ISAÏAH 10:12 - Khasi CL Bible (BSI)

¹² Hynrei U Trai u ong, “Haba nga pyndep ïa kaei kaba nga leh halor u lum Seïon, ngan pynshitom ïa u patsha jong ka Assyria namar ki jingkob bad ki jingsarong jong u baroh.”

KA BAIBL

¹² Namar kata, haba U Trai u la pyndep ïa la ka kam baroh halor u lum Seïon, bad halor ka Jerusalem, ngan pynshitom ïa ka jingsngewkhraw ka dohnud u syiem ka Assyria, bad ïa ka burom ka jingkhmih meng jong u.

ISAÏAH 10:12 ပူးပေါင်းရင်းမြစ်များ

2 SYIEM 19:31

Kin don ki briew ha Jerusalem bad halor u Lum Seïon ki ban lait im, namar U Trai u la rai ban pynlong ïa kane ban jia.

SALM 18:27

Me pyllait im ïa kito kiba sngewrit, hynrei me pynhiar ïa kito kiba sarong.

SALM 21:10

Yn ym don uwei ruh na ki khun ki ksiew jong ki, ki ban lait im; u syiem un pynïap ïa ki baroh.

SALM 76:10

Ka jingbitar briew ka pynmih tang ki jingïaroh babun ïa me; kito kiba lait im na ki thma kin sumar ïa ki Jingkhawai Niam jong me.

SALM 76:5

Ïa ki shipai bashlur jong ki la sloit lut ïa kaba ki don bad mynta ki thiah ka jingïohthiah jong ka jingïap; ka jingkhlaiñ bad ka jingtbit jong ki baroh ka long ka bymmyntoi.

PROBERB 21:4

Ki briew kiba sniew ki shah synshar ha la ka hangamei bad ka jingsngewmeng, bad kane ka long pop.

PROBERB 30:13

Don ki briew kiba pyrkhat ba ki long kiba bha palat — oh, katno ka jingbha ki pyrkhat ba ki long!

ISAÏAH 2:11

Ka sngi kan wan ha kaba yn pynkut ïa ka jingsarong ba kynja briew bad yn pynjot thiaw ïa ka jinglehmeng ba kynja briew. Nangta tang ïa U Trai hi yn kyntiew burom.

ISAÏAH 2:12

Ha kata ka sngi U Trai Badonbor Baroh un pynpoh ïa uwei pa uwei uba khrawbor, ïa uwei pa uwei uba sarong bad uba sngewmeng.

ISAÏAH 24:21

Ka por kan poi haba U Trai un pynshitom ïa ki bor ba-halor bad ïa ki nongsynshar ka pyrthei.

ISAÏAH 27:7

Ïa ka Israel ym shym pat la pynshitom jur da U Trai kumba la leh ïa ki nongshun jong ka, lymne kam shym la duh shibun ki rangbah.

ISAÏAH 27:9

Hynrei ïa ki pop jong ki Israel yn map tang haba ïa ki maw jong ki duwan ki blei thala la pynlwet jin kum u shok, bad ba ym don shuh ki duwan thang iwbih lane ki dur jong ka blei Asherah kiba dang sah.

ISAÏAH 29:14

Kumta ngan sa pynkyndit ïa ki da kawei hadien kawei pat ka jingtied kaba kim poi pyrkhat. Kito kiba stad kin kylla long ki bieit, bad baroh ka jingsian jong ki kan long lehnoh-ei.”

ISAÏAH 33:1

Ki nongshun jong ngi ki la shahjop! Ki la lute bad shetkylla, wat la ym shym don kiba la lute ne shetkylla ïa ki. Hynrei ka por ban lute bad shetkylla kan kut, bad ma ki hi kin sa long kiba shah lute bad kiba shah shetkylla.

ISAÏAH 37:23

Ïano ba me pyrkhat ba me la ñiewbeiñ bad rkhiebeiñ? Me la long uba khlem burom ïa nga, U Blei bakhuid jong ki Israel.

ISAÏAH 37:29

Nga la ïohpdiang ïa ka khubor jong kata ka jingbitar shla bad ka jingsarong jong me, bad mynta ngan buh ïa u khwai ha ka khmut jong me bad u bnoh ha ka shyntur jong me bad ngan pynphai pat na ka lynti ha kaba me la wan.”

ISAÏAH 5:15

Ïa uwei pa uwei yn pynjahburom, bad ïa baroh kiba sarong yn pynrit.

