ISAÏAH 10:1 - Khasi CL Bible (BSI)

¹ Phi long ba la tim! Phi thaw ïa ki aiñ bymhok ban banbeiñ ïa ki briew jong nga.

KA BAIBL

¹ Kordit ïa kita kiba rai ïa ki jingrai bymhok, bad ïa ki nongthoh kiba thoh ïa ka jinglehbeiñ:

ISAÏAH 10:1 ပူးပေါင်းရင်းမြစ်များ

1 SYIEM 21:13

Kita ki ar ngut ki riewrunar ki kynnoh pyrshah ïa u ha khmat u paidbah ba u la tim ïa U Blei bad ïa u syiem. Bad kumta la sei ïa u shabar ka nongbah bad lynthem maw ha ban da ïap.

SALM 58:2

Em! Phi pyrkhat tang ïa kaba sniew ba phin leh, bad leh ïa ki jinglehbor barunar ha ka ri.

EKSODOS 23:3

Wat leh shiliang khmat ïa uba duk haba bishar ïa u.

EKSODOS 23:6

“Wat pynduh ïa ka jingbishar hok ïa uba duk haba u wan ha ka ïingbishar.

ISAÏAH 29:21

U Blei un pynjot ïa kito kiba kren sniew ïa kiwei, kito kiba khanglad ïa ka jingpynshitom ïa ki riewrunar, bad kito kiba kren lamler ban khang ïa ki briew kiba hok ban ïoh ïa ka jingbishar hok.

ISAÏAH 3:11

Hynrei ki briew kiba sniew ki long kiba la tim; kaei kaba ki la leh ïa kiwei mynta yn leh ïa ka ha ki.

ISAÏAH 3:14

U Trai u wallam sha ka jingbishar ïa ki tymmen ki san bad ïa ki nongïalam. U pynlong ïa kane ka jingkynnoh: “Phi la lute ïa ki bri sohwaiñ bad ki ïing jong phi ki dap da kiei kiei kiba phi la shim na kiba duk.

ISAÏAH 5:11

Phi long ba la tim! Phi khie dang step phyrngab ban sdang dih, bad phi pynlut ki janmiet bajlan ha ka jingbuaid.

ISAÏAH 5:18

Phi long ba la tim! Phim shym lah ban pyllaitluid na la ki jong ki pop.

ISAÏAH 5:23

Hynrei tang namar ka jingïoh pisa bymdei phi shah ïa kiba shah pynrem ban lait bad phi khang ïa kiba lui lui na kaba ïoh ïa ka jingbishar hok.

ISAÏAH 5:8

Phi long kiba la tim. Phi thied bun tylli ki ïing bad ki lyngkha ban bynrap shuh shuh ïa kito kiba phi la don lypa. Shen yn ym don jaka ïano ïano pat ban shong ban sah bad tang ma phi hi phin shong ha ka ri.

ISAÏAH 59:13

Ngi la ïeng ïaleh pyrshah ïa me, kyntait ïa me, bad ngim treh ban bud ïa me. Ngi la banbeiñ ïa kiwei bad phai lyndet na me. Ki jingmut jong ngi ki long kiba bakla; ki ktien jong ngi ki long kiba lamler.

ISAÏAH 59:4

Phi kiew sha ka ïingbishar, hynrei phim shym ïoh ka jingbishar hok ha ka liang jong phi. Phi shaniah ha ki jinglamler ban jop ïa ka jingmudui jong phi. Phi pyndep ïa ki jingthmu jong phi ban pynmong ïa kiwei.

JEREMAÏAH 22:13

Long ba la tim ïa u briew uba tei ïa la ka ïing da ka jingbymhok, bad uba pynheh pynïar ïa ka da ka jingleh bymhok; uba pynlong ïa la ki para shnong ban trei khlem nong, bad u bym siew bainong ïa ki.

AMOS 2:7

Ki kyrdem ïa kiba tlot bad ki bymdonbor bad ki khynñiat sharud lynti ïa kiba duk. U briew bad u kpa jong u ki ïathiah shongkha ïa kajuh ka kynthei mraw, bad kumta ki pyntngit ïa ka kyrteng kaba khuid jong nga.

MIKAH 6:16

Kane kan jia namar ba phi la bud ïa ki jingleh ba-ijli jong u syiem Omri bad jong u khun jong u, u syiem Ahab. Phi la ïai bteng ban bud ïa ki rukom pynïaidkam jong ki, bad kumta ngan wallam ïa ka jingjot ha phi, bad baroh kin kyntait ïa phi. Ki briew ha kylleng kin ñiewbeiñ ïa phi.”

HABAKKUK 2:12

Phi long ba la tim! Phi la buh nongrim ïa ka nongbah halor ka kam runar bad la tei ïa ka da ka kam pynïap briew.

