ISAÏAH 1:7 - Khasi CL Bible (BSI)

⁷ Ïa ka ri jong phi la pynjot thiaw, ïa ki nongbah la thang duh da ka ding. Katba phi dang khmih, ki nongwei ki kurup ïa ka ri jong phi bad ki pynpra ïa kiei kiei baroh.

KA BAIBL

⁷ Ka ri jong phi ka la kynjah; ïa ki shnong jong phi la thang da ka ding; ka khyndew jong phi, ki nongwei ki bam duh ïa ka ha khmat jong phi, bad ka la kynjah, kum ka jingpynjot thiaw da ki nongwei.

ISAÏAH 1:7 ပူးပေါင်းရင်းမြစ်များ

2 KHRONIKL 28:5

Namar ba u syiem Ahas u la leh pop, U Trai U Blei jong u, u la shah ïa u syiem ka Syria ban jop ïa u bad ban ring koidi bun bah na ki Judia sha Damaskos. U Trai u la shah ruh ïa u Pekah u syiem ka Israel, u khun jong u Remalaïah, ban jop ïa u Ahas bad pynïap shi lakh arphew hajar ki shipai Judia kiba shlur bha tang hapoh shi sngi. U Trai U Blei jong ki kpa tymmen jong ki u la shah ïa kane ban jia, namar ki briew ka Judah ki la kyntait noh ïa u.

SALM 107:34

U pynlong ïa ka khyndew basboh ban kylla ri khlaw mluh namar ka jingbymman jong kito kiba shong hangta.

SALM 107:39

Haba ki briew jong U Blei ki shahjop bad shah ibeiñ da ki jingbanbeiñ bad jingjynjar bashyrkhei,

SALM 109:11

Ai ba ki nongai ram kin shim noh ïa ka jingdon jingem jong u baroh, bad ai ba ki nongwei kin ïoh ïa baroh kaei kaei kaba u la trei.

ISAÏAH 1:8

Tang ka Jerusalem hi kaba dang sah, ka nongbah hapoh ka jingshah kerkut — ka bym don jingïada kum ka trep ap phira ha ka bri sohwaiñ lane ka sem ha ka lyngkha sohkhia.

ISAÏAH 3:8

Ho-oid, ka Jerusalem ka long ba la tim! Ka Judah ka dang khyllem! Kano kano kaba ki kren lane ki leh ka long pyrshah ïa U Trai; ki ibeiñ khlem buhrieh ïa U Blei hi.

ISAÏAH 34:9

Ki wah ka Edom kin kylla um bsiang, bad ka khyndew kan kylla kyndok. Ka ri baroh kawei kan ing kum ka bsiang.

ISAÏAH 49:19

“Ïa ka ri jong pha la pynjot bad la iehnoh kynjah — hynrei mynta kan rit eh na ka bynta kito ki ban wan ban shong hangta. Bad ïa kito kiba la iehnoh ïa pha ha ka jingjot yn pynkynriah jngai na pha.

ISAÏAH 5:17

Ha ki jaka bapra jong ki nongbah, ki khunlangbrot kin bam phlang bad ki blang samla kin shem ka jaka bam phlang.

ISAÏAH 5:9

Nga la ïohsngew ba U Trai Badonbor Baroh u ong, “Baroh kine ki ïing kiba heh bad kiba itynnat kin long kiba la pra bad thylli.

ISAÏAH 6:11

Nga la kylli, “Sa katno kan long kumne, ko Trai?” U la jubab, “Tad haduh ba ki nongbah kin jot kin pra bad long thylli — tad haduh ba ki ïing kin long ïingjah — tad haduh ba ka ri hi kan long ka jaka thylli kaba kynjah.

ISAÏAH 60:15

“Yn ym iehnoh beiñ bad isih shuh ïa pha, ka nongbah kaba la shah iehnoh beiñ bad kynjah. Ngan pynlong ïa pha kaba khraw bad kaba itynnat, ka jaka jong ka jingkmen junom la junom.

ISAÏAH 62:8

U Trai u la pynlong ka jingkular bakyntang bad da ka bor jong u, un pynlongkam ïa ka: “U kew jong pha un ym long shuh ka jingbam ïa ki nongshun jong pha, bad ki nongwei kin ym ïoh shuh ban dih ïa ka waiñ jong pha.

ISAÏAH 64:10

Ki nongbah bakyntang jong me ki long kum ka ri shyiap; ka Jerusalem ka long ka jaka kynjah ba la pynjot,

ISAÏAH 9:18

Ka jingbymman jong ki briew ka pluh kum ka ding kaba pynjot thiaw ïa ki bniap shiah bad ki shiah buid. Ka pluh kum ka ding ha khlaw kaba pynmih shajrong ïa ki rishot tdem.

ISAÏAH 9:5

Ïa ki juti jong ka kynhun shipai kaba hiarthma bad ïa ki jaiñ baroh kiba khah snam yn pynjot thiaw da ka ding.

