ISAÏAH 1:9 - Khasi CL Bible (BSI)

⁹ Lada U Trai Badonbor Baroh um shym ailad ïa ki katto katne ki briew ban lait im, yn jin da la pynjot hi thiaw ïa ka Jerusalem, kumba long ïa ka Sodom bad Gomorrah.

KA BAIBL

⁹ Lada U Trai ki paid um shym la pynsah i jingsah barit, ngin da la long kum ka Sodom, ngin da la syriem ïa ka Gomorra.

ISAÏAH 1:9 ပူးပေါင်းရင်းမြစ်များ

JENESIS 18:26

U Trai u jubab, “Lada nga shem sanphew ngut kiba hok ha Sodom, ngan pyllait ïa kata ka nongbah baroh kawei na ka bynta jong ki.”

JENESIS 18:32

U Abraham u ong, “Sngewbha wat bitar, A Trai, bad ngan kren biang sa tang shisien. Kumno lada don tang shiphew ngut hangta?” U jubab, “Ngan ym pynjot ïa ka lada don shiphew ngut.”

JENESIS 19:24

Mar kumta hi, U Trai u pynhap ïa u kyndok ding ha ki nongbah Sodom bad Gomorrah,

1 SYIEM 19:18

Pynban ngan pynsah hynñiew hajar ngut ki briew ha Israel — kito kiba ïaineh ha nga bad ki bym shym la dem ïa u Baal ne doh ïa u bleithaw jong u.”

2 SYIEM 19:4

U patsha ka Assyria u la phah ïa u rangbah synshar ba-halor tam ban ibeiñ ïa U Blei uba im. To ai ba U Trai U Blei jong phi un ïohsngew ïa kine ki jingibeiñ bad un pynshitom ïa kito kiba kren ha ki. Kumta duwai ha U Blei na ka bynta kito ki briew kiba lait im.”

ISAÏAH 1:8

Tang ka Jerusalem hi kaba dang sah, ka nongbah hapoh ka jingshah kerkut — ka bym don jingïada kum ka trep ap phira ha ka bri sohwaiñ lane ka sem ha ka lyngkha sohkhia.

ISAÏAH 11:11

Haba kata ka sngi ka wan, U Trai sa shisien pat un pyndonkam ïa ka bor jong u bad un wallam pat sha ïing ïa kito kiba na ki briew jong u kiba la shah iehnoh ha Assyria bad Ijipt, ha ki ri jong ka Pathros, ka Sudan, ka Elam, ka Babilonia bad ka Hamath, bad ha ki rud duriaw bad halor ki dewlynnong jong ki duriaw.

ISAÏAH 11:16

Kan don ka surok bah shabar jong ka Assyria na ka bynta kito kiba ki briew jong u ki Israel kiba dang im hangta, kumba ka la don ïa ki kpa tymmen jong ki haba ki la iehnoh ïa ka Ijipt.

ISAÏAH 17:6

Tang khyndiat ki briew kin lait im, bad ka Israel kan long kum u dieng Olib na kaba la kheit lut ïa ki soh Olib lait noh ar ne lai tylli kiba ha kliar eh, lane khyndiat kiba la iehnoh ha ki tnat kiba shapoh. Nga, U Trai U Blei jong ki Israel, nga la kren.”

ISAÏAH 24:13

Kane ka dei kaei ka ban jia ha baroh ki jaitbynriew kylleng ka pyrthei. Kan long kum ka jingkut jong ka jingot, haba ïa ki soh Olib la dep tied pynhap na uwei pa uwei u dieng bad ba ïa ki sohwaiñ bakhatduh la kheit na ki dieng sohwaiñ.

ISAÏAH 24:6

Kumta U Blei u la pynbna ïa ka jingtim ha ka pyrthei. Ki briew jong ka ki hap ban siew ïa kaei kaba ki la leh. Kiba im ki la nang duna bad nang duna.

ISAÏAH 37:4

U patsha ka Assyria u la phah ïa u rangbah synshar jong u, uba ha khlieh ban ñiewbeiñ ïa U Blei ba-im. Ai ba U Trai U Blei jong phi un ïohsngew ïa kine ki jingkrenbeiñ bad pynshitom ïa kito kiba kren ïa ki. Kumta to duwai ha U Blei na ka bynta kito ki briew jong ngi kiba lait im.”

ISAÏAH 46:3

“To shahshkor ïa nga, ko ki khun ki ksiew jong u Jakob, phi baroh kiba dang sah na ki briew jong nga. Nga la sumar ïa phi naduh ka por ba dang kha.

ISAÏAH 6:13

Wat lada uwei u briew na ki shiphew ngut u sah ha ka ri, ïa u ruh yn pynjot, un long kum u dyngkhong jong u dieng Sning uba la khet.” (U dyngkhong u ïeng na ka bynta ka jingsdang bathymmai ïa ki briew jong U Blei.)

ISAÏAH 65:8

U Trai u ong, “Ym ju don ba pynjot ïa ki sohwaiñ kiba bha; pynban, ki shna waiñ na ki. Lymne ngan ym pynjot ruh ïa ki briew jong nga baroh — ngan ïada ïa kito kiba shakri ïa nga.

