ISAÏAH 1:12 - Khasi CL Bible (BSI)

¹² Mano ba la ong ïa pha ban wallam ha nga ïa kane baroh haba pha wan mane ïa nga? Mano ba la ong ïa pha ban leh ïa kane ka jingïaid kyrdem sawdong ha ka templ jong nga?

KA BAIBL

¹² “Haba phi wan ban paw ha khmat jong nga, uei ba la pan ïa kane na ka kti jong phi, ban ïuh ïa ki phyllaw jong nga?

ISAÏAH 1:12 ပူးပေါင်းရင်းမြစ်များ

SALM 40:6

Ïa ki jingkñia bad ki jingainguh mem kwah; ïa ki mrad thang tylli halor ka duwan mem shym la pan lane ïa ki jingkñia ki ban shim noh ïa ki pop.

EKSODOS 23:17

Man ka snem ha kine ki lai tylli ki Jingkhawai Niam, ki shynrang baroh ki dei ban wan mane ïa nga, U Trai U Blei jong phi.

EKSODOS 34:23

“Lai sien shisnem, baroh ki shynrang ki dei ban wan mane ïa nga U Trai, U Blei ki Israel.

EKLESIASTIS 5:1

Da sumar shaphang kaba leit sha ka Templ. Ka kham bha ban leit hangta ban ïoh jinghikai ban ïa kaba ai jingkñia kum ki briew ba-bieit ki bymtip ïa kaba dei na kaba bakla.

JEREMAÏAH 7:11

Hato phi pyrkhat ba ka Templ jong nga ka dei ka jakarieh ïa ki nonglute? Nga la ïohi ïa kaei kaba phi leh.

MIKAH 6:8

Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.

SEKHARAÏAH 7:5

U la ong, “Ïathuh ïa ki briew jong ka ri bad ïa ki lyngdoh ba haba ki shahjingit bad ïambriew ha u bnai basan bad bahynñiew ha kine ki hynñiewphew snem, kam shym dei ha ka jingñiewburom ïa nga.

MATHAÏOS 23:5

Ki leh ïa kiei kiei baroh khnang ba ki briew kin ïohi ïa ki. Peit ïa ki jingteh 'sai snieh kiba don ki jingthoh bakhuid ïa kiba ki teh ha ki shyllangmat bad ki ksang'ti jong ki, bad khmih haduh katno ki long kiba heh! Khmih ruh katno kiba jrong ki ksai jyrthiaw ha ki jaiñkup jong ki!

DEUTERONOMI 16:16

“Lai sien shisnem, ki shynrang jong phi baroh ki dei ban wanpaw ha khmat U Trai U Blei jong phi ha kata ka jaka mane Blei: ha ka Niam Ka Jinglait, ha ka Jingkhawai Niam Ka Jingot, bad ha ka Jingkhawai Niam Ki Ïingtrep. Kim dei ban wan thylli ha khmat U Trai;