ISAÏAH 1:4 - Khasi CL Bible (BSI)

⁴ Phi long ba la tim, phi ka jaitbynriew bapop, phi ki riew jakhlia bad bymman! Ki pop jong phi ki tan ïa phi sha trai. Phi la kyntait ïa U Trai, U Blei bakhuid jong ki Israel, bad phi la pynphai ïa la ki ingdong sha u.

KA BAIBL

⁴ A ka jaid bynriew bapop, u paidlang ba la kit khia da ka bymhok, u symbai ki nongleh sniew, ki khun kiba pynsniew: ki la iehnoh ïa U Trai, ki la ibeiñ ïa uta u Bakhuid jong ki Israel, ki la ïakhlad noh shadien.

ISAÏAH 1:4 ပူးပေါင်းရင်းမြစ်များ

JENESIS 13:13

bad u la sher dara hajan ka Sodom, kaba ki briew jong ka, ki la long kiba bymman bad kiba la leh pop pyrshah ïa U Trai.

2 SYIEM 21:22

U kyntait ïa U Trai, U Blei jong ki kpa tymmen jong u, bad um shym la kohnguh ïa ki hukum U Trai.

2 KHRONIKL 12:1

Mar ïadep pynskhem ïa la ka bor kum u syiem, u Rehoboam bad ki briew jong u baroh ki iehnoh ïa ka Hukum jong U Trai.

2 KHRONIKL 27:2

U la leh ïa kaei kaba pynsngewbha ïa U Trai, kumba u kpa jong u, u la leh; hynrei, ym kum u kpa jong u, um shym la leh pop da kaba thang jingiwbih ha ka Templ. Ki briew pynban, ki dang ïai leh pop.

NEHEMAÏAH 1:7

Ngi la leh bymman pyrshah ïa me bad ngim shym la leh ïa kaei kaba me la hukum. Ngim shym la sumar ïa ki hukum kiba me la ai ha ngi lyngba u Moses, u shakri jong me.

SALM 58:3

Ki nongkamsniew ki ïaid bakla baroh shi jingim; ki kren lamler naduh ka sngi ba la kha ïa ki.

SALM 71:22

Da shisha ngan ïaroh ïa me da ka duitara; ngan ïaroh ïa ka jingïaineh jong me, A Blei jong nga. Ha ka duitara jong nga ngan tem ïa ki jingrwai sha me, Uta Uba Khuid ki Israel.

SALM 78:40

Katno sien ki la ïeng ïaleh pyrshah ïa u ha ka ri shyiap; katno sien ruh ki la pynsngewsih ïa u!

SALM 78:41

Man la ka por ki tynjuh ïa U Blei, bad ki la pynmong U Blei Uba Khuid jong ki Israel.

SALM 78:57

hynrei ki la ïeng ïaleh pyrshah bad kim kohnguh kum ki kpa tymmen jong ki, ki bym lah ban shaniah kum u khnam uba la kdor.

SALM 78:8

Kin ym long kum ki kpa tymmen jong ki; ki briew kiba ïeng ïaleh pyrshah bad ki bymkohnguh, kiba ka jingshaniah jong ki ha U Blei kam ju long kaba skhem, bad ki bym shym la ïaineh ha u.

SALM 89:18

Ma me, A Trai, me la jied ïa u nongïada jong ngi; ma me, U Blei Uba Khuid jong ki Israel, me la ai ha ngi ïa u syiem jong ngi.

EKSODOS 32:7

Te U Trai u ong ha u Moses, “Khie, leit hiar noh shisyndon, naba ki briew jong me kiba me la ïalam na ka ri Ijipt, ki la ïaleh pop bad ki la kyntait ïa nga.

ISAÏAH 1:23

Ki nongïalam jong pha ki long ki nongïaleh pyrshah bad ki paralok jong ki nongtuh; ki ju pdiang ïa ki jingai sngewbha bad ïa ki jingai tyngka bymdei. Kim ju ïada ïa ki khunswet ha ka ïingbishar lane shahshkor haba ki riewkynthei ki kren ïa ka kam jong ki.

ISAÏAH 1:28

Hynrei un pynlwet ïa uwei pa uwei uba leh pop bad uba ïaleh pyrshah ïa u; un pynïap ïa uwei pa uwei uba la iehnoh ïa u.

ISAÏAH 10:6

Nga la phah ïa ka Assyria ban tur ïaleh ïa ka jaitbynriew bym don blei, ki briew kiba la pynbitar ïa nga. Nga la phah ïa ki ban lute, ban tuh bad ban ïuhroit ïa ki briew kum ïa u pui pui ha ki lynti.”

