ÏOANNIS 9:31 - Khasi CL Bible (BSI)

³¹ Ngi tip ba U Blei um ju shahshkor ïa ki nongpop; u shahshkor ïa ki briew kiba burom ïa u bad ba leh ïa kaei kaba u kwah ïa ki ban leh.

KA BAIBL

³¹ Hynrei, ngi ïatip biang ba U Blei um sngew ïa ki bapop; hynrei, lada uno uno ruh u long uba mane ïa U Blei, bad uba leh ïa ka mon jong u, ïa uta keiñ u sngew.

ÏOANNIS 9:31 ပူးပေါင်းရင်းမြစ်များ

JENESIS 19:29

Hynrei haba U Blei u la pynjot ïa ki nongbah jong kata ka them ha kaba u Lot u shong shnong, u la buh jingkynmaw ïa u Abraham, bad u la ailad ïa u Lot ban lait im.

JENESIS 20:7

Hynrei mynta, to pynphai noh ïa kato ka briew ha u tnga jong ka. U dei u nongïathuhlypa, bad un sa duwai na ka bynta jong me, ba kumta men ym ïap. Hynrei lada mem pynphai pat ïa ka, nga maham ïa me ba men ïap, ma me bad ki briew jong me baroh.”

Ka Kitab U Job 35:12

Ki pyrta ban ïoh jingïarap, hynrei U Blei um jubab, naba ki long kiba sarong bad ba-bymman.

Ka Kitab U Job 35:13

Ka long ka bymmyntoi ïa ki ban kyang jam; U Blei Badonbor Baroh um shym ïohi lane ïohsngew ïa ki.

Ka Kitab U Job 42:8

Mynta shim hynñiew tylli ki masi lyngraw bad hynñiew tylli ki langbrot shynrang bad leit sha u Job bad ai ïa ki kum ka jingkñia na ka bynta ïa lade. U Job un duwai na ka bynta jong me, bad ngan jubab ïa ka jingduwai jong u bad ngan ym pynjahburom ïa me kumba ka dei hok ïa me. Mem shym la kren ïa ka jingshisha shaphang jong nga kumba u la leh.”

SALM 106:23

Haba U Blei u la ong ban pynjot ïa ki briew jong u, u shakri ba la jied jong u, u Moses, u la ïeng pyrshah ïa U Blei bad khang ïa ka jingbitar jong u na kaba pynjot noh ïa ki.

SALM 143:10

Me long U Blei jong nga; to hikai ïa nga ban leh ïa ka mon jong me. Long uba bha ïa nga, bad to ïalam ïa nga ha ka lynti bym don jingma.

SALM 145:19

U pyndap ïa ki jingdonkam jong kito kiba pyndonburom ïa u; u sngew ïa ki jingkyang jong ki bad u pynim ïa ki.

SALM 18:41

Ki kyang ban ïoh jingïarap, hynrei ym don mano mano ba pyllait im ïa ki; ki khot kyrpad ïa U Trai, hynrei um jubab.

SALM 40:8

Katno nga ieit ban leh ïa ka mon jong me, A U Blei jong nga! nga ri kyndong ïa ka jinghikai jong me ha ka dohnud jong nga.”

SALM 99:6

U Moses bad u Aaron ki la long ki lyngdoh jong u, bad u Samuel u la long uwei uba la duwai ha u; kiba la khot kyrpad ïa U Trai, bad u la jubab ïa ki.

PROBERB 15:29

Haba ki briew kiba bha ki duwai, U Trai u shahshkor, hynrei u long jngai ïa kito kiba leh sniew.

PROBERB 21:13

Lada phi kyntait ban shahshkor ïa ka jingud kiba duk, ïa ka jingkyang jingïarap jong phi hi yn ym don ba ïohsngew.

PROBERB 28:9

Lada phim kohnguh ïa ka hukum, U Blei un shem ïa ki jingduwai jong phi kiba ijli eh ban sngap.

