ISAÏAH 1:23 - Khasi CL Bible (BSI)

²³ Ki nongïalam jong pha ki long ki nongïaleh pyrshah bad ki paralok jong ki nongtuh; ki ju pdiang ïa ki jingai sngewbha bad ïa ki jingai tyngka bymdei. Kim ju ïada ïa ki khunswet ha ka ïingbishar lane shahshkor haba ki riewkynthei ki kren ïa ka kam jong ki.

KA BAIBL

²³ Ki nongsynshar jong pha ki leh kiat, bad ki long ki lok ki nongtuh; uwei uwei baroh u ieit kaba bamsap, bad u beh ïa ka myntoi; kim bishar ïa u khunswet, bad ka kam ka riewkynthei kam ju wan ha khmat jong ki.

ISAÏAH 1:23 ပူးပေါင်းရင်းမြစ်များ

2 KHRONIKL 36:14

Nalor kane, ki nongïalam ka Judah, ki lyngdoh, bad ki briew ki bud ïa ka jingleh bymman jong ki jaitbynriew sawdong jong ki ha kaba mane ïa ki bleithaw, bad kumta ki pyntngit ïa ka Templ, ïa kaba U Trai da lade hi u la pynlong kaba kyntang.

EKSODOS 23:8

Wat bamsap, naba kaba bamsap ka pynmatlah ïa ki briew ban ym ïohi shuh ïa kata kaba dei, bad ka pynduh ïa ka nia jong kiba lui lui.

PROBERB 17:23

Ki nongbishar kiba bamsap ki pdiang ïa ki jingai ha kaba rieh, bad nangta kam don ka jingbishar hok.

PROBERB 29:24

U para nongtuh u long u nongshun uba sniew tam jong u hi. Un shah pynshitom lada u ïathuh ïa ka jingshisha ha ka ïingbishar, U Blei un tim ïa u lada um leh kumta.

ISAÏAH 1:17

bad to nang ban leh ïa kaba dei. Khmih ba yn leh ïa ka jingbishar hok — ïarap ïa kito kiba shah banbeiñ, ai ha ki khunswet ïa ki hok jong ki, bad ïada ïa ki riewkynthei.”

ISAÏAH 1:18

U Trai u ong, “Mynta, to ngin pynbeit ïa kane ka kam. Pha la khah saw da ka pop, hynrei ngan sait ïa pha ban khuid kum ka ïor. La ki jingkhah tngit jong pha ki saw hain hain, phan lieh kum u shñiuh langbrot.

ISAÏAH 1:22

Ko Jerusalem, shisien pha la long kum ka rupa, hynrei mynta pham dondor ei ei; pha la long kum ka waiñ babha, hynrei mynta pha long tang ka um.

ISAÏAH 28:14

Mynta, phi ki briew ba leh meng kiba synshar hangne ha Jerusalem halor kane ka jaitbynriew, shahshkor ïa kaei kaba U Trai u ong.

ISAÏAH 3:14

U Trai u wallam sha ka jingbishar ïa ki tymmen ki san bad ïa ki nongïalam. U pynlong ïa kane ka jingkynnoh: “Phi la lute ïa ki bri sohwaiñ bad ki ïing jong phi ki dap da kiei kiei kiba phi la shim na kiba duk.

ISAÏAH 30:1

U Trai u la kren: “Kito kiba synshar ïa ka Judah kin jot noh namar ki ïaleh pyrshah ïa nga. Ki bud ïa ki jingthmu kiba ngam shym la shna, bad ki soi ïa ki jingïateh kular pyrshah ïa ka mon jong nga, da kaba kynton kawei ka pop halor kawei pat.

ISAÏAH 33:15

Phi lah ban lait im lada phi ong bad phi leh ïa kaba dei. Wat pyndonkam ïa ka bor jong phi ban shukor ïa kiba duk bad wat pdiang ïa ka pisa bashukor. Wat ïasnohkti bad kito kiba thmu ban pynïap briew lane ban leh ïa kiwei ki kam sniew.

ISAÏAH 5:23

Hynrei tang namar ka jingïoh pisa bymdei phi shah ïa kiba shah pynrem ban lait bad phi khang ïa kiba lui lui na kaba ïoh ïa ka jingbishar hok.

ISAÏAH 65:2

Nga long uba la kloi borabor ban pdiang sngewbha ïa ki briew jong nga, kiba long mutlop ban ïai leh ïa ka bymdei bad ïaid ha la ka jong ka lynti,

JEREMAÏAH 22:17

Hynrei me lah ban ïohi tang ïa la ki jingmyntoi shimet; me pynïap ïa kiba lui lui, bad me banbeiñ tyngeh ïa la ki briew. U Trai u la kren.

JEREMAÏAH 32:32

Nga la kut jingmut ban pynjot ïa ka namar baroh kaba sniew ba la leh da ki paid ka Judah bad ka Jerusalem, ryngkat bad ki syiem bad ki nongïalam jong ki, ki lyngdoh bad ki nongïathuhlypa jong ki.

JEREMAÏAH 4:17

bad yn kerkut ïa ka Jerusalem kumba ki rangbah ki ap phira ïa ka lyngkha, namar ki briew jong ka ki la ïeng ïaleh pyrshah ïa U Trai. U Trai u la kren.

JEREMAÏAH 5:5

Ngan leit sha ki briew kiba ha ka bor; bad ïakren bad ki. Da shisha ki tip kaei ba U Blei u dawa, kaei ba U Trai u kwah ïa ki ban leh.” Hynrei ki baroh ki la kyntait ïa ka iktiar jong U Trai bad ki kyntait ban kohnguh ïa u.

