ISAÏAH 1:13 - Khasi CL Bible (BSI)

¹³ Ka long ka bymmyntoi ban wallam ïa ki jingainguh jong pha. Nga la sngewjli da ka jingiw jong ka jingiwbih ba pha thang. Ngam lah shah ïa ki Jingkhawai Niam Bnai Thymmai jong pha, ïa ki Sabbaton jong pha bad ïa ki jingïaseng jong pha; la pyntngit ïa ki baroh da ki pop jong pha.

KA BAIBL

¹³ Wat wallam shuh ki jingai bathala; ka jingiwbih thang ka long kaba ijli ha nga; u 'nai thymmai bad ka Sabbaton, kaba khot jingïaseng, ngam lah shah ka jingbymhok bad ka jingïaseng bakyntang.

ISAÏAH 1:13 ပူးပေါင်းရင်းမြစ်များ

ISAÏAH 66:3

“Ki briew ki leh katba ki sngewbha. Baroh ka long kajuh ïa ki, la ki pynïap ïa u masi kyrtong kum ka jingkñia lane jingkñia da u briew; la ki kñia da u khunlangbrot lane ki pyndkut ïa ka ryndang u ksew; la ki wanrah ka jingainguh kew ne ki ainguh da ka snam sniang; la ki thang jingiwbih ne ki duwai ha ka bleithaw. Ki shem sngewbha ha ki rukom ba-ijli ha ka jingmane.

MALAKHI 1:10

U Trai Badonbor Baroh u ong, “Nga kwah ba uwei na phi un khang ïa ki jingkhang bah ka Templ khnang ba yn ym shah ïa phi ban pynmeh ïa ki ding bymmyntoi ha ka duwan jong nga. Ngam sngewbha ïa phi; ngan ym pdiang ïa ki jingainguh kiba phi wanrah sha nga.

MATHAÏOS 15:9

Kam myntoi ïa ki ban mane ïa nga, namar ba ki hikai ïa ki rukom ki briew kumba ki dei ki hukum jong nga!’ ”

ESEKIEL 20:39

U Trai Nongsynshar u ong, “Bad mynta, ma phi ki Israel baroh, to pynsngewbha ïa lade! To khie bad to shakri ïa ki bleithaw jong phi! Hynrei nga maham ïa phi ba hadien kane, phi dei ban kohnguh ïa nga bad sangeh ban pynjahburom ïa ka kyrteng jong nga da kaba ai ki jingai sngewbha ha ki bleithaw jong phi.

LOUKAS 11:42

“A katno kaba shyrkhei ïa phi ki Pharisi! Phi ai sha U Blei ïa kawei na ki shiphew jong ki jhur pynbang jingbam, kum u pudina bad u rue bad baroh kiwei pat ki jait jhur, hynrei phi leh klet ïa ka jinglehhok bad ka jingieit ïa U Blei. Ïa kine phi la dei ban leh, khlem da leh klet ïa kiwei pat.

JOEL 2:15

To put ïa ka turoi halor u lum Seïon; to ai ki hukum na ka bynta ka jingshah jingit bad khot ïa ka jingïaseng bah!

SNGEWSYNEI 2:6

U la tied pynlwet ïa ka Templ ha kaba ngi la ïamane ïa u; u la pynkut ïa ki sngi khuid bad ïa ki Sabbaton. U Syiem bad u lyngdoh kumjuh ki la sngew ïa ka bor ka jingbitar jong u.

EPHESOS 4:30

Bad to wat pynsngewsih ïa U Mynsiem Bakhuid jong U Blei; naba U Mynsiem u long ka dak jong ka jinglong trai jong U Blei ïa phi, ka jingbahkhlieh ba ka Sngi kan poi haba U Blei un pyllaitluid ïa phi.

1 KORINTH 11:17

Pynban, ha ki jingbthah harum, ngam ïaroh ïa phi, namar ki jingïaseng jong phi na ka bynta ka jingmane, da shisha ka kham pynsniew ban ïa kaba pynbha.

JOEL 1:14

To ai hukum na ka bynta ka jingshah jingit; to khot na ka bynta ka jingïaseng bah! To ïalumlang ïa ki nongïalam bad ki paid Judah baroh ha ka Templ jong U Trai U Blei jong phi bad to khot kyrpad ïa U.

PROBERB 21:27

U Trai u ijli ïa kata, haba ki briew ba-bymman ki ai ki jingkñia ha u, khamtam lada ki leh ïa kata na ki jingthmu bymman.

SALM 78:40

Katno sien ki la ïeng ïaleh pyrshah ïa u ha ka ri shyiap; katno sien ruh ki la pynsngewsih ïa u!

1 KHRONIKL 23:31

bad ha man ba thang ïa ki jingainguh ba la ai sha U Trai ha ka Sabbaton, ha ka Jingkhawai Niam Bnai Thymmai, bad ha kiwei kiwei ki Jingkhawai Niam. La thaw ïa ki jingpynbeit ryntih da kaba kdew ïa ka jingdon ki Lebi kiba la pynkhamti ban leh ïa kane ka kam man ka por.

EKSODOS 12:16

Ha ka sngi kaba nyngkong bad kumjuh ruh ha ka sngi kaba hynñiew, phi dei ban ïakynduh lang ban mane Blei. Phim bit ban trei ei ei ha kita ki sngi, hynrei phi lah ban pynkhreh jingbam.

PHILIPPI 1:15

Da shisha katto katne ngut na ki, ki ïalap ïa U Khrist namar ka jingpihuiñ bad ka jingïakajia, hynrei kiwei pat na ka mon kaba khuid.

JINGKHEIÑ 10:2

“Shna ar tylli ki turoi da ka rupa ba la shoh tyrnem ban pyndonkam ha kaba khot lang ïa u paidbah, bad ha kaba kynriah jaka shong dara.

ISAÏAH 66:23

Ha man kawei pa kawei ka Jingkhawai Niam Bnai Thymmai, bad ha man kawei pa kawei ka Sabbaton, ki jaitbynriew na ki hima baroh kin wan ban mane ïa nga hangne ha Jerusalem,” ong U Trai.

HOSIA 2:11

Ngan pynkut noh ïa baroh ki kam sngewbha jong ka — ki jingkhawai ba man ka snem bad man u bnai bad ki jingrakhe ïa ka Sabbaton — bad ïa ki jinglehniam jong ka baroh.

LEBITIKOS 26:31

Ha ka jingijli bakhraw, ngan pynjot thiaw ïa ki shnong jong phi, ngan pynpra ïa ki jaka mane blei jong phi, bad ngan kyntait ïa ki jingkñia ainguh jong phi.

2 SYIEM 4:23

“Balei phi hap ban leit mynta ka sngi?” u tnga jong ka u kylli. “Kam shym dei ka Sabbaton lane ka Jingkhawai Niam Bnai Thymmai.” “Kam lei lei,” ka jubab.

PROBERB 7:14

“Nga la ai ki jingainguh mynta, bad nga don ki doh kñia.