ISAÏAH 10:4 - Khasi CL Bible (BSI)

⁴ Phin shah pynïap ha ka thma lane phin shah paring kum ki koidi. Pynban wat la katta ruh, ïa ka jingbitar jong U Trai yn ym pynkut; ka kti jong u kan dang ïai kner ban pynshitom.

KA BAIBL

⁴ Kin shu dem hapoh ki nongsah byndi, bad kin kyllon hapoh ki baïap. La kumta ruh ka jingbitar jong u kam shym la phai noh, hynrei, ka kti jong u ka shu dang kner.

ISAÏAH 10:4 ပူးပေါင်းရင်းမြစ်များ

ISAÏAH 22:2

Ka nongbah baroh kawei ka don ha ka jingkhihwin, la pyndap da ka jingsawa bad ka jingshongshit. Ki rangbah jong phi kiba la ïap ha kane ka thma kim shym ïap ha ka jingïaleh.

ISAÏAH 24:22

U Blei un buh khapngiah ïa ki syiem kum ki koidi ha ka thliew. Un set ïa ki ha ka ïingbyndi haduh ka por jong ka jingpynshitom ïa ki.

ISAÏAH 34:3

Yn ym tep ïa ki metïap jong ki, hynrei kin pyut hangta bad kin iwtung; bad ki lumbah kin saw da ka snam.

ISAÏAH 5:25

U Trai u la bitar ïa la ki briew bad u la kner ïa la ka kti ban pynshitom ïa ki. Ki lumbah kin khynñiuh bad ïa ki met jong kito kiba la ïap yn ieh ha ki lynti kum ka synrum. Pynban wat la katta ruh ïa ka jingbitar U Trai ym shym la pynkut, hynrei ka kti jong u kan ïai kner ban pynshitom.

ISAÏAH 66:16

Da ka ding bad ka waitlam un pynshitom ïa ki briew baroh jong ka pyrthei kiba u shem ba la pynrem — bad shibun kin shah pynïap.

ISAÏAH 9:11

U Trai u la pynkhih ïa ki nongshun jong ki ban tur ïaleh ïa ki.

ISAÏAH 9:12

Ka Syria ha ka phang mihngi bad ka Philistia ha ka phang sepngi ki la ang la ka shyntur ban bam ïa ka Israel. Pynban la katta ruh ïa ka jingbitar jong U Trai ym shym pynkut; ka kti jong u ka dang kner ban pynshitom.

ISAÏAH 9:16

Kito kiba ïalam ïa kine ki briew ki la ïalam bakla ïa ki bad pynshaïong jingmut lut ïa ki.

ISAÏAH 9:17

Bad kumta U Trai un ym shah ba uno uno u samla un lait phet, bad un ym pyn-i ka jingisynei ïano ïano na ki riewkynthei bad ki khunswet, namar baroh ki briew ki long kiba khlem blei bad bymman bad kaei kaei baroh kaba ki ong ka long kaba sniew. Pynban la katta ruh ïa ka jingbitar jong U Trai yn ym pynkut, hynrei ka kti jong u kan dang ïai kner ban pynshitom.

ISAÏAH 9:20

Hangno hangno hapoh jong ka ri, ki briew ki knieh kynthet bad ki bam ïa kano kano ka jingbam kaba ki lah ban shem, hynrei ïa ka jingthngan jong ki ym lah da lei lei ban pynkdang. Ki da bam ruh wat ïa ki khun jong ki hi!

ISAÏAH 9:21

Ki briew jong ka Manasseh bad ki briew jong ka Ephraim ki tur ïaleh para ma ki, bad ryngkat lang ki tur ïaleh ïa ka Judah. Pynban la katta ruh, ïa ka jingbitar jong U Trai ym shym pynkut, ka kti jong u ka dang ïai kner ban pynshitom.

JEREMAÏAH 15:2

Haba ki kylli ïa me shano ki dei ban leit, ïathuh ïa ki ba nga la lah ong: “Ïa ki katto katne ngut la tim ban ïap da ka jingpang — kata ka dei sha kaba kin leit! Ïa kiwei pat la tim ban ïap ha ka thma — kata ka dei sha kaba kin leit! Ïa ki katto katne ngut la tim ban ïap na ka jingïapthngan — kata ka dei sha kaba kin leit! Ïa kiwei pat la tim ban shah ring noh kum ki koidi — kata ka dei sha kaba kin leit!

JEREMAÏAH 37:10

Wat la men jop ïa ka kynhun shipai Babilonia baroh kawei, ba tang ki rangbah ba la mynsaw kin sah, kiba thiah ha la ki ïingjaiñ, kito ki rangbah kin dang ïeng bad thang ïa kane ka nongbah ha ban da ing khoit.”

JEREMAÏAH 4:8

Kumta to kup ka jaiñ khain, bad to ïam bad ud sngewsih namar ka jingbitar shla jong U Trai kam shym la phai noh na ka Judah.

HOSIA 9:12

Hynrei wat la ki ïoh pynheh pynsan ïa la ki khun, ngan shim noh ïa ki bad ngan ym pynsah im uwei ruh. Haba ngan iehnoh noh ïa kine ki briew, kiei kiei kiba shyrkhei kin wan jia ha ki.”

LEBITIKOS 26:17

Ngan phai pyrshah ïa phi, te phin shahjop ha ki nongshun jong phi, bad kito kiba phi isih kin synshar halor jong phi; phin sngewsheptieng haduh katta katta ba phin phet ïap haba ym don ba beh ïa phi.

DEUTERONOMI 32:30

Balei ba shihajar kin shahjop tang ha uwei, bad shiphew hajar pat tang ha ki ar ngut? U Trai U Blei jong ki u la iehnoh ïa ki, bad U Blei badonbor jong ki u la kyntait noh ïa ki?