ISAÏAH 10:2 - Khasi CL Bible (BSI)

² Kata ka long kumno ba phi khang ïa kiba duk na kaba ïohpdiang ïa ki hok jong ki bad na kaba ïohpdiang ïa ka jingbishar hok. Kata ka long kumno ba phi knieh ïa ka jingdon jingem kaba dei jong ki riewkynthei bad ki khunswet.

KA BAIBL

² ban pynphai noh ïa u baduk na ka jingbishar, bad ban knieh noh ïa ka hok u bakyrduh jong u paidlang jong nga, ba ki riewkynthei kin long ka jinglute ïa ki, bad ba kin lute ïa ki khunswet!

ISAÏAH 10:2 ပူးပေါင်းရင်းမြစ်များ

Ka Kitab U Job 31:16

Ngam pat ju kyrngah ban ïarap ïa kiba duk; ngam pat ju shah ïa ki riewkynthei ban im jynjar

SALM 94:6

Ki pynïap ïa ki riewkynthei bad ïa ki khunswet, bad shoh pynïap ïa u nongwei uba shong ha ka ri jong ngi.

EKSODOS 23:6

“Wat pynduh ïa ka jingbishar hok ïa uba duk haba u wan ha ka ïingbishar.

PROBERB 22:22

Wat shim kabu ïa kiba duk tang namar ba phi lah; wat shim kabu ïa kito kiba ïeng khlem jingïarap ha ka ïingbishar.

PROBERB 30:14

Don ki briew kiba shim kabu-runar ïa kiba duk bad kiba kyrduh; kata ka long ka rukom ba ki kyrshan ïa la ka jingim.

ISAÏAH 1:17

bad to nang ban leh ïa kaba dei. Khmih ba yn leh ïa ka jingbishar hok — ïarap ïa kito kiba shah banbeiñ, ai ha ki khunswet ïa ki hok jong ki, bad ïada ïa ki riewkynthei.”

ISAÏAH 1:23

Ki nongïalam jong pha ki long ki nongïaleh pyrshah bad ki paralok jong ki nongtuh; ki ju pdiang ïa ki jingai sngewbha bad ïa ki jingai tyngka bymdei. Kim ju ïada ïa ki khunswet ha ka ïingbishar lane shahshkor haba ki riewkynthei ki kren ïa ka kam jong ki.

ISAÏAH 29:21

U Blei un pynjot ïa kito kiba kren sniew ïa kiwei, kito kiba khanglad ïa ka jingpynshitom ïa ki riewrunar, bad kito kiba kren lamler ban khang ïa ki briew kiba hok ban ïoh ïa ka jingbishar hok.

ISAÏAH 3:14

U Trai u wallam sha ka jingbishar ïa ki tymmen ki san bad ïa ki nongïalam. U pynlong ïa kane ka jingkynnoh: “Phi la lute ïa ki bri sohwaiñ bad ki ïing jong phi ki dap da kiei kiei kiba phi la shim na kiba duk.

ISAÏAH 3:15

Phim don hok ban khñiot ïa ki briew jong nga bad ban shim kabu ïa kiba duk. Ma nga U Nongsynshar U Trai Badonbor baroh nga la kren.”

ISAÏAH 32:6

Uba bieit u kren bieit bad u pyrkhat ban leh ïa kiei kiei kiba sniew. Kaei kaba u leh bad kaei kaba u ong ka long ka jingibeiñ ïa U Trai, bad um ju bsa ïa kiba thngan lane um ju ai ka jingdih ïa kiba sliang.

ISAÏAH 5:23

Hynrei tang namar ka jingïoh pisa bymdei phi shah ïa kiba shah pynrem ban lait bad phi khang ïa kiba lui lui na kaba ïoh ïa ka jingbishar hok.

ISAÏAH 5:7

Ka Israel ka dei ka bri sohwaiñ jong U Trai Badonbor Baroh; ki briew ka Judah ki dei ki dieng sohwaiñ kiba u la thung. U la khmih lynti ba kin leh ïa kaei kaba bha, hynrei pynban ki la pynïap briew. U la khmih lynti ba kin leh ïa kaba dei, hynrei kiba shah lanot jong ki, ki kyang ïa ka jingbishar hok.

ISAÏAH 59:15

Ka jinglonghok ka la nang duna katta katta ba uno uno uba kiar na kaba leh bymman u shem ïa lade ba u long u lanot jong ka kam runar.” U Trai u la ïohi ïa kane, bad ka la pynsngewsih ïa u ba ym don shuh ka jingbishar hok.

JEREMAÏAH 7:6

Sangeh ban shim kabu ïa ki nongwei, ki khunswet, bad ïa ki riewkynthei. Sangeh ban pynïap ïa ki briew balui lui hapoh kane ka ri. Sangeh ban mane ïa kiwei pat ki blei, namar kata kan pynjot ïa phi.

SNGEWSYNEI 3:35

u tip mynno ngim shym ïoh ïa ki hok jong ngi kiba u la ai ïa ngi;

ESEKIEL 22:7

Ym don uwei ruh ha ka nongbah uba burom ïa la ki kmie ki kpa. Phi shukor ïa ki nongwei bad shim kabu ïa ki riewkynthei bad ki khunswet.

AMOS 2:6

U Trai u ong, “Ki paid Israel ki la ïai leh pop, bad na ka bynta kane ngan pynshitom da shisha ïa ki. Ki die sha ka jinglongmraw ïa ki briew kiba hok ki bym lah siew pat ïa ki ram jong ki, ki briew kiba duk ki bym lah siew pat wat ïa ka dor shi jur ki juti.

AMOS 2:7

Ki kyrdem ïa kiba tlot bad ki bymdonbor bad ki khynñiat sharud lynti ïa kiba duk. U briew bad u kpa jong u ki ïathiah shongkha ïa kajuh ka kynthei mraw, bad kumta ki pyntngit ïa ka kyrteng kaba khuid jong nga.

AMOS 5:19

Kan long kum haba u briew u phet ïap na u sing bad u ïakynduh ïa ka dngiem! lane kum haba u briew u wan sha la ïing bad buh ïa la ka kti ha ka kynroh — tang ban shah puh ha u bseiñ!

MIKAH 3:1

To shahshkor, phi ki nongsynshar ki Israel! Phi la dei ban sngewkhia shaphang ka jingbishar hok,

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!