ÏOANNIS 9:34 - Khasi CL Bible (BSI)

³⁴ Ki la jubab, “La kha bad la pynsan ïa me hapoh ka pop — bad me pyrshang ban hikai ïa ngi?” Bad kumta ki la beh noh ïa u na ka synagog.

KA BAIBL

³⁴ Ki la ïathuh bad ki la ïa-ong ha u, “La kha ïa me ha ki pop suda, te me hikai ma me ïa ngi!” Bad ki la ïashop noh ïa u shabar.

ÏOANNIS 9:34 ပူးပေါင်းရင်းမြစ်များ

JENESIS 19:9

Hynrei ki ong, “Kynriah sharud, me u nongwei shi sngi! Me dei uei ba men batai ïa ngi kaei ba ngi dei ban leh? Kynriah sharud, ïoh ba ngin pynshitom ïa me kham palat ban ïa ki.” Ki khynñiat shadien ïa u Lot bad ki tur sha khmat ban pynpait ïa ka jingkhang.

2 KHRONIKL 25:16

“Naduh mynno,” u Amasaïah u kynrup ktien, “ba ngi la pynlong ïa me u nongai jingmut ïa u syiem? Sangeh ban kren, ïoh ngan pynïap ïa me!” U nongïathuhlypa u la sngap, hynrei ym shuwa ba un ong, “Mynta nga tip ba U Blei u la thmu ban pynjot ïa me namar ba me la leh ïa kane baroh bad ba mem shym sngap ïa ka jingai jingmut jong nga.”

Ka Kitab U Job 14:4

Ym don kaba khuid kaba lah ban wan na kano kano ka bymkhuid kat ki khunbynriew.

Ka Kitab U Job 25:4

Hato don mano mano uba lah ban long uba hok bad uba khuid ha khmat U Blei?

SALM 51:5

Nga la long u bymhok naduh ka sngi ba la kha ïa nga; naduh ka por ba la pun ïa nga, nga la long uba pop.

EKSODOS 2:14

Uta u briew u jubab, “Mano ba thung ïa phi kum u syiem bad nongbishar jong ngi? Hato phi mut ban pynïap ïa nga kumba phi la pynïap ïa uto u nong Ijipt?” Kumta u Moses u la sheptieng, bad u pyrkhat, “Pleng, ki briew ki la tip ïa kaei ba nga la leh.”

PROBERB 22:10

Phet noh na u briew uba shukor, bad nangta yn ym don shuh ki jingïakajia, ka jingïamai lane ka jingsin kyrteng.

PROBERB 26:12

U briew uba bieit mutlop tam u kham bha ban ïa uno uno uba pyrkhat ba u long uba stad haba um long kumta.

PROBERB 29:1

Lada phi ïai mutlop man la ka por ba phi shah pynbeit, ha kawei ka sngi phin sa shah pynlwet bad phin ym lah khie shuh.

ISAÏAH 65:5

Bad nangta ki ong ïa kiwei pat, ‘To ïeng jngai na ngi, naba ngi long kiba khuid shaba palat ym bit ban ktah ïa ngi!’ Ngam lah ban shah ïa ki briew kiba kum kita — ka jingbitar jong nga pyrshah ïa ki ka long kum ka ding ka bym ju lip shuh.

ISAÏAH 66:5

To sngap ïa kaei kaba U Trai u kren, phi kiba sheptieng bad kohnguh ïa u: “Namar phi long kiba ïaineh ha nga, katto katne na ki briew jong phi hi ki shun ïa phi bad kin ym don ïadon bynta ei ei bad phi. Ki rkhiebeiñ ïa phi bad ong, ‘Ai ba U Trai un pyn-i ïa ka jingkhraw jong u bad pynim ïa phi, kumta ba ngin ïohi ïa phi ba phi shadkmen.’ Hynrei dei ma ki hi, ki ban jahburom!

LOUKAS 11:45

Uwei na ki nonghikai ka Hukum u la ong ha u, “Ko Nonghikai, haba me ong ïa kane, me ñiewbeiñ ïa ngi ruh!”

