ISAÏAH 10:6 - Khasi CL Bible (BSI)

⁶ Nga la phah ïa ka Assyria ban tur ïaleh ïa ka jaitbynriew bym don blei, ki briew kiba la pynbitar ïa nga. Nga la phah ïa ki ban lute, ban tuh bad ban ïuhroit ïa ki briew kum ïa u pui pui ha ki lynti.”

KA BAIBL

⁶ Ngan phah ïa u, pyrshah ïa ka jaid bynriew bymman, bad pyrshah ïa u paidlang ka jingbitar jong nga ngan ai hukum ïa u, ban lute, bad ban patar, bad ban ïuh roit ïa ki, kum ka ktieh ki lynti shnong.

ISAÏAH 10:6 ပူးပေါင်းရင်းမြစ်များ

2 SAMUEL 22:43

Nga pynlwet ïa ki, bad ki kylla long kum u pui pui, nga ïuh halor jong ki kum ïa ka ktieh ha ki lynti.

2 SYIEM 18:25

Hato phi pyrkhat ba nga la tur ïaleh ïa ka ri jong phi bad ban pynjot ïa ka khlem ka jingïarap jong U Trai? U Trai da lade hi u ong ha nga ban tur ïaleh bad ban pynjot ïa ka.”

ISAÏAH 19:17

Ki briew jong ka Ijipt kin sngewtriem ïa ka Judah ha man ka por ba la pynkynmaw ïa ka kupar kaba U Trai Badonbor Baroh u la khreh na ka bynta jong ki.

ISAÏAH 22:5

Kane ka dei ka por jong ka jingkhih jingmut, ka jingshahjop, bad ka jingkulmar jingmut ha ka Them ka Jingïohipaw, bad U Trai U Nongsynshar Badonbor Baroh u la phah ïa ka ha ngi. Ïa ki kynroh jong ka nongbah jong ngi la tied pynkhyllem, bad ki jingkyang ban ïoh jingïarap ki la sawa hapdeng ki lum.

ISAÏAH 24:5

Ki briew ki la pyntngit ïa ka pyrthei da kaba pynkheiñ ïa ki aiñ jong U Blei bad da kaba ïaleh pyrshah ïa ka jutang kaba u la pynlong ban neh junom.

ISAÏAH 29:13

U Trai u la ong, “Kine ki briew ki ong ba ki mane ïa nga, hynrei ki ktien jong ki kim don jingmut ei ei, bad ki dohnud jong ki, ki long shawei pat. Ka niam jong ki kam long ei ei, hynrei ka long tang ki aiñ bad ki rukom briew, kiba ki shu spel lyndet.

ISAÏAH 32:6

Uba bieit u kren bieit bad u pyrkhat ban leh ïa kiei kiei kiba sniew. Kaei kaba u leh bad kaei kaba u ong ka long ka jingibeiñ ïa U Trai, bad um ju bsa ïa kiba thngan lane um ju ai ka jingdih ïa kiba sliang.

ISAÏAH 33:1

Ki nongshun jong ngi ki la shahjop! Ki la lute bad shetkylla, wat la ym shym don kiba la lute ne shetkylla ïa ki. Hynrei ka por ban lute bad shetkylla kan kut, bad ma ki hi kin sa long kiba shah lute bad kiba shah shetkylla.

ISAÏAH 33:14

Ki briew kiba pop jong ka Seïon ki khynñiuh da ka jingsheptieng. Ki ong, “Ka jingbishar U Blei ka long kum ka ding kaba meh junom. Hato uno uno na ngi un lait im na ka ding kaba kum kata?”

ISAÏAH 41:25

“Nga la jied ïa u briew uba shong basah shaphang mihngi; ngan wallam ïa u ban tur ïaleh na shaphang shatei. Un ïuh halor ki nongsynshar la kumba dei ka ktieh, kum u nongthaw khiew uba ïuh ïa ka dewbyrtha.

ISAÏAH 49:17

“Kito ki ban tei pat ïa pha kin sa wan shen, bad kito kiba pynjot ïa pha kin leit noh.

ISAÏAH 49:25

U Trai u jubab, “Kane ka long kata kaei ka ban sa jia. Ïa ki koidi jong u shipai yn ïalam noh, bad ïa ka jinglute jong u nongsynshar leh jubor yn bat noh. Ngan ïaleh pyrshah ïa uta uba ïaleh ïa pha, bad ngan pyllait ïa ki khun jong pha.

ISAÏAH 5:25

U Trai u la bitar ïa la ki briew bad u la kner ïa la ka kti ban pynshitom ïa ki. Ki lumbah kin khynñiuh bad ïa ki met jong kito kiba la ïap yn ieh ha ki lynti kum ka synrum. Pynban wat la katta ruh ïa ka jingbitar U Trai ym shym la pynkut, hynrei ka kti jong u kan ïai kner ban pynshitom.

ISAÏAH 5:29

Ki shipai ki kyrhuh kum ki sing kiba la pynïap ïa ka mrad bad kiba la rong ïa ka sha ka jaka ha kaba ym don ba lah ban knieh ïa ka na ki.

ISAÏAH 5:5

“Kane ka dei kaei kaba ngan leh ïa ka bri sohwaiñ jong nga: Ngan weng noh ïa ka jingker baroh sawdong jong ka, ngan pynpra ïa ka kynroh kaba da ïa ka, ngan shah ïa ki mradkhlaw ban bam ïa ka bad ïuhroit ïa ka.

