ÏOANNIS 9:24 - Khasi CL Bible (BSI)

²⁴ Ha ka sien kaba ar ki la khot biang ïa uta u briew ïa uba la kha matlah, bad ki la ong ha u, “To kular ha khmat U Blei ba men ïathuh ïa ka jingshisha! Ngi tip ba une u briew uba la pynkoit ïa me u dei u nongpop.”

KA BAIBL

²⁴ Kumta, ki la ïakhot sa shi sien ïa uta u briew uba la ju long matlah, bad ki la ïa-ong ha u, “To ai burom ha U Blei; ngi, ngi tip ba uta u briew u long u bapop.”

ÏOANNIS 9:24 ပူးပေါင်းရင်းမြစ်များ

ESRA 10:11

Mynta, to phla ïa ki pop jong phi ha U Trai, U Blei jong ki kpa tymmen jong phi, bad to leh ïa kaei kaba pynsngewbha ïa u. Pynkyrpang ïa lade na ki nongwei kiba shong ha ka ri jong ngi bad pyllait noh ïa ki tnga nongwei jong phi.”

ISAÏAH 66:5

To sngap ïa kaei kaba U Trai u kren, phi kiba sheptieng bad kohnguh ïa u: “Namar phi long kiba ïaineh ha nga, katto katne na ki briew jong phi hi ki shun ïa phi bad kin ym don ïadon bynta ei ei bad phi. Ki rkhiebeiñ ïa phi bad ong, ‘Ai ba U Trai un pyn-i ïa ka jingkhraw jong u bad pynim ïa phi, kumta ba ngin ïohi ïa phi ba phi shadkmen.’ Hynrei dei ma ki hi, ki ban jahburom!

MARKOS 15:27

Ki la sahnarphna ruh ïa ki ar ngut ki dakaid lem bad U Jisu, ïa uwei sha kamon bad ïa uwei pat sha kadiang jong u.

LOUKAS 15:2

ki Pharisi bad ki nonghikai ka Hukum ki la sdang ban khñium, “Une u briew u pdiang sngewbha ïa kiba shah kyntait bad u da ïabam lem bad ki!”

LOUKAS 19:7

Baroh ki briew kiba la ïohi ïa kata ki la sdang ban khñium, “Une u briew u la leit kum uba shah khot sngewbha sha ka ïing jong u nongpop!”

LOUKAS 7:39

Haba u Pharisi u la ïohi ïa kane, u la ong ha lade, “Lada une u briew u dei shisha u nongïathuhlypa, un da la tip kaba kumno kane ka briew ka long kaba ktah ïa u; un da la tip ka jait jingim bapop kaba kumno ka la im!”

ÏOANNIS 14:30

Ngam lah ban kren bad phi kham slem, namar u nongsynshar jong kane ka pyrthei un wan. Um donbor halor jong nga, hynrei, ka pyrthei ka dei ban tip ba nga ieit ïa U Kpa; na kata ka daw balei ba nga leh ïa kiei kiei baroh kumba u hukum ïa nga. “Ale, ïa ngin ïaleit noh na kane ka jaka.

ÏOANNIS 16:2

Phin shah beh noh na ki synagog, bad ka por kan poi haba uno uno uba pynïap ïa phi un pyrkhat ba da kaba leh kumta u shakri ïa U Blei.

ÏOANNIS 18:30

Ka jubab jong ki ka la long, “Ngin ym da la wallam ïa u sha phi lada um shym la leh ïa ka kam runar.”

ÏOANNIS 19:6

Haba ki rangbah lyngdoh bad ki nongap phira jong ka Templ ki la ïohi ïa u, ki la pyrta jam, “Sahnarphna ïa u! Sahnarphna ïa u!” U Pilat u la ong ha ki, “Shim noh ma phi ïa u, te, bad sahnarphna ïa u. Ngam lap daw ei ei ïa ka ban pynrem ïa u.”

ÏOANNIS 5:23

Uno uno u bym burom ïa U Khun um burom ïa U Kpa uba la phah ïa u.

ÏOANNIS 8:46

Uno na phi uba lah ban pynshisha ba nga long uba shah pynrem ha ka pop? Lada nga ïathuh ïa ka jingshisha, te balei ba phim ngeit ïa nga?

ÏOANNIS 8:49

“Nga ngam don u ksuid,” U Jisu u la jubab, “Nga burom ïa la U Kpa, hynrei phi pynjahburom ïa nga.

ÏOANNIS 9:16

Don ki Pharisi kiba la ong, “Uta u briew uba la leh ïa kane um lah ban long na U Blei, naba um shym kohnguh ïa ka hukum Sabbaton.” Hynrei, kiwei pat, ki la ong, “Kumno u briew uba long u nongpop u lah ban leh kum kita ki kambah kat kine?” Bad ka la don ka jingïapait hapdeng jong ki.

ÏOANNIS 9:25

“Ngam tip la u dei u nongpop ne um dei,” uta u briew u la phai ktien. “Tang ïa kane kawei nga tip: Nga la long uba matlah, bad mynta nga la imat.”

Ka Shithi U Paul Sha Ki Nong Rom 8:3

Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

JOSHUA 7:19

U Joshua u ong ha u, “Ko khun shynrang jong nga, ïathuh ïa ka jingshisha hangne ha khmat U Trai, U Blei ki Israel, bad phla. Ïathuh ha nga mynta ïa kaei kaba me la leh. Wat pyrshang ban buhrieh ïa ka na nga.”

JINGPYNPAW 11:13

Ha kata ka khyllipmat hi la jia ka jingkhih jumai kaba jur; shi bynta na ka shiphew bynta jong ka nongbah la pynjot, bad hynñiew hajar ngut ki briew ki la ïap. Kita kiwei pat ki briew ki la sngewtriem bad ki la ïaroh ïa ka jingkhraw U Blei jong ka bneng.