ISAÏAH 10:3 - Khasi CL Bible (BSI)

³ Kaei phin leh haba U Blei u pynshitom ïa phi? Kaei phin leh haba u wallam ka jingpynjot halor jong phi na ka ri bajngai? Shano phin mareh ban shem jingïarap? Hangno phin buhrieh ïa ka spah jong phi?

KA BAIBL

³ Te phin leh aïu ha ka sngi ka jingwan-i, bad ha ka jingpynjot noh ka ban wan na sha jngai? Hano phin phet ban ïoh jingïarap? Shano ruh phin iehnoh ïa ka burom jong phi?

ISAÏAH 10:3 ပူးပေါင်းရင်းမြစ်များ

JENESIS 31:1

U Jakob u ïohsngew ba ki khun shynrang jong u Laban ki ïa-ong, “U Jakob u la shim lut baroh kat kaba dei ka jong i pa jong ngi. U la ïoh lut ïa ka spah baroh na kaei kaba i pa jong ngi i don.”

2 SYIEM 7:15

Ki rangbah ki leit shaduh Jordan, bad baroh shi lynter lynti ki ïohi ïa ki jaiñkup bad ki tiar ki tar ba ki Syria ki la bret katba ki dang phet ïap. Nangta ki wan phai bad ki leit ïathuh ha u syiem.

Ka Kitab U Job 31:14

Lada ngam leh kumta, kumno te ngan wan ha khmat U Blei? Kaei nga lah ban ong haba U Blei u wan ban bishar ïa nga?

PROBERB 11:4

Ka spah kan ym lah ban leh ïa kaei kaei kaba bha ha ka sngi ba phi ïashem ïa ka jingïap, hynrei ka jinglehhok kan pyllait ïa ka jingim jong phi.

ISAÏAH 13:6

To ud ha ka jingpang! Ka sngi ka jong U Trai ka la hajan, ka sngi ha kaba U Badonbor Baroh u wallam ka jingpynjot.

ISAÏAH 17:4

U Trai u la ong, “Ka sngi ka wan ha kaba ka jingkhraw jong ka Israel kan poi sha kaba kut, bad ïa ka spah jong ka yn bujli da ka jingduk.

ISAÏAH 20:6

Haba kata ka por ka wan, ki briew kiba shong shi lynter ka rud duriaw jong ka Philistia kin ong, ‘Khmih ïa kaei kaba la jia ha ki briew kiba ngi la shaniah ban ïada ïa ngi na u patsha jong ka Assyria! Kumno ngin ïohlait im?’ ”

ISAÏAH 26:14

Mynta ki la ïap noh bad kin ym im shuh; ki sna-ïap jong ki kin ym mih, namar me la pynshitom bad pynjot ïa ki. Ym don uwei ruh u ban kynmaw shuh ïa ki.

ISAÏAH 26:21

U Trai u wan na ka jaka shong jong u na bneng ban pynshitom ïa ki briew jong ka pyrthei namar ki pop jong ki. Ki jingpynïap briew ha ka pyrthei ïa kiba la leh ha kaba rieh, yn pynpaw, bad ka khyndew kan ym lah shuh ban buhrieh ïa kito ïa kiba la pynïap.

ISAÏAH 28:20

Phin long kum u briew ba la thoh ha ka proberb, uba pyrshang ban thiah ha ka jingthiah kaba lyngkot palat bym lah ban jyrtieng, bad ka nep kaba rit palat ka bym lah ban tap ïa u.

ISAÏAH 29:6

Kynsan kynsan bad khlem poi pyrkhat U Trai Badonbor Baroh un pyllait im ïa pha da ki 'erïong bajur bad ki jingkhih jumai. Un phah ïa ki 'erlangthari bad ka ding baklang;

ISAÏAH 30:16

Pynban, phi thmu ban lait im na ki nongshun jong phi da kaba shong ha ki kulai bastet. Phi pyrkhat ïa kaba dei — ka jinglait im ka long kaei kaba phi donkam! Phi pyrkhat ba ki kulai jong phi ki long kiba stet bha, hynrei kito kiba beh nadien jong phi ki kham stet!

ISAÏAH 30:5

ki briew jong ka Judah kin babe ba ki la shaniah ha kata ka hima ka bym lah ban shaniah, ka hima ka bym lah ban leh ei ei ïa ki haba ki khmih lynti ban ïoh jingïarap.”

ISAÏAH 30:7

Ka jingïarap kaba ka Ijipt ka ai ka long ka bymmyntoi. Kumta nga la khot-sin ïa ka Ijipt, ‘U Ïakjakor bym lah pynmynsaw.’”

ISAÏAH 33:14

Ki briew kiba pop jong ka Seïon ki khynñiuh da ka jingsheptieng. Ki ong, “Ka jingbishar U Blei ka long kum ka ding kaba meh junom. Hato uno uno na ngi un lait im na ka ding kaba kum kata?”