JEREMAÏAH 2:15

Ki la kyrhuh ha u kum u sing, ki la pynkylla ri shyiap ïa ka ri jong u, bad ki shnong jong u ki don ha ka jingjot jingpra, kiba la shah iehnoh khoit.

JEREMAÏAH 4:7

Kum u sing uba wan mih na ka jakarieh jong u, u nongpynjot jong ki jaitbynriew u la mihnoh. U wan ban pynjot ïa ka Judah. Ïa ki nongbah jong ka Judah yn ieh ha ki jingjot, bad yn ym don mano mano bashong ba sah ha ki.

JEREMAÏAH 44:6

Te nga pynmih noh ïa ka jingbitar jong nga bad ka jingbitar shla ha ki shnong jong ka Judah bad ha ki surok bah ka Jerusalem, bad nga thang ïa ki da ka ding. La iehnoh ïa ki ha ki jingjot bad ki la long ka jingïohi ba-itriem, kumba ki long mynta ka sngi.

JEREMAÏAH 6:8

Ko ki briew ka Jerusalem, ai ba kine ki jingjynjar kin long ka jingmaham ïa phi, lymda kumta ngan iehnoh ïa phi; ngan pynkylla ïa ka nongbah jong phi sha ka ri shyiap, ka jaka ha kaba ym don mano mano bashong basah.”

JEREMAÏAH 7:34

Ka ri kan kylla ri shyiap. Ha ki nongbah ka Judah bad ha ki lynti ka Jerusalem ngan pynkut ïa ka jingsawa ka jingkmen bad ka jingsngewkmen bad ïa ki jingsawa bakmen ki jingkhawai shongkurim.

SNGEWSYNEI 5:2

Ka jingdon jingem jong ngi ka don ha ki kti jong ki riewphylla; ki nongwei ki shong ki sah ha ki ïing jong ngi.

ESEKIEL 25:4

Namar ba phi la sngewkmen, ngan shah ïa ki jaitbynriew na ka ri shyiap ba na mihngi ban jop ïa phi. Kin sher ïa ki dara jong ki ha ka ri jong phi bad shongduh hangta. Kin bam ïa u soh bad kin dih ïa ka dud kiba dei ki jong phi.

ESEKIEL 30:12

Ngan pynrngad ïa ka wah Nile bad ngan buh ïa ka Ijipt hapoh ka bor jong ki briew kiba sniew. Ki nongwei kin pynjulor ïa ka ri baroh kawei. Ma nga, U Trai, nga la kren.”

HOSIA 7:9

Ki shaniah ha ki jaitbynriew sawdong jong ki bad kim sngewthuh ba kane ka jingshaniah ha ki nongwei ka la bam duh noh ïa ka jingkhlaiñ jong ki. Ki sngi jong ki, ki la jan kut, hynrei kim shym la tip ïa kata.

HOSIA 8:7

Haba ki bet ïa ka lyer, kin ïoh ot ïa ka 'erlangthari! U kew baroh shi pynthor u bym pat ih un ym lah ban pynmih kpu. Hynrei wat lada u pynmih ruh, ki nongwei kin bam ei ïa u.

LEBITIKOS 26:33

Ngan pynkhie da ka thma ban pynsakma ïa phi kylleng kylleng ki ri nongwei. Ka ri jong phi kan sah kynjah, bad ki shnong jong phi kin sah ha ka jingjot.

LEBITIKOS 26:34

Te ka ri kan ïoh lehkmen ha ki snem ka jingshongthait kaba pura ha kaba phin ym ai ei ei ïa ka; kan long kaba la iehnoh bad kan ïoh shongthait, katba phi dang don ha ka jinglongmraw ha ka ri ki nongshun jong phi.

MIKAH 5:11

Ngan pynjot ïa ki nongbah ha ka ri jong phi bad pynpra ïa ki jingïada jong phi baroh.

MIKAH 6:13

Te nga la dep sdang ïa ka jingpynjot bad jingpynpra ïa phi namar ki pop jong phi.

DEUTERONOMI 28:33

Ki nongwei kin bam ei ïa ki jingmih na ki lyngkha jong phi ha kiba phi la trei shitom, katba phi pat phim ym ïoh ei ei lait tang ka jingshah banbeiñ bad ka jingshah lehbeiñ suda.

DEUTERONOMI 28:43

“Ki nongwei kiba shong hapdeng jong phi kin nang kham ïohbor katba ma phi pat phin nang duh ïa la ka bor.

DEUTERONOMI 29:23

Ki lyngkha kin long shrah bad kin ym seisoh shuh, naba kin dap da u kyndok bad ka mluh suda; yn ym thung ei ei hangta, bad wat u ñiut ruh, un ym mih hangta. Ka ri jong phi kan long kum ki shnong Sodom bad Gomorrah, kum ka Admah bad ka Seboiim, ïa kiba U Trai u la pynjot mynba u bitar shla.