ISAÏAH 1:2 - Khasi CL Bible (BSI)

² U Trai u ong, “Ko ka pyrthei bad ka sahit bneng, shahshkor ïa kaei kaba nga ong! Ki khun kiba nga la pynheh pynsan ki la ïeng ïaleh pyrshah.

KA BAIBL

² To sngap, ko bneng, bad shahshkor, ko khyndew, namar U Trai u la kren: “Nga la ri bad nga la pynsan ïa ki khun, te ki, ki la ïaleh pyrshah ïa nga.

ISAÏAH 1:2 ပူးပေါင်းရင်းမြစ်များ

2 SYIEM 21:22

U kyntait ïa U Trai, U Blei jong ki kpa tymmen jong u, bad um shym la kohnguh ïa ki hukum U Trai.

SALM 49:1

To sngap ïa kane, ma phi baroh! To shahshkor, baroh ki briew ha kylleng,

SALM 50:4

U khot ïa ka bneng bad ka pyrthei kum ki sakhi ban khmih ïa u ba u bishar ïa ki briew jong u.

ISAÏAH 30:1

U Trai u la kren: “Kito kiba synshar ïa ka Judah kin jot noh namar ki ïaleh pyrshah ïa nga. Ki bud ïa ki jingthmu kiba ngam shym la shna, bad ki soi ïa ki jingïateh kular pyrshah ïa ka mon jong nga, da kaba kynton kawei ka pop halor kawei pat.

ISAÏAH 30:9

Ki long borabor kiba ïaleh pyrshah ïa U Blei, kiba ïai shukor, kiba ïai kyntait ban shahshkor ïa ki jinghikai U Trai.

ISAÏAH 31:6

U Trai u la ong, “Phi ki paid Israel, phi la leh pop pyrshah ïa nga bad ïeng ïaleh ïa nga. Hynrei mynta, to phai pat sha nga!

ISAÏAH 34:1

Ale, phi ki briew jong ki hima baroh! To ïalumlang bad to shahshkor. Ai ba ka pyrthei baroh kawei bad uwei pa uwei uba shong ha ka un wan hangne bad shahshkor.

ISAÏAH 63:16

Me long u kpa jong ngi. U Abraham bad u Jakob, ki kpa tymmen jong ngi, kim pdiang ïa ngi, hynrei ma me, ko Trai, me long u kpa jong ngi, uta uba pyllait im ïa ngi borabor.

ISAÏAH 65:2

Nga long uba la kloi borabor ban pdiang sngewbha ïa ki briew jong nga, kiba long mutlop ban ïai leh ïa ka bymdei bad ïaid ha la ka jong ka lynti,

JEREMAÏAH 13:15

Ko ki paid Israel, U Trai u la kren! To pynrit bad shahshkor ïa u.

JEREMAÏAH 22:29

Ko ka ri, ko ka ri, ko ka ri! to shahshkor ïa kaei kaba U Trai u la ong;

JEREMAÏAH 3:22

To wan phai, phi baroh kiba la phai lyndet na U Trai; un pynkhiah ïa phi bad un pynlong ïa phi kiba ïaineh. Phi ong, “Ho-oid, ngi wan sha U Trai, namar u dei U Blei jong ngi.

JEREMAÏAH 31:9

Ki briew jong nga kin wan phai da kaba ïam, da kaba duwai katba nga ïalam ban wan phai pat. Ngan ïalam ïa ki sha ki wahduid, ha ka lynti kaba beit ha kaba kin ym jynthut. Nga long kum u kpa ïa ki Israel, bad u Ephraim u long u khun banyngkong eh jong nga.”

JEREMAÏAH 6:19

To shahshkor, ko pyrthei! Kum ka jingpynshitom ïa ki jingthmu jong ki nga wallam ka jingjot halor kine ki briew, namar ki la kyntait ïa ka jinghikai jong nga bad kim shym la kohnguh ïa ki ktien jong nga.

ESEKIEL 24:3

To ïathuh ïa ki briew ba-ïaleh pyrshah ïa nga ïa kane ka pharshi kaba ma nga, U Trai Nongsynshar, nga don na ka bynta jong ki: “Buh ïa u khiew halor ka ding bad pyndap pura ïa u da ka um.

ESEKIEL 36:4

Kumta mynta to shahshkor ïa kaei kaba ma nga, U Trai Nongsynshar, nga ong ha phi ki lumbah bad ki lumrit, ha phi ki wahduid bad ki jaka them, bad ha phi ki jaka kiba sah ha ki jingjot jingpra, bad ha phi ki nongbah ba la iehnoh kynjah kiba la shah lute bad shah rkhiebeiñ da baroh ki jaitbynriew kiba don sawdong.

AMOS 3:1

Ko ki paid Israel, to sngew ïa kane ka khubor kaba U Trai u la kren shaphang jong phi, ka jaitbynriew baroh kawei kaba u la wan ïalam na ka ri Ijipt;

MIKAH 1:1

Ha ka por ba u Jotham, u Ahas, bad u Hesekaïah ki la long ki syiem ka Judah, U Trai u la ai ïa kane ka khubor ha u Mikah, uba na ka shnong Moresheth. U Trai u la pynpaw ha u Mikah ïa kine kiei kiei baroh shaphang ka Samaria bad ka Jerusalem.

MIKAH 1:2

To sngew ïa kane, phi ki jaitbynriew baroh; to sngap ïa kane, ko phi kiba im ha ka pyrthei! U Trai Nongsynshar un sakhi pyrshah ïa phi. To shahshkor! U kren na ka templ ba kynja bneng.

MIKAH 3:8

Hynrei na ka bynta jong nga, U Trai u pyndap ïa nga da U Mynsiem bad ka bor, bad u ai ha nga ka jingsngewthuh ïa ka jingbishar hok bad ka jingshlur ban ïathuh ha ki paid Israel kiei ki long ki pop jong ki.

MALAKHI 1:6

U Trai Badonbor Baroh u ong ha ki lyngdoh, “U khun u burom ïa la u kpa, bad u shakri u burom ïa la u kynrad. Nga long u kpa jong phi — balei phim burom ïa nga? Nga long u kynrad jong phi — balei phim ñiewkor ïa nga? Phi ñiewbeiñ ïa nga, bad pynban phi kylli, ‘Da kumno ngi ñiewbeiñ ïa me?’

KI KAM 4:20

Naba ngim lah ban sangeh ban kren ïa kaei kaba ma ngi hi ngi la ïohi bad ïohsngew.”

DEUTERONOMI 1:31

bad ha ka ri shyiap. Phi la ïohi kumno u la bah ïa phi khlem jingmynsaw baroh shi lynter lynti haduh kane ka jaka, kumba u kpa u bah ïa la u khun.’

DEUTERONOMI 30:19

Nga ai ha phi mynta ban jied napdeng ka jingim bad ka jingïap, napdeng ka jingkyrkhu U Blei bad ka jingtim U Blei, bad nga khot ïa ka bneng bad ka pyrthei ban sakhi ïano phi jied. Jied ïa ka jingim.

DEUTERONOMI 32:1

“Ko ka bneng, shahshkor ïa ki ktien jong nga, bad ko ka pyrthei, sngap bha ïa kaei ba ngan kren.

DEUTERONOMI 4:26

Nga khot ïa ka bneng bad ïa ka khyndew ban sakhi pyrshah ïa phi ba, lada phim kohnguh ïa nga, phin sa jah noh shen na kata ka ri; phin ym im slem ha kata ka ri sha shiliang ka Jordan ïa kaba phin sa ïohkynti. Yn sa pynjot thiaw ïa phi.