ÏOANNIS 9:17 - Khasi CL Bible (BSI)

¹⁷ Kumta ki Pharisi ki la kylli ïa uta u briew sa shisien, “Me ong u la pynkoit ïa me na ka jingmatlah jong me — haba kumta, me ong aïu shaphang jong u?” “U dei u nongïathuhlypa,” uta u briew u la jubab.

KA BAIBL

¹⁷ Ki la ïakylli pat ïa uta u bamatlah, “Ma me, kumno me ong shaphang jong U, namar ba U la pynpeit ïa ki khmat jong me?” Te u la ïathuh, “U long u nongïathuhlypa.”

ÏOANNIS 9:17 ပူးပေါင်းရင်းမြစ်များ

MATHAÏOS 21:11

“Une u long uta U Jisu u nongïathuhlypa, uba na Nasareth ha Galilaïa,” ki paidbah ki la jubab.

LOUKAS 24:19

“Kiei kita?” u la kylli. “Kiei kiei kiba la jia ha U Jisu uba na Nasareth,” ki la jubab. “Une u briew u la long u nongïathuhlypa bad la ñiew da U Blei bad da ki briew baroh ba u long uba donbor ha kiei kiei baroh kiba u kren bad leh.

ÏOANNIS 4:19

“Nga ïohi ba me long u nongïathuhlypa, ko kynrad,” kata ka kynthei ka la ong.

ÏOANNIS 6:14

Haba ki paidbah ki la ïohi ïa kane ka kambah kaba U Jisu u la leh, ki la ong, “Da shisha une u long u nongïathuhlypa, uba la dei ban wan sha ka pyrthei!”

ÏOANNIS 9:15

Ki Pharisi, te, ki la kylli biang ïa uta u briew kumno u la ïoh imat pat. U la ïathuh ïa ki, “U la tah khyndiat ka ktieh ha ki khmat jong nga; nga la bta khmat, bad mynta nga la imat.”

KI KAM 10:38

Phi tip shaphang U Jisu uba na Nasareth bad kumno U Blei u la theh halor jong u ïa U Mynsiem Bakhuid bad ïa ka bor. U la leit kylleng, u da leh ki kam babha bad u da pynkhiah ïa baroh kiba la long hapoh ka bor jong u Ksuid, naba U Blei u la don lem bad u.

KI KAM 2:22

“A to shahshkor ïa kine ki kyntien, ko para nong Israel! U Jisu uba na Nasareth u la long u briew uba ïa ka bor ba kynja blei jong u la pynshisha da kaba shai ha phi da ki kambah bad kamphylla baroh kiba U Blei u la leh lyngba jong u. Phi hi phi tip ïa kane, naba ka la jia hangne hapdeng jong phi.

DEUTERONOMI 18:15

Un phah ha phi napdeng jong phi hi ïa u nongïathuhlypa uba kum ma nga, bad phi dei ban kohnguh ïa u.