JEREMAÏAH 5:6

Dei kata keiñ balei ba ki sing na khlaw kin pynïap ïa ki, ki suri na ka ri shyiap kin tar lyngkhot ïa ki, bad ki 'labasa kin ïaid apthap lyngba ki shong jong ki. Lada kito ki briew ki mih shabar, yn tar lyngkhot ïa ki namar ki pop jong ki, ki long kiba bun bad na ka por sha ka por ki la phai dien noh na U Blei.

ESEKIEL 12:2

“Ko khun u briew,” u ong, “me im hapdeng ki briew kiba ïeng ïaleh pyrshah. Ki don ki khmat, hynrei kim ïohi ei ei; ki don ki shkor, hynrei kim ïohsngew ei ei, namar ki long kiba ïaleh pyrshah.

ESEKIEL 22:27

Ki rangbah sorkar ki long kum ki suri kiba patar lyngkhot ïa ki mrad ba ki la pynïap. Ki pynïap briew ba kin ïoh riewspah.

HOSIA 4:18

Hadien ba ki la dih shibun ka waiñ, ki ïaleh sngewbha ha ki kam nuti jong ki, ki jied ïa ka jingjahburom ban ïa ka burom.

HOSIA 5:10

U Trai u ong, “Nga la bitar namar ba ki nongïalam ka Judah ki la hiarthma ïa ka Israel bad tuh jaka na ka. Kumta ngan theh noh ka jingpynshitom halor jong ki kum ka jingshlei um.

HOSIA 9:15

U Trai u ong, “Baroh ki kam sniew jong ki, ki la sdang ha Gilgal. Ka la long hangta ba nga sdang ban isih ïa ki. Bad namar ka jingsniew ba ki la leh, ngan beh noh ïa ki na ka ri jong nga. Ngan ym ieit shuh ïa ki; baroh ki nongïalam jong ki, ki la ïaleh pyrshah ïa nga.

AMOS 5:12

Nga tip haduh katno ki pop jong phi ki long kiba sngewshyrkhei bad katno kiba bun ki kam runar phi la leh. Phi pynshitom beiñ ïa ki briew kiba bha, phi bamsap, phi khang noh ïa kiba duk ban ïoh ïa ka jingbishar hok ha ki ïingbishar.

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

MIKAH 3:9

To shahshkor ïa nga, phi ki nongsynshar ki Israel, phi kiba isih ïa ka jingbishar hok bad pynkylla ïa kaba dei sha kaba bakla.

MIKAH 6:12

Ki briew bariewspah jong phi ki kjit na kiba duk, bad baroh ki long ki nongshukor.

MIKAH 7:3

Ki long kiba tbit baroh ha kaba leh ïa kaba sniew. Ki rangbah synshar bad ki nongbishar ki bamsap. U briew uba lah u ong ha ki ïa kaei kaba u kwah, bad kumta ki ïasylla lang.

SEKHARAÏAH 7:10

Wat banbeiñ ïa ki riewkynthei, ki khunswet, ki nongwei kiba shong basah hapdeng jong phi, lane mano mano kiwei pat kiba kyrduh. Bad wat pyrkhat ïa ki rukom ban pynmynsaw iwei ïa iwei pat.’

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

JINGKHEIÑ 22:7

Kumta ki nongïalam jong ki Moab bad ki Midian ki rah bad ki ïa ka jingsiew na ka bynta ka jingtim, ki la leit sha u Balaam bad ki ai ha u ïa ka khubor na u Balak.

MATHAÏOS 21:13

bad u la ong ha ki, “La thoh ha ki Jingthoh Bakhuid ba U Blei u la ong, ‘Ïa ka Templ jong nga yn khot ka ïing ka jingduwai.’ Hynrei phi pynlong ïa ka, ka jakarieh ïa ki nongtuh!”

MARKOS 11:17

Nangta u la hikai ïa u paidbah: “La thoh ha ki Jingthoh Bakhuid ba U Blei u la ong, ‘Ïa ka Templ jong nga yn khot ka ïing jingduwai ïa ki briew jong ki jaitbynriew baroh.’ Hynrei phi la pynlong ïa ka, ka jakarieh jong ki nongtuh!”

LOUKAS 19:46

“La thoh ha ki Jingthoh Bakhuid ba U Blei u la ong, ‘Ïa ka Templ jong nga yn khot ka ïing ka jingduwai.’ Hynrei phi la pynkylla ïa ka sha ka jakarieh na ka bynta ki nongtuh!”

LOUKAS 24:27

Bad U Jisu u la batai ha ki ïa kaei kaba la ong shaphang jong u hi ha baroh ki Jingthoh Bakhuid, da kaba sdang da ki kitab u Moses bad ki jingthoh jong ki nongïathuhlypa baroh.

DEUTERONOMI 16:19

Kim dei ban leh bymhok lane leh shiliang khmat ha ki jingbishar jong ki; kim dei ruh ban bamsap, namar ka jingbamsap ka pynmatlah wat ïa kito kiba stad bad kiba hok, bad ki pynlong ïa ki ban rai bakla.

JAKOB 1:27

Kaei kaba U Blei uba U Kpa u ñiew ba ka long kaba sngur bad ka jinglong riewblei bashisha ka long kane: Ban leit khmih ïa ki khunswet bad ïa ki riewkynthei ha ka jingshitom jong ki bad ban ri noh ïa lade kiba khlem thohbria na ka jong ka pyrthei.

1 SAMUEL 8:3

Hynrei kim shym bud ïa ka nuksa u kpa jong ki; ki im sngi tang ha kaba kamai spah, kumta ki bamsap bad kim bishar hok ïa ki jingïakajia.