ÏOANNIS 9:4 - Khasi CL Bible (BSI)

⁴ Katba ka dang don ka sngi, ngi dei ban trei ïa ka kam jong uta uba la phah ïa nga; ka miet ka wan haba ym don uba lah ban trei.

KA BAIBL

⁴ Ka dei ïa nga ban trei ïa kita ki jingtrei jong uta uba la phah ïa nga, katba ka dang don ka sngi: ka miet ka jia, ynda kumta ym don uba lah ban trei.

ÏOANNIS 9:4 ပူးပေါင်းရင်းမြစ်များ

EKLESIASTIS 9:10

Trei shitom ha kaei kaei kaba phi leh, namar yn ym don kano kano ka jingtrei, ka jingpyrkhat, ka jingtip, ka jingstad ha ka pyrthei kiba ïap — bad kata ka dei sha kaba phi leit.

MATHAÏOS 20:7

‘Ym don mano mano ba khot bylla ïa ngi,’ ki la jubab. ‘Lada kumta, te, phi ruh khie leit bad trei ha ka bri sohwaiñ,’ u la ong ha ki.

MARKOS 3:3

U Jisu u la ong ha uta u briew, “Wan shane sha khmat.”

ÏOANNIS 10:32

U Jisu u la ong ha ki, “Nga la leh shibun ki kam babha ha khmat jong phi ïa kiba U Kpa u la ai ïa nga ban leh; kano na kine ba phi kwah ban lynthem maw ïa nga?”

ÏOANNIS 10:37

Wat ngeit ïa nga, namarkata, lada ngam leh ïa kiei kiei kiba U Kpa jong nga u kwah ïa nga ban leh.

ÏOANNIS 12:35

U Jisu u la jubab, “Ka jingshai kan don hapdeng jong phi sa katto katne por. To nang ïaid katba ka jingshai ka dang don, ba ka jingdum kan ym wan lap ïa phi; naba uta uba ïaid ha ka jingdum um tip shano ba u leit.

ÏOANNIS 17:4

Nga la pynpaw ïa ka burom jong me ha ka pyrthei; nga la pyndep ïa ka kam kaba me la ai ha nga ban leh.

ÏOANNIS 4:34

“Ka jingbam jong nga,” U Jisu u la ong ha ki, “ka long ban kohnguh ïa ka mon jong uta uba la phah ïa nga bad ban pyndep ïa ka kam kaba u la ai ha nga ban leh.

ÏOANNIS 5:19

Kumta U Jisu u la jubab ïa ki, “Nga ong ha phi ïa ka jingshisha: U Khun um lah ban leh ei ei na lade; u leh tang ïa kaei kaba u ïohi ba U Kpa jong u, u leh. Ïa kaei kaba U Kpa u leh, U Khun ruh u leh.

ÏOANNIS 5:36

Hynrei nga don ka jingphla na ka bynta jong nga kaba kham khraw ban ïa ka jingphla kaba u Ïoannis u la ai: Kaei kaba nga leh, kata ka long, ki kam kiba U Kpa jong nga u la ai ïa nga ban leh, kine ki kren na ka bynta jong nga bad ki pyn-i ba U Kpa u la phah ïa nga.

ÏOANNIS 7:33

U Jisu u la ong, “Ngan don bad phi tang shipor, bad nangta ngan sa leit noh sha uta uba la phah ïa nga.

KI KAM 4:20

Naba ngim lah ban sangeh ban kren ïa kaei kaba ma ngi hi ngi la ïohi bad ïohsngew.”

GALATIA 6:10

Kumta, katba ngi dang ïohlad bunsien, ngi dei ban lehbha iwei ïa iwei, bad khamtam ïa kito kiba na ka longïing ka jingngeit.

EPHESOS 5:16

To pyndonkam bha ïa ki kabu baroh ba phi ïoh, namar kine ki long ki sngi kiba sniew.

KOLOSSAI 4:5

To long kiba stad ha ka rukom kaba phi leh ïa kiwei ki bym pat ngeit, da kaba pyndonkam ha ka rukom kaba dei ïa kawei pa kawei ka kabu kaba phi ïoh.