ISAÏAH 10:34 - Khasi CL Bible (BSI)

³⁴ U Trai un khet ïa ki kumba ïa ki dieng hapdeng ka khlaw la khet da u sdie, bad wat ki dieng kiba kynsai tam jong ka Lebanon ki kyllon!

KA BAIBL

³⁴ Te un mait noh ïa ki bniap ka khlaw da u nar, bad u Lebanon un kyllon noh da uba don bor.

ISAÏAH 10:34 ပူးပေါင်းရင်းမြစ်များ

SALM 103:20

Ïaroh ïa U Trai, ma phi ki angel bakhlaiñ bad badonbor, kiba kohnguh ïa ki hukum jong u, kiba shahshkor ïa kaei kaba u ong.

ISAÏAH 10:18

Ïa ki khlaw barben bad ïa ki jaka rep yn pynjot lut thiaw, ha kajuh ka rukom ba ka jingpang bashyrkhei ka pynjot ïano ïano.

ISAÏAH 2:13

Un pynjot ïa ki dieng Kedar kiba jrong jong ka Lebanon bad ïa ki dieng Sning baroh ha ka ri Bashan.

ISAÏAH 31:8

Ïa ka Assyria yn pynjot ha ka thma, hynrei ym da ka bor briew. Ki nong Assyria kin phet ïap na ka thma, bad ïa ki samla shynrang jong ki yn pynlong mraw.

ISAÏAH 33:9

Ka ri ka sah shrah bad long ri shyiap. Ki khlaw ka Lebanon ki la tyrkhong, ka them baseisoh ka Sharon ka long kum ka ri shyiap, bad ha Bashan bad ha u lum Karmel ki sla ki hap na ki dieng.

ISAÏAH 37:24

Me la phah ïa ki shakri jong me ban kob sarong ïa nga ba da baroh ki kali ïapom jong me men jop ïa ki lum bajrong tam ka Lebanon. Me kob sarong ba hangta me pom lut ïa ki dieng Kedar bajrong tam bad ïa ki dieng Kseh bakynsai tam, bad me la poi sha ki bynta barben tam jong ki khlaw.

ISAÏAH 37:36

U angel jong U Trai u leit sha ka jaka shong dara ki Assyria bad u pynïap shi lakh phraphew san hajar ngut ki shipai. Dang step phyrngab ka sngi kaba bud hangta ki thiah, baroh ki la ïap!

JEREMAÏAH 22:7

Ngan phah ïa ki briew ban pynjot ïa ka. Ki baroh kin wanrah ïa la ki sdie, kin pynngat ïa ki dieng Kedar kiba itynnat bad kin bret ïa ki ha ka ding.

JEREMAÏAH 48:2

Ki nongshun ki la knieh ïa ka Heshbon bad ki ïasylla ban pynjot ïa ka hima ki Moab. Ïa ka shnong Madmen yn pynsngap jar; ki shipai kin tur pyrshah ïa ka.

ESEKIEL 31:3

Me long kum u dieng Kedar ka Lebanon, lem bad ki tnat kiba itynnat bad ba kah syrngiew, u dieng uba jrong katta katta uba kot haduh ki lyoh.

DANIEL 4:23

Katba u Syiem Kynrad u dang peit, u angel u la wan hiar na bneng bad u la ong, ‘Pom ïa u dieng bad pynjot ïa u, hynrei iehnoh ïa ka dyngkhong ha ka khyndew. Teh da u syrwiang nar bad rnong sawdong jong ka, bad iehnoh hangta ha ka pyntha lem bad u phlang. Ai ba ka umjer kan hap halor jong une u briew, bad shah ïa u ban im hangta bad ki mrad na ka bynta hynñiew snem.’

NAHUM 1:12

Kane ka long kaei kaba U Trai u ong ha ki briew jong u ki Israel: “Wat la ki nong Assyria ki khlaiñ bad ki kham bun paid, ïa ki yn pynjot thiaw bad kin jah noh. Ko ki briew jong nga, nga la pynlong ïa phi ban shahshitom, hynrei ngan ym leh shuh ïa ka.

2 THESSALONI 1:7

bad un ai ka jingpyllait ha phi kiba shahshitom bad ha ngi ruh kumjuh. Un leh ïa kane haba U Trai Jisu u mihpaw na bneng lem bad ki angel bakhlaiñbor jong u,

2 PETROS 2:11

Wat ki angel, kiba kham khlaiñ bad kham khraw ban ïa kine ki nonghikai balamler, kim pynrem ïa ki da ki jingkrenbeiñ ha khmat U Trai.

JINGPYNPAW 10:1

Nangta nga la ïohi sa uwei pat u angel bakhrawbor ba u wan hiar na bneng. La sop ïa u ha u lyoh bad la don u simpyllieng sawdong ka khlieh jong u; ka durkhmat jong u ka long kum ka sngi, bad ki kjat jong u kum ki rishot ding.

JINGPYNPAW 18:21

Nangta u angel bakhlaiñbor u la shim ïa u maw uba heh la kat u mawtylliat baheh bad u la kawang ïa u sha ka duriaw, da kaba ong, “Kane ka long kumno ïa ka nongbah Babilon bakhraw yn pynkhyllem ha ka borbah bad yn ym ïohi shuh ïa ka da lei lei.