ISAÏAH 12:6

Ai ba uwei pa uwei uba shong basah ha Seïon un pyrta bad un rwai! U Blei bakhuid jong ka Israel u long uba khraw, bad u shong hapdeng ki briew jong u.”

ISAÏAH 14:20

Namar me la pynjot pynpra ïa ka ri, bad pynïap ïa la ki briew, ïa me yn ym tep kum ïa kiwei pat ki syiem. Ym don mano mano na ka longïing basniew jong me ban lait im.

ISAÏAH 29:19

Ki briew kiba duk bad kiba rit kyrdan kin shem pat ïa ka jingsuk kaba U Trai, U Blei Bakhuid jong ki Israel, un ai.

ISAÏAH 3:8

Ho-oid, ka Jerusalem ka long ba la tim! Ka Judah ka dang khyllem! Kano kano kaba ki kren lane ki leh ka long pyrshah ïa U Trai; ki ibeiñ khlem buhrieh ïa U Blei hi.

ISAÏAH 30:1

U Trai u la kren: “Kito kiba synshar ïa ka Judah kin jot noh namar ki ïaleh pyrshah ïa nga. Ki bud ïa ki jingthmu kiba ngam shym la shna, bad ki soi ïa ki jingïateh kular pyrshah ïa ka mon jong nga, da kaba kynton kawei ka pop halor kawei pat.

ISAÏAH 30:15

U Trai Nongsynshar, U Blei Bakhuid ki Israel, u ong ha ki briew, “Phai noh bad to shaniah jar jar ha nga. Te phin long khlaiñ bad skhem.” Hynrei phi kyntait ban leh ïa kata!

ISAÏAH 30:9

Ki long borabor kiba ïaleh pyrshah ïa U Blei, kiba ïai shukor, kiba ïai kyntait ban shahshkor ïa ki jinghikai U Trai.

ISAÏAH 31:2

U tip ïa kaei kaba u leh! U phah ka jingjot. U phah ïa ki jingbyrngem ban pynshitom ïa ki briew kiba sniew bad kito kiba ïada ïa ki.

ISAÏAH 37:23

Ïano ba me pyrkhat ba me la ñiewbeiñ bad rkhiebeiñ? Me la long uba khlem burom ïa nga, U Blei bakhuid jong ki Israel.

ISAÏAH 41:14

U Trai u ong, “Uba rit bad uba tlot kumba me long, ko Israel, wat sheptieng; ngan ïarap ïa me. Nga, U Blei uba khuid ki Israel, nga long uta uba pynim ïa me.

ISAÏAH 41:16

Men kynting ïa ki ha ka lyer; ka lyer kaba jur kan kit lut ïa ki, bad yn pynsaphriang ïa ki da ka 'erïong. Te men sa kmen namar nga long U Blei jong me; men ïaroh ïa nga, U Blei bakhuid ki Israel.

ISAÏAH 41:20

Ki briew kin ïohi ïa kane bad kin tip ba nga, U Trai, nga la leh ïa ka. Kin wan ban tip ba U Blei bakhuid ki Israel u la pynlong ïa ka ban jia.”

ISAÏAH 5:19

Phi ong, “Ai ba U Trai un pynstet bad leh ïa kaei kaba u ong ba un leh, ba kumta ngi lah ban ïohi ïa ka. Ai ba U Blei bakhuid ka Israel un pyndep ïa ki jingthmu jong u, to ngin khmih kaei u don ha ka jingmut jong u.”

ISAÏAH 5:24

Kumta mynta, kumba u skum kba bad u phlang tyrkhong ki ran bad ing ha ka ding, ki thied jong phi kin pyut bad ki syntiew jong phi kin tyrkhong bad shah rong noh ha ka lyer, namar ba phi la kyntait ïa kaei kaba U Trai Badonbor Baroh, U Blei bakhuid ka Israel u la hikai ïa ngi.

ISAÏAH 57:17

Nga la bitar ïa ki namar ka pop bad ka jingkwah lalot jong ki, bad kumta nga la pynshitom bad iehnoh ïa ki. Hynrei ki la long mutlop bad ki la nang ïaid ha la ki jong ki lynti.

ISAÏAH 58:2

Ki mane ïa nga man la ka sngi, ki da kam ba ki thrang ban tip ïa ki lynti jong nga bad kohnguh ïa ki aiñ jong nga. Ki ong ba ki kwah ïa nga ban ai ïa ki aiñ kiba beit bad ba ki shem sngewbha ha kaba mane ïa nga.”

