ISAÏAH 1:16 - Khasi CL Bible (BSI)

¹⁶ To sait pynkhuid ïa lade. Pynsangeh ïa kane ka jingsniew baroh kaba nga ïohi ba pha leh. Ho-oid ban leh ïa kaba sniew

KA BAIBL

¹⁶ To sait phi, pynkhuid ïa lade; bred noh ka jingsniew ki kam jong phi na khmat jong nga; iehnoh ïa kaba leh sniew:

ISAÏAH 1:16 ပူးပေါင်းရင်းမြစ်များ

2 SYIEM 17:13

U Trai u phah ïa ki nonglamktien bad ki nongïathuhlypa ban maham ïa ki Israel bad Judah: “Iehnoh noh ïa ki lynti kynriang bad kohnguh ïa ki hukum jong nga, ïa kiba la don ha ka Aiñ kaba nga la ai ïa ki kpa tymmen jong phi bad kaba nga la aiti pateng ha phi lyngba ki shakri jong nga bad ki nongïathuhlypa.”

SALM 26:6

A Trai, nga sait ïa la ki kti ban pyn-i ba nga long uba lui lui bad nga ïaid sawdong ka duwan ha kaba mane ïa me.

SALM 34:14

To phai noh na kaba sniew bad leh ïa kaba bha; wad ïa ka jingsuk da ka dohnud jong phi baroh.

SALM 37:27

To phai noh na kaba sniew bad leh ïa kaba bha, bad ki khun ki ksiew jong phi kin ïaishong ïaisah ha ka ri;

SALM 51:2

To sait ïa ka jingbymman jong nga baroh bad pynlong ïa nga uba khuid na ka pop jong nga!

PROBERB 21:3

Leh ïa kaei kaba dei bad kaba beit; kaba kham pynsngewbha ïa U Trai ban ïa kaba wallam sha u ïa ki jingkñia.

PROBERB 4:27

Kiar na kaba sniew bad ïaid beit sha khmat. Wat jam palat na ka lynti kaba dei.

ISAÏAH 52:11

To pynthikna phi baroh kiba mih na Babilon, phi baroh kiba rah ïa ki tiar ka templ! Wat ktah ïa kaba la mana; ri khuid ïa lade bad mihnoh.

JEREMAÏAH 18:11

Mynta te, to ïathuh ïa ki briew jong ka Judah bad ka Jerusalem ba nga thaw ki jingthmu bathymmai pyrshah ïa ki bad nga khreh ban pynshitom ïa ki. Ïathuh ïa ki ban sangeh ban im ka jingim ba-dap da ka pop — ban pynkylla ïa ki rukom im jong ki bad ïa kiei kiei kiba ki leh.

JEREMAÏAH 25:5

Ki la ïa-ong ïa phi ban phai noh na ka lynti ka jingim bymman jong phi bad na kiei kiei kiba sniew ba phi leh, khnang ba phi lah ban leit ban ïoh shong ha kata ka ri ba U Trai u la ai ha phi bad ha ki kpa tymmen jong phi kum ka jingïohkynti baneh.

JEREMAÏAH 26:3

Lehse ki briew kin shahshkor bad iehnoh ïa la ki lynti basniew. Lada ki leh kumta, te ngan kylla ïa la ka jingmut shaphang ka jingpynjot kaba nga la thmu ban wallam halor jong ki na ka bynta ki kam bymman jong ki.”

JEREMAÏAH 35:15

Nga la ïai phah sha phi ïa baroh ki shakri jong nga, ki nongïathuhlypa, bad ki la ong ïa phi ban iehnoh ïa ki lynti bymman jong phi bad ban leh ïa kaei kaba dei. Ki la maham ïa phi ban ym mane bad shakri ïa kiwei pat ki blei, khnang ba phi lah ban ïaishong ha ka ri kaba nga la ai ha phi bad ki kpa tymmen jong phi. Hynrei phim shym la shahshkor ïa nga lane sngap ïa nga.

JEREMAÏAH 4:14

A Jerusalem, to sait noh ïa ka jingsniew na ka dohnud jong pha, khnang ba pha lah ban ïohlait im. Sa katno phan dang ïai pyrkhat ïa ki jingpyrkhat bashlei da ka pop?

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

JONAH 3:8

Baroh ki briew bad ki mrad ki dei ban phong ki jaiñ khain. Uwei pa uwei u dei ban duwai jur ha U Blei bad u dei ban iehnoh ïa ka jingleh bymman bad ki kam sniew jong u.

SEKHARAÏAH 13:1

“Haba kata ka por ka poi,” ong U Trai Badonbor Baroh, “yn plie ïa ka umpohliew ban pynkhuid ïa ki khun ki ksiew jong u Dabid bad ïa ki briew jong ka Jerusalem na ka pop bad ka jingmane bleithaw jong ki.

SEKHARAÏAH 7:7

Kane ka dei kaei kaba U Trai u la ong lyngba ki nongïathuhlypa kiba mynshuwa ha ka por mynba ka Jerusalem ka dang manbha bad dap da ki briew bad mynba dang don bun ki briew kiba shong basah ym tang ha ki shnong sawdong ïa ka nongbah hynrei kumjuh ruh ha ka phang bashathie bad ha ki kjat lum ha ka phang sepngi.

MATHAÏOS 3:8

To leh ïa kito kiei kiei ki ban pyn-i ba phi la phai noh na ki pop jong phi.

KI KAM 22:16

Bad mynta, balei me pyntud? To ïeng joit bad shah ba yn pynbaptis ïa me bad sait noh ïa ki pop jong me da kaba duwai sha u.’

Ka Shithi U Paul Sha Ki Nong Rom 12:9

Ka jingieit ka dei ban long kaba sngur. To isih ïa kaei kaba sniew, to batskhem ïa kaei kaba bha.

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

JAKOB 4:8

To wan hajan U Blei, bad un wan hajan jong phi. To sait ïa la ki kti, ko phi ki nongpop! To pynkhuid ïa la ki dohnud, phi kiba arsap!

1 PETROS 2:1

To bret noh na lade, namarkata, ïa ki jingsniew baroh; ïa ka jingshukor lane ka jingarsap lane ka jingbishni lane ka jingkren sniew.

1 PETROS 3:11

U dei ban phai noh na kaba sniew bad ban leh ïa kaba bha; u dei ban ïaleh shitom na ka bynta ka jingsuk da ka dohnud jong u baroh.

JINGPYNPAW 7:14

Nga la jubab ïa u, “Ngam tip, ko kynrad. Phi te phi tip.” U la ong ha nga, “Kine ki long ki briew kiba la lait na kata ka jingpynshitom kaba triem. Ki la sait ïa la ki jaiñkup bad ki la pynlieh ïa ki da ka snam jong uta U Khunlangbrot.