ÏOANNIS 9:7 - Khasi CL Bible (BSI)

⁷ “To khie leit bad bta ïa ka khmat jong me ha ka Pung Siloam.” (Kane ka kyrteng ka mut “Ba la phah.”) Kumta uta u briew u la leit, u la bta ïa la ka khmat, bad u la wan phai uba imat pat.

KA BAIBL

⁷ bad U la ong ha u, “To khie leit bta ha ka pung sum Siloam” (kaba long haba la batai, “Ba la phah”). Namar kata, u la leit noh bad u la bta, bad u la wan pat u da peit.

ÏOANNIS 9:7 ပူးပေါင်းရင်းမြစ်များ

NEHEMAÏAH 3:15

U Shallum, u khun jong u Kolhoseh, u nongsynshar ïa ka Mispah distrik, u tei pat ïa ka Khyrdop Umpohliew. U siang ïa ka lynti kaba poi sha ka khyrdop, u pynïeng ïa ka khyrdop, bad pyndait ïa ki nar-khang bad ïa ki jingkhang ka khyrdop. Ha ka Pungsum Shelah, u tei ïa ka khyrdop markhap ïa ka kper syiem, haduh ki mawjam kiba hiar sha ka Nongbah u Dabid.

SALM 146:8

bad u pynpeit pat ïa kiba matlah. U khyllie ïa kito kiba la kyllon noh; u ieit ïa ki briew kiba hok jong u.

EKSODOS 4:11

U Trai u la ong ha u, “Uei uba ai ha u briew ïa ka shyntur? Uei uba pynlong ïa u uba kyllut ne u bymnang kren? Uei uba ai ha u ïa ka jingïohi ne pynlong ïa u, uba matlah? Dei ma nga, U Trai.

ISAÏAH 32:3

Ki khmat bad ki shkor jong ki kin ïohi bad kin ïohsngew ïa ki jingdonkam jong ki briew.

ISAÏAH 35:5

Kiba matlah kin lah ban ïohi, bad kiba kyllut kin ïohsngew.

ISAÏAH 42:7

Phin pynpeit ïa ki khmat jong kiba matlah bad pyllaitluid ïa kito kiba shong ha ki ïingbyndi ba-dum.

ISAÏAH 43:8

U Blei u ong, “Khot hajir ïa ki briew jong nga sha ïingbishar. Ki don ki khmat hynrei ki long kiba matlah; ki don ki shkor hynrei ki long kiba kyllut!

ISAÏAH 8:6

U ong, “Namar kine ki briew ki la kyntait ïa ki um bajai jai jong ka wahduid Shiloah bad khynñiuh ha khmat jong u syiem Resin bad u syiem Pekah,

MATHAÏOS 11:5

kiba matlah ki lah ban ïohi, kiba dkoh ki lah ban ïaid, ïa kito kiba pang 'ñiangthohlieh la pynkhuid, kiba kyllut ki ïohsngew, ïa kiba ïap la pynim pat, bad ïa ka Khubor Babha la ïalap ha kiba duk.

LOUKAS 13:4

Kumno shaphang kito ki khatphra ngut ki briew ha Siloam kiba la shah pynïap mynba ka jaka ap phira ka hap halor jong ki? Hato phi tharai ba kane ka pynshisha ba ki long kiba kham sniew ban ïa baroh kiwei pat ki briew kiba shong basah ha Jerusalem?

LOUKAS 2:32

Ka jingshai ban pynpaw ïa ka mon jong me ha ki Jentil bad ban wallam ka burom ha ki briew jong me, ki Israel.”

ÏOANNIS 10:36

Na ka bynta jong nga, U Kpa u la jied ïa nga bad u la phah ïa nga sha ka pyrthei. Kumno, te, phi lah ban ong ba nga krenbeiñ blei namar ba nga la ong ba nga long U Khun U Blei?

ÏOANNIS 11:37

Hynrei don na ki kiba la ong, “U la pynpeit ïa ki khmat uba matlah, ym dei? Hato un ym lah ban ïa u Lasaros bat ym ïap?”

ÏOANNIS 9:11

U la jubab, “U briew ïa uba la khot U Jisu u la pynlong ïa i sboh ktieh, u la kyllan ha ki khmat jong nga, bad u la ong ha nga ban leit sha Siloam bad bta ïa ka khmat jong nga. Kumta nga la leit, bad tang mar ïa-bta khmat, nga la lah ban imat.”

ÏOANNIS 9:39

U Jisu u la ong, “Nga la wan sha kane ka pyrthei ban bishar, khnang ba kiba matlah kin ïohi bad kito kiba ïohi kin long matlah.”

KI KAM 26:18

Me dei ban pynpeit ïa ki khmat jong ki bad pynphai ïa ki na ka jingdum sha ka jingshai, bad na ka bor jong u Soitan sha U Blei, khnang ba da ka jingngeit jong ki ha nga kin ïoh ka jingmap noh ïa ki pop jong ki bad ïohpdiang ïa la ka jaka hapdeng ki briew kiba la jied jong U Blei.’

Ka Shithi U Paul Sha Ki Nong Rom 8:3

Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

GALATIA 4:4

Hynrei haba ka ïa kaba biang ka la poi, U Blei u la phah ïa la U Khun.