ISAÏAH 10:16 - Khasi CL Bible (BSI)

¹⁶ U Trai Badonbor Baroh un phah ka jingpang ban pynshitom ïa kito kiba la bsa bha mynta. Ha ki met jong ki yn don ka ding kaba pluh bad ïai pluh.

KA BAIBL

¹⁶ Namar kata, U Trai, U Trai ki paid keiñ, un phah ka jingraikhoh hapdeng ki basngaid jong u; bad hapoh ka burom jong u un pynmeh ka jingmeh kum ka ding ba-meh.

ISAÏAH 10:16 ပူးပေါင်းရင်းမြစ်များ

2 KHRONIKL 32:21

U Trai u phah ïa u angel uba pynap ïa ki shipai bad ïa ki rangbah shipai jong ka kynhun shipai Assyria. Te u patsha u leit phai pat sha Assyria ha ka jinglehrain. Ha kawei ka sngi haba u dang don ha ka templ jong U Blei jong u, katto katne na ki khun shynrang jong u ki la pynïap ïa u da la ki waitlam.

SALM 106:15

kumta u la ai ïa ki ïa kaei kaba ki la pan kwah, bad u la phah ruh ïa ka jingpang bashyrkhei hapdeng jong ki.

SALM 78:31

haba U Blei u la bitar ïa ki, bad u la pynïap ïa ki rangbah bakhlaiñ tam jong ki, ïa ki rangkynsai jong ki Israel.

ISAÏAH 10:18

Ïa ki khlaw barben bad ïa ki jaka rep yn pynjot lut thiaw, ha kajuh ka rukom ba ka jingpang bashyrkhei ka pynjot ïano ïano.

ISAÏAH 17:4

U Trai u la ong, “Ka sngi ka wan ha kaba ka jingkhraw jong ka Israel kan poi sha kaba kut, bad ïa ka spah jong ka yn bujli da ka jingduk.

ISAÏAH 26:11

Ki nongshun jong me kim tip satia ba men pynshitom ïa ki. A Trai, buh ïa ki ha ka jingjahburom bad ai ba kin jynjar; ai ba kin jynjar da ka jingpynshitom kaba me la pynkhreh. To pyn-i ïa ki haduh katno me ieit ïa la ki briew.

ISAÏAH 31:9

U patsha jong ki un phet ha ka jingsngew shyrkhei, bad ki rangbah shipai kin sheptieng haduh katta katta haduh ba kin iehnoh ïa ki lama thma jong ki.” U Trai u la kren — U Trai ïa uba la mane ha Jerusalem bad uba ka ding jong u ka thang hangta ïa ki jingkñia.

ISAÏAH 37:29

Nga la ïohpdiang ïa ka khubor jong kata ka jingbitar shla bad ka jingsarong jong me, bad mynta ngan buh ïa u khwai ha ka khmut jong me bad u bnoh ha ka shyntur jong me bad ngan pynphai pat na ka lynti ha kaba me la wan.”

ISAÏAH 37:36

U angel jong U Trai u leit sha ka jaka shong dara ki Assyria bad u pynïap shi lakh phraphew san hajar ngut ki shipai. Dang step phyrngab ka sngi kaba bud hangta ki thiah, baroh ki la ïap!

ISAÏAH 5:17

Ha ki jaka bapra jong ki nongbah, ki khunlangbrot kin bam phlang bad ki blang samla kin shem ka jaka bam phlang.

ISAÏAH 8:7

ma nga, U Trai, ngan wallam ïa u patsha jong ka Assyria bad ïa ki kynhun shipai jong u baroh ban tur ïaleh ïa ka Judah. Kin tur shaphrang kum ki um bashlei jong ka wah Ïuphratis, kiba lyngkien ïa ki rud jong ka baroh.

ISAÏAH 9:4

Namar me la pynkheiñ ïa ka lyngkor kaba la bankhia ïa ki bad ïa u dieng sympat uba la shoh ïa ki tyrpeng jong ki. Me la jop ïa ka jaitbynriew kaba la banbeiñ bad pyntrei shitom ïa ki briew jong me kumba me la jop ïa ka kynhun shipai jong ki Midian slem bah mynshuwa.

ISAÏAH 9:5

Ïa ki juti jong ka kynhun shipai kaba hiarthma bad ïa ki jaiñ baroh kiba khah snam yn pynjot thiaw da ka ding.

JEREMAÏAH 21:14

Hynrei ngan pynshitom ïa pha ïa kaei kaba pha la leh. Ngan thang ïa ka ïingsyiem jong pha da ka ding, bad kan bam duh ïa baroh kat kaba don sawdong jong ka. Ma nga, U Trai, nga la kren.”

JEREMAÏAH 48:14

“Ko ki rangbah ka Moab, balei ba phi kam ïa lade kum ki riewkhraw, ki shipai bashlur ba la tynjuh ha ka thma?

ESEKIEL 34:16

“Ngan wad ïa kito kiba la jah, ngan wallam pat ïa kito kiba la sakma, ngan sop spaiñ ïa kito kiba la mong, bad ngan pynkhiah ïa kito kiba pang, hynrei ïa kito kiba sngaid bad kiba khlaiñ ngan sa pynjot, namar nga long u nongaplangbrot uba leh ïa kaei kaba dei.

NAHUM 1:12

Kane ka long kaei kaba U Trai u ong ha ki briew jong u ki Israel: “Wat la ki nong Assyria ki khlaiñ bad ki kham bun paid, ïa ki yn pynjot thiaw bad kin jah noh. Ko ki briew jong nga, nga la pynlong ïa phi ban shahshitom, hynrei ngan ym leh shuh ïa ka.

SEPHANAÏAH 2:13

U Trai un pyndonkam ïa ka bor jong u ban pynjot ïa ka Assyria. Un pynlong ïa ka nongbah Ninebeh ka jingjot ba la shah iehnoh, ka ri shyiap bym don um.

SEKHARAÏAH 7:4

Kane ka long ka khubor jong U Trai kaba la wan ha nga.

KI KAM 12:23

Mar kumta hi u angel jong U Trai u la tied ïa u Herod, namar ba um shym ai burom ïa U Blei. La bam ïa u da ki ksaiñ, bad u la ïap.