ISAÏAH 65:11

“Hynrei kan long pher ïa phi kiba la kyntait ïa nga, kiba lyndet ïa ka Seïon, u lum bakyntang jong nga, bad mane ïa u Gad bad u Meni, ki blei ka nusip bad ka kupar.

ISAÏAH 65:3

Kim lehrain satia ban ïai pynbitar ïa nga. Ki ai jingkñia sha ki blei thala ha ki kper bakyntang bad thang jingiwbih ha ki duwan ba-thala.

ISAÏAH 9:17

Bad kumta U Trai un ym shah ba uno uno u samla un lait phet, bad un ym pyn-i ka jingisynei ïano ïano na ki riewkynthei bad ki khunswet, namar baroh ki briew ki long kiba khlem blei bad bymman bad kaei kaei baroh kaba ki ong ka long kaba sniew. Pynban la katta ruh ïa ka jingbitar jong U Trai yn ym pynkut, hynrei ka kti jong u kan dang ïai kner ban pynshitom.

JEREMAÏAH 15:6

Ma phi ki briew phi la kyntait ïa nga; phi la pynphai ïa la ki ingdong sha nga. Kumta nga la kner ïa la ka kti bad pynlwet ïa phi namar nga la thait ban teh lakam ïa ka jingbitar jong nga.

JEREMAÏAH 2:13

namar ki briew jong nga ki la leh ar tylli ki pop: Ki la phai noh na nga, ka umpohliew ki um basngur; bad ki la tih ki jaka pynlang um, ki jaka pynlang um kiba la pdang ki bym lah ban pynlang ïa ka um.”

JEREMAÏAH 2:17

Ko Israel me la wallam ïa kane halor jong me! Me la iehnoh ïa nga, U Trai U Blei jong me, katba nga dang ïalam ïa me ha ka lynti.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 2:31

Ko paid Israel, to shahshkor ïa kaei kaba nga ong. Hato nga la long kum ka ri shyiap ïa phi, kum ka ri kaba dum bad kaba ma? Balei te ba phi ong ba phin leh kat kaba phi sngewbha, ba phin ym wan phai shuh sha nga?

JEREMAÏAH 2:33

Phi tip thikna kumno ban ïabeh nadien ki nongleh-ieit. Wat ki kynthei kiba sniew eh ki lah ban ïoh jinghikai na phi.

JEREMAÏAH 2:5

U Trai u ong, “Kaei ka jingkynnoh ba ki kpa tymmen jong phi ki la wanrah pyrshah ïa nga? Kaei kaba pynlong ïa ki ban phai noh na nga? Ki la ïamane ïa ki bleithaw bymdondor ei ei bad ki hi ki la kylla long ki bymdondor.

JEREMAÏAH 32:32

Nga la kut jingmut ban pynjot ïa ka namar baroh kaba sniew ba la leh da ki paid ka Judah bad ka Jerusalem, ryngkat bad ki syiem bad ki nongïalam jong ki, ki lyngdoh bad ki nongïathuhlypa jong ki.

JEREMAÏAH 50:29

“To ong ïa ki nongsiatkhnam ban tur ïaleh ïa ka Babilon. Phah ïa baroh kiba nang ban pyndonkam ïa ka ryntieh bad ïa u khnam. Kerkut ïa ka nongbah bad wat ai ba yn don ba lait phet. Siew kylliang pat ïa kiei kiei baroh ba ka la leh, bad leh ïa ka kumba ka la leh ïa kiwei, namar ba ka la leh da ka jingsarong pyrshah ïa nga, U Bakhuid ki Israel.

JEREMAÏAH 51:5

Ma nga, U Trai U Blei Badonbor Baroh, ngam pat shym la iehnoh ïa ka Israel bad ka Judah, wat la ki la leh pop pyrshah ïa nga, U Bakhuid jong ki Israel.

JEREMAÏAH 7:19

Hato nga long shisha ma nga uta uba ki pynmong? Em, ki ïa pynmong ïa lade hi bad ki wallam ka jinglehrain ha lade hi.

JEREMAÏAH 7:26

Pynban ym don mano mano ba sngap lane pynshahshkor. Pynban, phi la nang kham mutlop bad ïeng ïaleh pyrshah ban ïa ki kpa tymmen jong phi.

ESEKIEL 14:5

Kito ki bleithaw baroh ki la pynphai noh ïa ki Israel na nga, hynrei da ka jubab jong nga, nga kyrmen ban ïoh pat ïa ka jingshaniah jong ki.