JEREMAÏAH 23:14

Hynrei ha ki nongïathuhlypa ka Jerusalem nga la ïohi ba ki leh kaba kham sniew: ki klim bad ki kren lamler; ki pynshlur ïa ki briew ban leh ïa ka bymdei, kumta ba ym don ba sangeh noh ïa kaei kaba sniew. Ha nga, ki long baroh kiba sniew kum ki briew ka Sodom, bad ka Gomorrah.

JEREMAÏAH 50:20

Haba kata ka por ka wan, yn ym shem ïa ka pop ha Israel bad ïa ka jingbymman ha Judah, namar ngan map ïa kito ki briew kiba nga la pynsah ïa ka jingim jong ki. Ma nga, U Trai, nga la kren.”

SNGEWSYNEI 3:22

Ka jingieit baneh bad ka jingisynei jong U Trai ka ïaineh,

SNGEWSYNEI 4:6

Ïa ki briew jong nga la pynshitom wat kham jur ban ïa ki nongshong shnong jong ka Sodom, kiba la ïashem da ka jingkyllon kaba kynsan ha ki kti jong U Blei.

ESEKIEL 14:22

Lada don uba lait im bad uba pyllait im ïa ki khun jong u, to khmih sha ki haba ki wan sha phi. Peit haduh katno ki long kiba sniew, bad to sngewthikna ba ka jingpynshitom kaba nga wallam ha ka Jerusalem ka long kaba dei hok,

ESEKIEL 6:8

“Ngan ailad ïa ki katto katne ban ïohlait na ka waitlam bad kin sakma hapdeng ki jaitbynriew, bad kin im kum kiba shah ringmraw.

JOEL 2:32

Hynrei baroh uba kyrpad ïa U Trai na ka bynta ka jingïarap, yn pynim. Kumba U Trai U la ong, ‘Katto katne ha Jerusalem, kin lait im; kito ïa kiba nga jied, kin im.’ ”

AMOS 4:11

“Nga la pynjot katto katne na phi kumba nga la pynjot ïa ka Sodom bad ka Gomorrah. Kito na phi kiba la lait im ki long kum ka dieng barhem ba la sei na ka ding. Katta ruh phim shym la wan phai pat sha nga,” ong U Trai.

HABAKKUK 3:2

A Trai, nga la ïohsngew ïa kaei ba me la leh, bad nga la dap da ka jingtiengburom. Mynta to leh biang ha ki por jong ngi ïa ki kam bakhraw kiba me la ju leh. To leh-isynei, wat haba me bitar.

SEPHANAÏAH 2:9

Kumba shisha nga long U Trai uba im, U Blei jong ka Israel, nga smai ba ka Moab bad ka Ammon kin shah pynjot kum ka Sodom bad Gomorrah. Kin long ka jaka jong ki thliew mluh bad ki jingjot bymjukut, kaba la tap da ki ñiut. Kito na ki briew jong nga kiba lait im kin lute ïa ki bad shim ïa ka ri jong ki.”

MATHAÏOS 7:14

Hynrei ka khyrdop sha ka jingim ka long kaba khim bad ka lynti kaba ïalam sha ka, ka long kaba eh, bad don khyndiat ki briew kiba shem ïa ka.

Ka Shithi U Paul Sha Ki Nong Rom 9:27

Bad U Isaïah u la pyrta shaphang ki Israel: “Wat lada ki paid Israel ki bun kat u shyiap harud duriaw, pynban tang khyndiat na ki yn pynim;

Ka Shithi U Paul Sha Ki Nong Rom 9:29

Ka long kumba u Isaïah u la lah ong mynshuwa, “Lada U Trai Badonbor Baroh um shym la ieh ïa ngi katto katne kiba hiarpateng, ngin jin da la long kum ka Sodom, ngin jin da la long kum ka Gomorrah.”

DEUTERONOMI 29:23

Ki lyngkha kin long shrah bad kin ym seisoh shuh, naba kin dap da u kyndok bad ka mluh suda; yn ym thung ei ei hangta, bad wat u ñiut ruh, un ym mih hangta. Ka ri jong phi kan long kum ki shnong Sodom bad Gomorrah, kum ka Admah bad ka Seboiim, ïa kiba U Trai u la pynjot mynba u bitar shla.

2 PETROS 2:6

U Blei u la pynrem ïa ki nongbah ka Sodom bad ka Gomorrah, da kaba pynjot ïa ki da ka ding, bad u la pynlong ïa ki ka nongmuna jong kaei ka ban jia ha ki bymtip Blei.

JINGPYNPAW 11:8

Un jop ïa ki bad un pynïap ïa ki, bad ki metïap jong ki kin shu sah ha ka surok bah jong kata ka nongbah bakhraw, ha kaba ïa U Trai jong ki la sahnarphna. Ka kyrteng pharshi jong kata ka nongbah ka long ka Sodom, lane ka Ijipt.