ISAÏAH 50:11

Phi baroh kiba ïasylla ban pynjot ïa kiwei yn pynjot ïa phi ha ki jingsylla jong phi hi. U Trai da lade hi un pynjia ïa kane; phin shahshitom ha ka jingkordit.

ISAÏAH 65:7

na ka bynta ki pop jong ki bad ki pop jong ki kpa tymmen jong ki. Ki la thang ki jingiwbih ha ki duwan thala kiba halor ki lum bad ki la kren sniew ïa nga. Kumta ngan pynshitom ïa ki kumba ka dei hok ïa ki namar ki kam ba ki la leh mynshuwa.”

ISAÏAH 9:9

Baroh ki paid Israel, uwei pa uwei baroh uba shong ba sah ha ka nongbah Samaria kin tip ba u la leh ïa kane. Mynta ki sngewsarong bad sngewmeng.

JEREMAÏAH 25:29

Ngan sdang ïa ka kam jingpynjot jong nga na la ka jong ka nongbah hi. Hato ki pyrkhat ba kin lait khlem shah pynshitom? Em, kin shah pynshitom, namar ngan sa phah ïa ka thma ha ki jaitbynriew ka pyrthei baroh. Ma nga, U Trai Badonbor Baroh, nga la kren.

JEREMAÏAH 50:18

Namar kane, ma nga U Trai Badonbor Baroh, U Blei ki Israel, ngan pynshitom ïa u syiem Nebukhadnessar bad ïa ka ri jong u, kumba nga la pynshitom ïa u patsha ka Assyria.

JEREMAÏAH 50:32

Ka hima basarong jong pha kan jynthut bad kyllon, bad yn ym don ban ïarap ban khyllie ïa pha. Ngan thang ïa ki nongbah da ka ding, bad kiei kiei baroh sawdong yn pynjot.”

ESEKIEL 31:10

“Mynta te, ma nga U Trai Nongsynshar ngan ïathuh ha me ïa kaei ka ban jia ïa uta u dieng uba la san haduh ba u la kot ïa ki lyoh. Katba u nang san kham jrong u la nang sngewsarong,

ESEKIEL 31:14

Bad kumta naduh mynta hi, yn ym don shuh u dieng, kam pher katno la ai um bha ïa u, un jrong pat sa shisien ne u ban kynjoh ïa la ka kliar lyngba ki lyoh bad u ban kot kat kato ka rynïeng. Ïa ki baroh la buh ban ïap kum ïa baroh ki briew ba dei ban ïap, la buh ba kin ïasoh bad kito kiba leit hiar sha ka pyrthei kiba ïap.”

DANIEL 11:45

Un pynïeng ruh ïa ki ïingjaiñ syiem kiba heh hapdeng ki duriaw bad ki lumbah ha kaba ka Templ ka ïeng. Hynrei un ïap, khlem don mano mano hangta ban ïarap ïa u.”

DANIEL 4:37

“Bad mynta, ma nga, u Nebukhadnessar, nga ïaroh, nga pyndon burom, bad nga ai burom ïa U Syiem jong ka Bneng. Kaei kaei baroh kaba u leh ka long kaba dei bad kaba hok, bad u lah ban pynhiar ïa uno uno uba leh sarong.”

JINGKHEIÑ 24:24

Ki nonghiarthma kin wan da ki lieng na Sypros; Kin jop ïa u Assyria bad u Eber, Hynrei ma ki ruh kin jah noh jar.”

MATHAÏOS 12:33

“Ban ïoh ïa u soh uba bha phi dei ban don u dieng uba plung bha; lada phi don u dieng uba swai, phin ïoh u soh uba sniew. Ïa u dieng la tip da u jait soh ba u pynmih.

MATHAÏOS 15:19

Namar na ka dohnud jong u ki mih ki jingpyrkhat basniew kiba ïalam ïa u ban pynïap briew, ban klim, bad ban leh ïa kiwei kiwei ki kam bajakhlia; ban lute, ban lamler, bad ban kren sniew ïa kiwei.

DEUTERONOMI 32:27

Hynrei ngan ym shah ïa ki nongshun jong ki ban kren kob ba ki dei ma ki kiba la pynjot ïa ki briew jong nga, haba dei ma nga hi uba la khñiot ïa ki.’

1 PETROS 4:17

Ka por ka la poi na ka bynta ka jingbishar ba kan sdang, bad ki briew jong U Blei hi kin long kiba nyngkong ban shah bishar. Lada ka sdang na ngi, kumno kan kut ha kito ki bym shym ngeit ïa ka Khubor Babha na U Blei?