ESEKIEL 16:33

Ïa ka nuti la siew, hynrei pha ai ki jingai sngewbha ïa baroh ki nongleh-ieit jong pha bad pha pynbam tyngka ïa ki ban wan nangno nangno ban ïathiah bad pha.

ESEKIEL 16:45

Pha long shisha ka khun jong ka kmie jong pha. Ka la isih jur ïa u tnga jong ka bad ïa ki khun jong ka. Pha long kum ki hynmen ki para kynthei jong pha, kiba la isih ïa la ki tnga bad ïa la ki khun. Ma pha bad ki nongbah kiba shi para bad pha, phi la don ka kmie ka nong Hit bad u kpa u nong Amor.

DANIEL 9:11

Ki Israel baroh ki la pynkheiñ ïa ki aiñ jong me bad ki kyntait ban shahshkor ïa kaei kaba me la ong. Ngi la leh pop pyrshah ïa me, bad kumta me la wallam ha ngi ïa ki jingtim kiba la thoh ha Ka Aiñ u Moses, u shakri jong me.

SEPHANAÏAH 1:6

Ngan pynjot ïa kito kiba la phai lyndet bad ki bym bud shuh ïa nga, kito ki bym shym wan sha nga, lane kylli na nga ban kdew lynti ïa ki.”

JINGKHEIÑ 32:14

Bad mynta phi la shim ïa ka jaka jong ki kpa tymmen jong phi, ka pateng bynriew bathymmai jong ki riewbymman kaba kloi ban pynwan biang ïa ka jingbitar kaba shyrkhei jong U Trai halor ki Israel sa shisien pat!

MATHAÏOS 11:28

“To wan ha nga, phi baroh kiba thait na kaba kit ïa ki jingkit kiba khia, bad ngan ai ha phi ka jingjahthait.

MATHAÏOS 23:33

Phi ki bseiñ bad ki khun ki bseiñ! Kumno phi khmih lynti ban lait na ka jingshah pynrem sha ka dujok?

MATHAÏOS 3:7

Haba u Ïoannis u la ïohi ïa shibun ki Pharisi bad ki Saddusi kiba la wan sha u ban shah pynbaptis, u la ong ha ki, “Phi ki bseiñ — uei uba la ïathuh ha phi ba phi lah ban lait na ka jingpynshitom kaba U Blei un sa phah?

Ka Shithi U Paul Sha Ki Nong Rom 8:7

Bad kumta u briew u long u nongshun jong U Blei haba u shah pynïaid ha ka jinglong ba kynja doh; namar um kohnguh ïa ka hukum U Blei, bad ha ka jingshisha um lah ban kohnguh ïa ka.

1 KORINTH 10:22

Lane hato phi kwah ban pynlong ïa U Blei ba un thut shen? Hato ngi pyrkhat ba ngi kham khlaiñ ban ïa u?

DEUTERONOMI 29:25

Bad ka jubab kan long, ‘Dei namar ba ki la pynkheiñ ïa ka jutang ba U Trai, U Blei jong ki kpa tymmen jong ki, u la pynlong bad ki mynba u wan ïalam ïa ki na Ijipt.

DEUTERONOMI 31:16

U Trai u ong ha u Moses, “Shen men sa ïap noh, bad ynda me ïap u paidbah un sa phai noh na nga bad pynkheiñ ïa ka jutang kaba nga la pynlong bad ki. Kin kyntait ïa nga bad mane ïa ki blei thala jong kata ka ri sha kaba kin sa leit rung.

DEUTERONOMI 32:19

“Haba U Trai u la ïohi ïa kata, u bitar da shisha, bad u kyntait ïa la ki khun shynrang bad kynthei.

DEUTERONOMI 32:5

Pynban phi, phi long kiba ïaid kdor, ki bym dei hok ban long ki briew jong u, ka jaitbynriew kaba pop bad kaba shukor.

KOLOSSAI 1:24

Bad mynta nga kmen shaphang ki jingshahshitom jong nga na ka bynta jong phi, naba da ki jingshahshitom jong nga ha ka doh, nga ïarap ban pyndep ïa kaei kaba dang sah na ki jingshahshitom jong U Khrist na ka bynta ka balang, kaba long ka met jong u.

JINGPYNPAW 18:5

Naba ïa ki pop jong ka la kynton shajrong kat shaduh bneng, bad U Blei u kynmaw ïa ki kam bymman jong ka.

NONGBISHAR 10:10

Nangta ki Israel ki kyang jam ha U Trai, ki da ong, “Ngi la leh pop pyrshah ïa me, namar ngi la iehnoh ïa me, U Blei jong ngi, bad ngi la mane ïa ki Baal.”