ISAÏAH 1:14 - Khasi CL Bible (BSI)

¹⁴ Nga isih ïa ki Jingkhawai Niam Bnai Thymmai jong pha bad ïa ki sngi bakhuid; ki long ki jingkit bakhia kiba nga la thait ban kit.

KA BAIBL

¹⁴ Ïa ki 'nai thymmai jong phi bad ïa ki Jingkhawai Niam ba la buh jong phi ka mynsiem jong nga ka isih: ki long ka jingshitom ïa nga; nga la thait ban shah ïa ki.

ISAÏAH 1:14 ပူးပေါင်းရင်းမြစ်များ

AMOS 5:21

U Trai u ong, “Nga isih ïa ki Jingkhawai Niam jong phi; ngam lah shah ïa ki!

ISAÏAH 43:24

Phim shym la thied jingiwbih ïa nga lane pynhun ïa nga da ka khleiñ ki jingri jong phi. Pynban phi la bankhia ïa nga da ki pop jong phi; phi la pynbtai ïa nga da ki jingbakla ba phi la leh.

AMOS 2:13

Bad mynta, ngan ïuh ïa phi ha madan bad phin ud kum ka kali ba la pynkit khia da u kew.

ISAÏAH 61:8

U Trai u ong, “Nga ieit ïa ka jingbishar hok bad nga isih ïa ka jingbanbeiñ bad ka jingleh runar. Da shisha ngan sa ai bainong ïa ki briew jong nga bad ngan pynlong ka jutang kaba neh junom bad ki.

ISAÏAH 7:13

U Isaïah u jubab ïa kata, “To shahshkor, mynta, ko ki khun ki ksiew jong u Syiem Dabid. Ka long kaba sniew eh ïa phi ban pynthait ïa ka jingïaishah jong ki briew — hato phi donkam ruh ban pynthait ïa ka jingïaishah ka jong U Blei?

MALAKHI 2:17

Phi la pynlwait ïa U Trai da ki jingkren jong phi. Hynrei phi kylli, “Da kumno ngi la pynlwait ïa u?” Da kaba ong, “U Trai Badonbor Baroh u pyrkhat ba baroh ki nongkamsniew ki long kiba bha; ha ka jingshisha u sngewtynnat ïa ki.” Lane da kaba kylli, “Hangno don U Blei uba dei ban long uba lehhok?”

SEKHARAÏAH 11:8

Ngam lah shah shuh ïa ki lai ngut kiwei pat ki nongaplangbrot, kiba la isih ïa nga, bad nga la beh noh ïa ki baroh hapoh shi bnai.

ISAÏAH 29:1

Ka duwan U Blei, kaba long ka Jerusalem hi, kam lah khie khlieh shuh! Ka nongbah ha kaba u Dabid u la sher dara kam lah khie khlieh shuh! Ai ba sa kawei ne ar ki snem kin wan bad leit, ryngkat bad ki jingkhawai bad ki Jingkhawai Niam,

1 KHRONIKL 23:31

bad ha man ba thang ïa ki jingainguh ba la ai sha U Trai ha ka Sabbaton, ha ka Jingkhawai Niam Bnai Thymmai, bad ha kiwei kiwei ki Jingkhawai Niam. La thaw ïa ki jingpynbeit ryntih da kaba kdew ïa ka jingdon ki Lebi kiba la pynkhamti ban leh ïa kane ka kam man ka por.

ISAÏAH 29:2

bad nangta U Blei un wallam ka jingjot ïa ka nongbah ïa kaba la khot “ka duwan U Blei.” Kan don ka jingïam bad ka jingïambriew, bad ka nongbah baroh kawei kan long kum ka duwan ba la tap da ka snam.

ISAÏAH 66:23

Ha man kawei pa kawei ka Jingkhawai Niam Bnai Thymmai, bad ha man kawei pa kawei ka Sabbaton, ki jaitbynriew na ki hima baroh kin wan ban mane ïa nga hangne ha Jerusalem,” ong U Trai.

HOSIA 2:11

Ngan pynkut noh ïa baroh ki kam sngewbha jong ka — ki jingkhawai ba man ka snem bad man u bnai bad ki jingrakhe ïa ka Sabbaton — bad ïa ki jinglehniam jong ka baroh.

HOSIA 5:7

Ki la long ki bymïaineh ha U Trai; ki khun jong ki kim long ki jong u. Kumta mynta, ma ki bad ki jaka jong ki kin sa shah pynjot noh shen.