 30:17

Ngan pynkoit pat ïa phi; ngan pynkhiah ïa ki jingmong jong phi, la ki nongshun jong phi ki ong, ‘Ka Seïon ka dei kaba shah kyntait; ym don mano mano ba salia ïa ka.’ Ma nga, U Trai, nga la kren.”

JEREMAÏAH 50:4

U Trai u ong, “Haba ka por ka poi, ki paid Israel bad Judah kin wan ïa-ïam, kin wad ïa nga, U Blei jong ki.

ESEKIEL 28:25

U Trai Nongsynshar u la ong, “Ngan wallam pat ïa ki paid Israel na ki jaitbynriew kiba nga la pynsakma ïa ki, bad ki jaitbynriew baroh kin tip ba nga long uba khuid. Ki paid Israel kin im ha la ka ri, ka ri kaba nga la ai ha u shakri jong nga u Jakob.

HOSIA 1:11

Ki briew ka Judah bad ki briew ka Israel kin ïasoh lang kawei sa shisien. Kin sa jied tang uwei u nongïalam na ka bynta jong ki, bad sa shisien pat kin sa manbha bad roi kyrhai ha la ka ri. Ho-oid, ka sngi jong ka Jesreel kan long ka sngi kaba khraw!

JEREMAÏAH 51:12

Ai ïa ka dak ban tur ïaleh ïa ki kynroh jong ka Babilon. Pynkhlaiñ ïa ki nongap! Buh ïa ki nongap phira! Buh ïa ki rangbah ban apthap!” U Trai u la leh ïa kaei kaba u la ong ban un leh ïa ki briew jong ka Babilonia.

HOSIA 2:2

Ko khun jong nga, kyrpad jur ïa la ka kmie — wat lada kam dei tnga shuh ïa nga, bad nga ruh ngam dei shuh u tnga jong ka. Kyrpad ïa ka ba kan sangeh noh na kaba klim bad ka jingleh nuti.

SEKHARAÏAH 8:7

Ngan pyllait im ïa ki briew jong nga na ki ri sha kiba la shim noh ïa ki,