ISAÏAH 63:3

U Trai u jubab, “Nga la ïuh ïa ki jaitbynriew kum ki sohwaiñ, bad ym don uwei ruh u ba la wan ban ïarap ïa nga. Nga la ïuh ïa ki ha ka jingbitar, bad ka snam jong ki ka la bit lut ha ki jaiñphong jong nga.

ISAÏAH 63:6

Ha ka jingbitar jong nga, nga ïuhroit ïa ki jaitbynriew baroh bad nga lynthaw ïa ki. Nga la theh ïa ka snam jong ki ha madan.”

ISAÏAH 7:17

“U Trai un wallam halor jong phi, halor ki briew jong phi, bad halor ka longïing syiem baroh kawei, ïa ki sngi jingjynjar kiba kham sniew ban ïa kano kano kaba lah wan naduh ba ka hima Israel ka la khlad na ka Judah — un wallam ïa u syiem ka Assyria.

ISAÏAH 8:4

Ha shuwa ba u khynnah un heh un san ban ong ‘Mei’ bad ‘Pa’, ïa ka spah baroh jong ka Damaskos bad ïa ka mar lute baroh jong ka Samaria yn kit noh da u patsha ka Assyria.”

ISAÏAH 8:8

Kin sar lyngba ka Judah ha ka jingshlei um, da kaba kiew haduh tyrpeng bad tap lin ïa kaei kaei baroh.” U Blei u long lem bad ngi! Ki thapniang jong u ba la pyiar shabar ki ïada ïa ka ri.

ISAÏAH 9:17

Bad kumta U Trai un ym shah ba uno uno u samla un lait phet, bad un ym pyn-i ka jingisynei ïano ïano na ki riewkynthei bad ki khunswet, namar baroh ki briew ki long kiba khlem blei bad bymman bad kaei kaei baroh kaba ki ong ka long kaba sniew. Pynban la katta ruh ïa ka jingbitar jong U Trai yn ym pynkut, hynrei ka kti jong u kan dang ïai kner ban pynshitom.

ISAÏAH 9:19

Namar ba U Trai Badonbor Baroh u bitar, ka jingpynshitom jong u ka pluh kum ka ding ha kylleng jong ka ri bad ka pynjot thiaw ïa ki briew, bad dei ma ngi iwei pa iwei ïa lade hi.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 3:10

Bad hadien kane baroh, ka Judah, ka para bymïaineh jong ka Israel, ka la shu leh mynleh ban wan phai sha nga, kam shym da mut shisha. Ma nga U Trai, nga la kren.”

JEREMAÏAH 34:22

Ngan ai ka hukum, bad kin wan biang sha kane ka nongbah. Kin tur ïaleh ïa ka, kin kurup ïa ka, bad thang duh ïa ka. Ngan pynlong ïa ki shnong ka Judah ba kin long kum ka ri shyiap ha kaba yn ym don mano mano ban shong ban sah ha ka. Ma nga, U Trai, nga la kren.”

JEREMAÏAH 4:14

A Jerusalem, to sait noh ïa ka jingsniew na ka dohnud jong pha, khnang ba pha lah ban ïohlait im. Sa katno phan dang ïai pyrkhat ïa ki jingpyrkhat bashlei da ka pop?

ESEKIEL 29:20

Ngan ai ha u ïa ka Ijipt kum ka jingsiew na ka bynta ki jingtrei jong u, namar ka kynhun shipai jong u ka trei na ka bynta jong nga. Ma nga, U Trai Nongsynshar, nga la kren.

ESEKIEL 38:12

Men leit kurup, bad lute ïa ki briew kiba shong ha ki nongbah kiba shisien ki don ha ka jingjot. Ki long kiba la lumlang na ki jaitbynriew, bad mynta ki don la ki jingri bad ki jingdon jingem, bad ki shong ha ki lad bah ka pyrthei.

ESEKIEL 38:13

Ki briew kiba na Sheba bad Dedan bad ki nongkhaïi na ki shnong jong ka Spain kin kylli ïa me, ‘Hato me la lumlang ïa ka kynhun shipai bad tur ïaleh khnang ban lute bad pynjot? Hato me thmu ban knieh noh ïa ka rupa bad ka ksiar, ki jingri bad ïa ki jingdon jingem, bad phet noh pat bad kito ki mar lute baroh?’ ”

MIKAH 7:10

Te ki nongshun jong ngi kin ïohi ïa kane bad kin shah pynjahburom — kijuh ki nongshun kiba la pynthut ïa ngi da kaba kylli, “Hangno U Trai U Blei jong phi u don?” Ngin ïohi ba ki la shahjop, shah ïuh kum ka ktieh ha ki lynti bah.

HABAKKUK 1:12

A Trai, naduh kaba nyngkong eh me long U Blei. Me long U Blei jong nga, uba khuid bad uba bymjukut. A Trai, U Blei jong nga bad u nongïada, me la jied ïa ki nong Babilonia bad pynlong ïa ki, kiba khlaiñ khnang ba kin lah ban pynshitom ïa ngi.

SEKHARAÏAH 10:5

Ki paid Judah kin jop kum ki shipai kiba kyrdem ïa ki nongshun jong ki ha ka ktieh jong ki lynti bah. Kin ïaleh namar U Trai u don bad ki, bad kin jop wat ïa ka kynhun shipai shong kulai jong u nongshun.

MATHAÏOS 15:7

Phi kiba arsap! A katno ka long kaba dei haba u Isaïah u la ïathuhlypa shaphang jong phi!