ISAÏAH 39:3

Te u Isaïah u nongïathuhlypa u la leit sha u syiem Hesekaïah bad u la kylli, “Nangno kine ki briew ki wan bad kaei kaba ki ong ïa phi?” U Hesekaïah u la jubab, “Ki wan na ka ri kaba jngai bha, na Babilonia.”

ISAÏAH 5:14

Ka pyrthei kiba ïap ka thngan ïa ki, ka ang pynheh ïa la ka shyntur. Ka klun shapoh ïa ki riewdonburom jong ka Jerusalem bad ki paid ba kaw kaw jong ki riewpaidbah.

ISAÏAH 5:26

U Trai u ai dak ban khot ïa ka jaitbynriew na jngai. U siaw ïa ki ban wan na kiba kut ka pyrthei. Bad kine ki wan ha ka jingstet bad kloi lan.

JEREMAÏAH 22:7

Ngan phah ïa ki briew ban pynjot ïa ka. Ki baroh kin wanrah ïa la ki sdie, kin pynngat ïa ki dieng Kedar kiba itynnat bad kin bret ïa ki ha ka ding.

JEREMAÏAH 4:30

Ko Jerusalem, pha long kaba la tim! Balei pha riam ha kaba saw syn-iang? Balei pha deng jingdeng bad airong ïa ki khmat jong pha? Pha pynbhabriew ïa lade ym na ka bynta kano kano! Ki nongleh-ieit jong pha ki la kyntait ïa pha bad ki kwah ban pynïap ïa pha.

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

JEREMAÏAH 9:9

Hato ngan ym pynshitom ïa ki na ka bynta kine kiei kiei? Hato ngan ym pynhiarkput halor ka jaitbynriew kaba kum kane? Ma nga, U Trai, nga la kren.”

HOSIA 5:13

“Haba ka Israel ka ïohi haduh katno ka pang jur bad haba ka Judah ka ïohi ïa la ki jingmong, nangta ki Israel ki leit sha Assyria ban pan jingïarap na u syiem uba khrawbor, hynrei um lah ban pynkoit ïa ki lane pynkhiah ïa ki jingmong jong ki.

HOSIA 9:5

Bad haba ka por kan poi na ka bynta ki Jingkhawai Niam ba la jied na ka bynta ban pyndonburom ïa U Trai, kin ïaleh kumno hangta?

HOSIA 9:7

Ka por jong ka jingpynshitom ka la poi, ka por ha kaba ki briew kin ïoh ïa kaei kaba ki dei hok. Haba kata ka jia, ki Israel kin tip ïa ka! “Une u nongïathuhlypa,” phi ong, “u dei uba bieit. Une u briew uba ïoh mynsiem u dei uba lamwir.” Phi ki briew phi isih jur ïa nga namar ba la jyllei eh ki pop jong phi.

AMOS 5:19

Kan long kum haba u briew u phet ïap na u sing bad u ïakynduh ïa ka dngiem! lane kum haba u briew u wan sha la ïing bad buh ïa la ka kti ha ka kynroh — tang ban shah puh ha u bseiñ!

MIKAH 7:4

Wat kiba bha tam bad bahok tam na ki, ki long ki bymdondor kum ki ñiut. Ka sngi ka la poi haba U Blei un pynshitom ïa ki briew, kumba u la maham ïa ki lyngba ki nongap phira, ki nongïathuhlypa. Mynta ki don ha ka jingkulmar jingmut.

SEPHANAÏAH 1:18

Ha ka sngi haba U Trai un pyn-i ïa ka jingbitar shla jong u, wat ka rupa bad ka ksiar jong ki baroh kan ym lah ban pynim ïa ki. Ïa ka pyrthei baroh kawei yn pynjot da ka ding ka jingbitar jong u. Un pynkut — ka jingkut kaba kynsan — ïa uwei pa uwei uba im ha ka pyrthei.

LOUKAS 19:44

Kin pynjot thiaw ïa pha bad ïa ki briew kiba hapoh ki kynroh jong pha; yn ym pynsah wat uwei ruh u maw ha ka jaka ba u don, namar ba pham shym ithuh ïa ka por mynba U Blei u la wan ban pynim ïa pha!”

DEUTERONOMI 28:49

U Trai un phah ïa ka jaitbynriew na kaba kut ka pyrthei pyrshah ïa phi, ka jaitbynriew kaba ka ktien ka thylliej jong ka phin ym sngewthuh. Kin wan hiar kynsan ha phi kumba suh u pukni.

1 PETROS 2:12

Ka rukom im jong phi hapdeng ki bymngeit ka dei ban long kaba bha kumta ba haba ki mudui ïa phi kum ki nongleh bymman, kin hap ban ithuh shai ïa ki kam babha jong phi bad kumta kin ïaroh ïa U Blei ha ka Sngi ka jingwan jong u.