ISAÏAH 1:11 - Khasi CL Bible (BSI)

¹¹ U ong, “Hato pha pyrkhat ba nga kwah ïa ki jingkñia baroh kiba pha ïai ai ïa nga? Nga la ngiah shoiñ ïa ki langbrot kiba pha thang kum ki jingkñia bad ïa ki khleiñ jong ki jingri kiba bha tam jong pha. Nga la jlep ïa ka snam jong ki masi lyngraw bad ki langbrot bad ki blang.

KA BAIBL

¹¹ “Ïa ka ban lei kine kiba bun ki jingkñia jong phi ïa nga?” ong U Trai: “nga la ngiah da ka jingainguh thang ki langbrot shynrang, bad ka khleiñ ki jingri basngaid; bad ngam sngewbha ha ka snam ki masi dab, lane ki khun langbrot, lane ki 'lang sohmoh.

ISAÏAH 1:11 ပူးပေါင်းရင်းမြစ်များ

SALM 40:6

Ïa ki jingkñia bad ki jingainguh mem kwah; ïa ki mrad thang tylli halor ka duwan mem shym la pan lane ïa ki jingkñia ki ban shim noh ïa ki pop.

SALM 50:8

Ngam sneng ïa phi namar ki jingkñia jong phi bad ki jingainguh thang kiba phi wanrah borabor sha nga.

SALM 51:16

Mem kwah ïa ki jingkñia, ne ngan jin da la ai ïa ki; mem sngewbha ïa ki jingainguh thang.

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

PROBERB 21:27

U Trai u ijli ïa kata, haba ki briew ba-bymman ki ai ki jingkñia ha u, khamtam lada ki leh ïa kata na ki jingthmu bymman.

PROBERB 21:3

Leh ïa kaei kaba dei bad kaba beit; kaba kham pynsngewbha ïa U Trai ban ïa kaba wallam sha u ïa ki jingkñia.

ISAÏAH 58:2

Ki mane ïa nga man la ka sngi, ki da kam ba ki thrang ban tip ïa ki lynti jong nga bad kohnguh ïa ki aiñ jong nga. Ki ong ba ki kwah ïa nga ban ai ïa ki aiñ kiba beit bad ba ki shem sngewbha ha kaba mane ïa nga.”

ISAÏAH 66:3

“Ki briew ki leh katba ki sngewbha. Baroh ka long kajuh ïa ki, la ki pynïap ïa u masi kyrtong kum ka jingkñia lane jingkñia da u briew; la ki kñia da u khunlangbrot lane ki pyndkut ïa ka ryndang u ksew; la ki wanrah ka jingainguh kew ne ki ainguh da ka snam sniang; la ki thang jingiwbih ne ki duwai ha ka bleithaw. Ki shem sngewbha ha ki rukom ba-ijli ha ka jingmane.

JEREMAÏAH 6:20

Nga salia aïu ïa ka jingiwbih kaba ki wallam ïa nga na Sheba, lane ki musla na ka ri bajngai? Ngan ym pdiang ïa ki jingainguh jong ki lane ban sngewbha ha ki jingkñia jong ki.

JEREMAÏAH 7:21

“Ko ki briew jong nga, katto katne ki jingkñia phi thang tylli halor ka duwan, bad katto katne la shah ïa phi ban bam. Hynrei kaei kaba ma nga, U Trai, nga ong ka long ba phi lah ruh ban bam ïa ki baroh.

HOSIA 6:6

Nga kwah ïa ka jingieit baneh jong phi, ym ka jingkñia da ki mrad. Nga kham kwah ba ki briew jong nga kin ithuh ïa nga ban ïa ki jingainguh thang sha nga.

HOSIA 8:13

Ki ai ïa ki jingkñia sha nga bad ki bam ïa ka doh kñia. Hynrei ma nga U Trai, ngam sngewbha ïa ki, bad mynta ngan kynmaw ïa ki pop jong ki bad pynshitom ïa ki na ka bynta kata; ngan phah biang ïa ki sha Ijipt.

AMOS 4:5

Ïaid shaphrang bad rah ïa u kpu jong phi kum ka jingainguh sha U Blei, bad to sngewsarong shaphang ki jingainguh ba tam ba phi wallam! Kane ka long ka rukom ïa kaei kaei kaba phi ieit ban leh.

AMOS 5:21

U Trai u ong, “Nga isih ïa ki Jingkhawai Niam jong phi; ngam lah shah ïa ki!

AMOS 5:22

Haba phi wallam sha nga ïa ki jingainguh thang bad ki jingainguh bam jong phi, ngan ym pdiang ïa ki; ngan ym pdiang ïa ki jingri ba phi la pynsngaid ban wallam sha nga kum ki jingainguh.

MIKAH 6:7

Hato U Trai un sngewbha lada nga wallam sha u da ki hajar ki langbrot lane da ka umphniang Olib kaba tuid khlem kut? Hato ngan ai ha u da u khun nyngkong jong nga ban siew na ka bynta ki pop jong nga?

HAGGAI 2:14

Nangta u Haggai u la ong, “U Trai u ong ba kata kajuh kaei kaei ka treikam ha ki briew jong kane ka hima bad ha baroh kiei kiei ba ki pynmih; bad baroh ba ki ai ha ka duwan ka long ba la pyntngit.”

SEKHARAÏAH 7:5

U la ong, “Ïathuh ïa ki briew jong ka ri bad ïa ki lyngdoh ba haba ki shahjingit bad ïambriew ha u bnai basan bad bahynñiew ha kine ki hynñiewphew snem, kam shym dei ha ka jingñiewburom ïa nga.

MALAKHI 1:10

U Trai Badonbor Baroh u ong, “Nga kwah ba uwei na phi un khang ïa ki jingkhang bah ka Templ khnang ba yn ym shah ïa phi ban pynmeh ïa ki ding bymmyntoi ha ka duwan jong nga. Ngam sngewbha ïa phi; ngan ym pdiang ïa ki jingainguh kiba phi wanrah sha nga.

MATHAÏOS 22:4

Kumta u la phah ïa kiwei pat ki shakri lem bad kane ka khubor ïa ki nongshahkhot sngewbha: ‘La dep khreh ïa ka jingkhawai jong nga mynta, la dep shohdoh ïa ki masi dab bad ïa ki khun masi bakynsai jong nga, bad la khreh ïa kiei kiei baroh. To ale sha ka jingkhawai shongkurim!’

MATHAÏOS 9:13

Khie leit bad to wad kaei ka jingmut ha ka Jingthoh Bakhuid kaba ong: ‘Dei ïa ka jingsbun ba nga kwah, ym ki jingkñia ïa ki mrad.’ Ngam shym la wan ban khot ïa ki briew badonburom, hynrei ïa kiba la shah kyntait.”

1 SAMUEL 15:22

Te u Samuel u ong, “Kaei kaba U Trai u kham sngewbha: ka jingkohnguh ne ki jingainguh bad ki jingkñia? Ka kham bha ban kohnguh ïa u ban ïa kaba kñia ha u ïa ka langbrot kaba kynsai tam.