ISAÏAH 1:15

“Haba pha rah ïa la ki kti ha ka jingduwai, ngan ym khmih ïa pha. Kam pher haduh katno pha duwai, ngan ym shahshkor, namar ïa ki kti jong pha la tap da ka snam.

ISAÏAH 58:9

Haba phi duwai, ngan jubab ïa phi. Haba phin khot ïa nga ngan jubab. “Lada phi pynkut noh ïa ka jingbanbeiñ, na man la ka jingleh ibeiñ, bad na man la ka ktien sniew,

JEREMAÏAH 11:11

Kumta mynta, ma nga, U Trai, nga maham ïa ki ba ngan wanrah ka jingpynjot halor jong ki, bad kin ym lah ban lait. Bad haba ki kyang sha nga ban ïoh jingïarap, ngan ym shahshkor ïa ki.

JEREMAÏAH 14:12

Wat lada ki shahjingit, ngan ym shahshkor ïa ki jingkyang jong ki ban ïoh jingïarap; bad wat lada ki ai ïa nga ki jingainguh thang bad ki jingainguh bam, ngan ym sngewbha ïa ki. Pynban ngan pynïap ïa ki ha ka thma bad da ka jingïapthngan bad ka jingpang.”

JEREMAÏAH 15:1

Nangta U Trai u la ong ha nga, “Wat lada u Moses bad u Samuel kin ïeng hangne ban ïasaid bad nga, ngan ym pyn-i jingisynei ei ei ïa kine ki briew. Pynlong ïa ki ban leit noh; pynlong ïa ki ban phet noh na khmat jong nga.

ESEKIEL 8:18

Kin sa sngew ïa ka jingbitar lep jong nga baroh; ngan ym tyngkai ïa ki ne pyn-i ka jinglehisynei ei ei ïa ki. Kin kyang ha nga da ki jingduwai jam katba ki lah, hynrei ngan ym shahshkor ïa ki.”

MIKAH 3:4

Ka por kan poi haba phin kyang sha U Trai, hynrei un ym jubab ïa phi. Un ym sngap ïa ki jingduwai jong phi, naba phi la leh ïa kaba sniew.

SEKHARAÏAH 7:13

Namar ba kim shym la shahshkor mynba nga la kren, ngam shym la jubab mynba ki la duwai.

ÏOANNIS 11:22

Hynrei nga tip ba wat mynta ruh U Blei un ai ha me ïa kaei kaei kaba me pan na u.”

ÏOANNIS 15:16

Phim shym la jied ïa nga; nga la jied ïa phi bad nga la thung ïa phi ban leit bad ban seisoh shibun, u jait soh uba ïaineh. Bad kumta U Kpa un ai ha phi ïa kaei kaei kaba phi pan na u ha ka kyrteng jong nga.

ÏOANNIS 4:34

“Ka jingbam jong nga,” U Jisu u la ong ha ki, “ka long ban kohnguh ïa ka mon jong uta uba la phah ïa nga bad ban pyndep ïa ka kam kaba u la ai ha nga ban leh.

ÏOANNIS 7:17

Uno uno uba mon ban leh ïa kaei kaba U Blei u kwah, un tip la kaei kaba nga hikai ka wan na U Blei ne la nga kren ha ka bor jong nga hi.

ÏOANNIS 9:30

Uta u briew u la jubab, “Kata te kaba da phylla! Phim tip nangno u wan, hynrei u la pynkoit ïa nga na ka jingmatlah jong nga!

ÏOANNIS 9:32

Naduh myn dang long ka pyrthei ym pat don mano mano ba la ïohsngew ba uno uno u ai jingïoh imat pat ïa u briew uba la kha matlah.

DEUTERONOMI 1:45

Kumta phi la lynñiar ha U Trai ba un ïarap ïa phi, hynrei um shym sngap ne shahshkor ïa phi.

HEBRU 10:7

Te nga la ong, ‘Nga hangne, ban leh ïa ka mon jong me, A Blei, kumba la thoh shaphang jong nga ha ka kitab ka Hukum.’ ”