LOUKAS 14:11

Naba ïa uno uno uba pynkhraw ïa lade, yn pynrit; bad ïa uno uno uba pynrit ïa lade, yn pynkhraw.”

LOUKAS 18:17

Kynmaw ïa kane! Uno uno u bym pdiang ïa ka Hima U Blei kum u khynnah un ym rung shapoh jong ka da lei lei ruh.”

LOUKAS 6:22

“Suk ma phi haba ki briew ki isih ïa phi; kiba kyntait ïa phi, ki krenbeiñ ïa phi, bad ki ong ba phi long uba sniew, baroh namar U Khun U Briew!

ÏOANNIS 6:37

Uno uno ïa uba U Kpa jong nga u ai ha nga un wan sha nga. Ngan ym kyntait ïa uno uno uba wan sha nga, namar nga la wan hiar na bneng ban leh ym ïa ka mon ka jong nga hynrei ïa ka mon jong uta uba la phah ïa nga.

ÏOANNIS 8:41

Phi leh ïa kaei kaba u kpa jong phi u la leh.” “Tang U Blei hi u dei U Kpa uba ngi don,” ki la jubab, “bad ngi long ki khun bashisha jong u.”

ÏOANNIS 9:2

Ki synran jong u ki la kylli ïa u, “Ko Nonghikai, ka pop jongno kaba la pynlong ïa u ban kha matlah? Hato ka dei ka pop jong u hi ne ka jong ki kmie ki kpa jong u?”

ÏOANNIS 9:22

Ki kmie ki kpa jong u ki la ong ïa kane namar ba ki la sheptieng ïa ki nongsynshar jong ki Jiw, kiba la lah mynjur lypa ba uno uno uba ong ba u ngeit ba U Jisu u long U Messaïah un shah beh noh na ka synagog.

ÏOANNIS 9:35

Haba U Jisu u la ïohsngew ïa kaei kaba la jia, u la shem ïa uta u briew bad u la kylli ïa u, “Hato me ngeit ha U Khun U Briew?”

ÏOANNIS 9:40

Katto katne ngut na ki Pharisi kiba ïadon hangta lem bad u ki la ïohsngew ïa u ba u ong ïa kane bad ki la kylli ïa u, “Da shisha mem mut ba ngi ruh ngi matlah?”

GALATIA 2:15

Ha ka jingshisha, la kha ïa ngi kum ki Jiw bad ym kum “ki Jentil bapop” kumba la khot ïa ki.

EPHESOS 2:3

Ha ka jingshisha, baroh na ngi, ngi la long kum ma ki bad ngi la im kat kum ki jingkwah ka doh jong ngi, da kaba leh ïa kano kano kaba ïahap kat kum ki jingkwah jong ki met bad ki jingmut jingpyrkhat jong ngi hi. Ha ka jinglong tynrai jong ngi, kumba long uwei pa uwei, la buh lypa ban shah pynshitom ha ka jingbitar U Blei.

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”

3 ÏOANNIS 1:10

Haba ngan wan, ngan sa pynkynmaw ïa kiei kiei baroh kiba u la leh: Ki ktien sniew kiba u kren shaphang jong ngi bad ki ktien lamler kiba u ïathuh! Hynrei kata kam pat biang ha u; un ym pdiang sngewbha ïa ki parabangeit haba ki wan, bad u adong ïa kita kiba kwah ban pdiang ïa ki bad u pyrshang ban beh ïa ki shabar na ka balang!

3 ÏOANNIS 1:9

Nga la thoh ïa ka shithi kaba lyngkot sha ka balang; hynrei u Diotrephes, uba kwah ban leh kum u nongïalam jong ki, un ym shahshkor ïa kaei kaba nga ong.

JINGPYNPAW 13:17

Ym don mano mano ba lah ban thied ne die khlem don kane ka shab, kaba long, ka kyrteng jong u mradkhlaw lane u dak jingkheiñ uba ïeng na ka bynta ka kyrteng jong u.