ISAÏAH 1:3 - Khasi CL Bible (BSI)

³ Ki jingri ki tip mano ba long trai ïa ki, bad ki kada ki tip hangno u kynrad jong ki u bsa ïa ki. Hynrei kata ka kham bun ban ïa kaba ki briew jong nga ki Israel ki tip. Kim shemphang ei ei.”

KA BAIBL

³ U masi dab u ithuh ïa la u kynrad, bad u kadda ïa ka shyngoid u trai jong u; hynrei, u Israel um ithuh, u paidlang jong nga um ju pyrkhat.”

ISAÏAH 1:3 ပူးပေါင်းရင်းမြစ်များ

SALM 94:8

Ko ki briew jong nga, kumno phi lah ban long kiba bieit mutlop sat? Lano phin nang ïa kane?

PROBERB 28:5

Ki briew kiba sniew kim sngewthuh kaei ka jinglehhok, hynrei kito kiba mane ïa U Trai ki sngewthuh bha ïa ka.

PROBERB 6:6

Ki briew kiba jaipdeh, ki dei ban shim nuksa na ka rukom im ki dkhiew, ba phin dup stad.

ISAÏAH 27:11

Ki tnat jong ki dieng ki la stai bad kdiah noh, bad ki kynthei ki ïatam ïa ki ban pynlong diengthang. Namar ba ki briew kim sngewthuh ei ei, U Blei U Nongthaw jong ki un ym sngewlem ïa ki lane pyn-i ïa ki kano kano ka jingisynei.

ISAÏAH 42:20

Ko Israel, phi la ïohi shibun bha, hynrei ka don jingmut aïu ïa phi? Phi don ki shkor ban sngew, hynrei phi ïohsngew aïu da shisha?”

ISAÏAH 44:18

Kum kita ki briew ki long kiba bieit eh ban tip ïa kaei kaba ki leh. Ki khapbrip ïa la ki khmat bad ïa la ki jingmut na ka jingshisha.

ISAÏAH 5:12

Ha ki jingkhawai jong phi, phi don ki duitara, ki shakuriaw bad ki tangmuri — bad ka waiñ. Hynrei phim sngewthuh aïu U Trai u leh,

ISAÏAH 5:13

kumta ïa phi yn rah noh kum ki koidi. Ki nongïalam jong phi kin shahthngan haduh ban ïap, bad ki riewpaidbah kin ïap thynrang.

ISAÏAH 56:11

Ki long kum ki ksew kiba jlawnguid, ki bym ju ïoh bam kdang. Kine nongïalam ruh kim don ka jingshemphang. Uwei pa uwei na ki u leh katba u sngewbit, bad wad ïa la ka jong ka jingmyntoi.

JEREMAÏAH 10:14

Ha ka jingïohi ïa kane, ki rangbah ki sngew mutlop bad kim sngewthuh ei ei; kito kiba shna bleithaw ki shah pynthame, namar ki blei kiba ki shna ki long kiba bakla bad kim don jingim.

JEREMAÏAH 10:8

Ma ki baroh ki long kiba mutlop bad kiba bieit. Aïu ki lah ban nang na ki bleithaw dieng?

JEREMAÏAH 35:16

Ki khun ki ksiew u Jonadab ki la kohnguh ïa ka hukum kaba u kpa tymmen jong ki u la ai ha ki, hynrei ma phi phim shym la kohnguh ïa nga.

JEREMAÏAH 4:22

U Trai u ong, “Ki briew jong nga ki long kiba mutlop; kim ithuh ïa nga. Ki long kiba bieit kum ki khynnah; kim don kano kano ka jingshemphang. Ki long kiba tbit ha kaba leh ïa kaba sniew, hynrei ki bym lah ban leh ïa kaba bha.”

JEREMAÏAH 50:6

“Ki briew jong nga ki long kum ki langbrot kiba ki nongap langbrot ki la shah ba kin jah noh ha ki lumbah. Ki la sakma kum ka langbrot na uwei u lum sha uwei pat, bad ki la klet hangno ka ïing jong ki ka don.

JEREMAÏAH 8:7

Wat ki thring ki tip lano ka dei ka por ban wan phai; ki lyngdkhur, ki lyntait, bad ki throsh ki tip lano ka dei ka por ban leit noh shawei. Hynrei, ko ki briew jong nga, phim shym tip ïa ki aiñ da kiba nga synshar ïa phi.

ESEKIEL 16:30

Kane ka long kaei kaba U Trai Nongsynshar u ong: “Pha la leh ïa kane baroh kum ka nuti ka bym don jinglehrain.

DANIEL 9:11

Ki Israel baroh ki la pynkheiñ ïa ki aiñ jong me bad ki kyntait ban shahshkor ïa kaei kaba me la ong. Ngi la leh pop pyrshah ïa me, bad kumta me la wallam ha ngi ïa ki jingtim kiba la thoh ha Ka Aiñ u Moses, u shakri jong me.

HOSIA 2:8

Kan ym tip ba dei ma nga uba la ai ïa ka u kew, ka waiñ, ka umphniang Olib, bad baroh ka rupa bad ka ksiar ba ka ju pyndonkam ha kaba mane ïa u Baal.

MATHAÏOS 13:19

Kito kiba ïohsngew ïa ka khubor shaphang ka Hima hynrei ki bymshemphang ïa ka, ki long kum ki symbai kiba la hap ha shi lynter ka lynti ïaid kjat. Uta u Basniew u wan bad u knieh noh ïa kaei kaba la bet hapoh jong ki.

Ka Shithi U Paul Sha Ki Nong Rom 1:28

Namar ba kita ki briew ki la kyntait ban bat ha ka jingmut ïa ka jingtip bashisha shaphang U Blei, u la ai noh ïa ki sha ki jingmut bajakhlia, ba kumta ki leh ïa kiei kiei kiba kim dei ban leh.

2 PETROS 3:5

Ki da thmu khnang ban leh klet ïa ka jingshisha ba U Blei u la ai ïa ka hukum la slem bah, bad ïa ki bneng bad ka khyndew la pynlong.