ÏOANNIS 8:53 - Khasi CL Bible (BSI)

⁵³ U Abraham uba u kpa jong ngi u la ïap; hato mem dawa ba me kham khraw ban ïa u Abraham? Bad ki nongïathuhlypa ruh ki la ïap. Me tharai ba me dei uei?”

KA BAIBL

⁵³ Me, me long uba kham khraw ïa u kpa jong ngi u Abraham, uba la ïap noh? Kita ki nongïathuhlypa ruh ki la ïap noh; me, me pynlong uei ïa lade?”

ÏOANNIS 8:53 ပူးပေါင်းရင်းမြစ်များ

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

MATHAÏOS 12:6

Nga ong ha phi ba ka don kaei kaei hangne kaba kham khraw ban ïa ka Templ.

MATHAÏOS 3:9

Bad wat leit pyrkhat ba phi lah ban lait na ka jingpynshitom da kaba ong ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ki khun ki ksiew na ka bynta u Abraham!

ÏOANNIS 10:33

Ki la jubab, “Ngim kwah ban lynthem maw ïa me namar kano kano na ki kam babha, hynrei namar ka jingkrenbeiñ Blei jong me! Me long tang u briew, hynrei me pyrshang ban pynlong Blei ïa lade!”

ÏOANNIS 12:34

U paidbah u la jubab, “Ka hukum jong ngi ka ïathuh ba U Messaïah un im junom. Kumno, te, me lah ban ong ba ka dei ïa U Khun U Briew ban kyntiew? Uei une U Khun U Briew?”

ÏOANNIS 19:7

U paidbah u la phai ktien, “Ngi don ka hukum kaba ong ba u dei ban ïap, namar u la kam ba u long U Khun U Blei.”

ÏOANNIS 4:12

Dei u Jakob, u kpa tymmen jong ngi uba la ai ïa ngi ïa kane ka pukri; ma u bad ki khun shynrang jong u bad ki jingri jong u baroh ki la dih na ka. Hato me kam ba me long kham khraw ban ïa u Jakob?”

ÏOANNIS 5:18

Kane ka jingong ka la pynlong ïa ki nongsynshar jong ki Jiw ba kin nang wad dong shuh shuh ban pynïap ïa u; ym tang ba u la pynkheiñ ïa ka hukum Sabbaton, hynrei ba u la ong ba U Blei hi u dei U Kpa jong u bad da kumne u la pynlong ïa lade uba ïaryngkat bad U Blei.

ÏOANNIS 8:58

“Nga ong ha phi ïa ka jingshisha,” U Jisu u la phai ktien. “Ha shuwa ban kha ïa u Abraham, ‘Nga la long.’ ”

Ka Shithi U Paul Sha Ki Nong Rom 9:5

ki hiarpateng na ki kpa tymmen Hebru bapawnam; bad U Khrist, kum u briew, u long na ka jaitbynriew jong ki. To ai ba yn ïaroh junom ïa U Blei uba synshar halor baroh! Amen.