HABAKKUK 2:15

Phi long ba la tim! Ha ka jingbitar shla jong phi, phi la pynpoh bad pynjahburom ïa la ki paramarjan; phi pynlong ïa ki ban ïaid sheng sheng kum kiba la buaid.

HABAKKUK 2:19

Phi long ba la tim! Phi ong ha ka lyngkhot dieng, “Khie noh!” ne ïa u maw, “Ïeng joit!” Hato ka bleithaw ka lah ban pynpaw ei ei ïa phi? Lah ban suit ïa ka da ka rupa bad ka ksiar, hynrei ym don jingim ha ka.

HABAKKUK 2:6

Ki briew kiba la shahjop ki beiñ pyrshah ïa kiba jop ïa ki bad ki pyn-i jingisih ïa ki. Kin ong, “Phi shim ïa kaei ka bym dei ka jong phi, hynrei phi long ba la tim! Katno slem phin ïailong kiba riewspah da kaba pynbor ïa ki nongshim ram jong phi ban siew noh?”

HABAKKUK 2:9

Phi long ba la tim! Phi la pynriewspah ïa la ka longïing da kaei kaba phi la shim da kaba leh jubor, bad phi la pyrshang ban pynlong ïa la ka ïing kaba lait na ki jingpynmynsaw bad jingma!

MATHAÏOS 11:21

“Katno kan long kaba shyrkhei ïa pha, ko Khorasin! Katno kan long kaba shyrkhei ïa pha ruh, ko Bethsaida! Lada ïa ki kambah kiba la leh ha phi la lah leh ha Tyros bad Sidon, la kham slem ki briew hangta kin jin da la phong da ka jaiñ khain bad synreit da u dpei halor lade, ban pyn-i ba ki la phai noh na ki pop jong ki!

MATHAÏOS 23:23

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi ai sha U Blei ïa kaba shiphew wat jong ki jhur pynbang jingbam, kum u pudina, u dill, bad u kumin, hynrei phim suidñiew ban kohnguh ïa ki jinghikai badonkam shisha jong ka Hukum, kum ka jinglehhok bad ka jingisynei bad ka jingbeit. Ïa kine phi dei ban leh, khlem da klet ïa kiwei pat.

MATHAÏOS 23:27

“A katno ka long kaba shyrkhei ïa phi ki nonghikai ka Hukum bad ki Pharisi! Phi kiba arsap! Phi long kum ki jingtep ba la pushara lieh, kiba itynnat ha kaba shabar hynrei kiba dap da ki shyieng bad ki metïap bapyut ha kaba shapoh.

MATHAÏOS 23:29

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi shna ki lum jingtep ba-itynnat na ka bynta ki nongïathuhlypa bad phi pynitynnat ïa ki mot sahkynmaw jong kito kiba im ka jingim kaba bha;

MATHAÏOS 26:24

U Khun U Briew un ïap kumba ki Jingthoh Bakhuid ki ong ba un shah leh kumta, hynrei katno kaba shyrkhei kan long ïa uta u briew uba shetkylla ïa U Khun U Briew! Kan jin da kham bha ïa uta u briew lada ym shym la kha ïa u!”

LOUKAS 11:52

“A katno kaba shyrkhei ïa phi ki nonghikai ka Hukum! Phi la bat noh ïa u shabi uba plie ïa ka khyrdop sha ka ïing jong ka jingtip; phi hi phim leit rung shapoh, bad phi khang ïa kito kiba pyrshang ban rung shapoh!”

ÏOANNIS 19:6

Haba ki rangbah lyngdoh bad ki nongap phira jong ka Templ ki la ïohi ïa u, ki la pyrta jam, “Sahnarphna ïa u! Sahnarphna ïa u!” U Pilat u la ong ha ki, “Shim noh ma phi ïa u, te, bad sahnarphna ïa u. Ngam lap daw ei ei ïa ka ban pynrem ïa u.”

ÏOANNIS 9:22

Ki kmie ki kpa jong u ki la ong ïa kane namar ba ki la sheptieng ïa ki nongsynshar jong ki Jiw, kiba la lah mynjur lypa ba uno uno uba ong ba u ngeit ba U Jisu u long U Messaïah un shah beh noh na ka synagog.

JUDAH 1:11

Katno ka long kaba kordit ïa ki! Ki la bud ha ka lynti kaba u Kain u la ïaid. Na ka bynta ka tyngka, ki la aiti ïa lade sha ka jingbakla kaba u Balaam u la leh. Ki la ïaleh pyrshah kumba u Korah u la ïaleh pyrshah, bad kum ma u, la pynjot ïa ki.