ÏOANNIS 8:48 - Khasi CL Bible (BSI)

⁴⁸ Ki la kylli ïa U Jisu, “Hato ngim shym la ong ïa kaba dei, ba me dei u nong Samaria bad ba me don u ksuid hapoh jong me?”

KA BAIBL

⁴⁸ Ynda kumta, kita ki Jiw ki la ïathuh bad ki la ïa-ong ha u, “Ngi ngim ïa-ong kaba dei ba me long u kynja Samaria, bad me don u ksuid?”

ÏOANNIS 8:48 ပူးပေါင်းရင်းမြစ်များ

ISAÏAH 49:7

U Blei Bakhuid bad u nongpynim ki Israel u ong ïa uta uba shah ibeiñ, ïa uba la isih da ki jaitbynriew bad uba long u shakri jong ki nongsynshar: “Ki syiem kin ïohi ba la pyllait ïa me bad kin ïeng ban pynpaw ïa ka jingñiewburom jong ki; ki khun syiem ruh kin ïohi ïa kata, bad kin dem khrup ban pyndonburom ïa me.” Kane kan jia namar U Trai u la jied ïa la u shakri; U Blei bakhuid jong ki Israel u bat ïa la ki kular.

ISAÏAH 53:3

Ngi la ñiewbeiñ ïa u bad ngi la kyntait ïa u; u la shah ïa ka jingshitom bad jingpang. Ym don mano mano wat ban peit ïa u — ngi la leh bymsalia ïa u kum u bym long ei ei.

MATHAÏOS 10:25

Kumta uba shah hikai u dei ban sngewhun ban long kum u nonghikai jong u, bad u mraw kum u kynrad jong u. Lada ïa u khlieh jong ka longïing la khot u Beelsebul, ïa ki dkhot jong ka longïing yn khot da ki kyrteng kiba kham sniew!

MATHAÏOS 10:5

Ïa kine ki khat-ar ngut ki rangbah, U Jisu u la phah noh lem bad kine ki jingbthah harum: “Wat leit sha kano kano ka thain jong ki Jentil lane sha kano kano ka shnong ki nong Samaria.

MATHAÏOS 11:18

Haba u Ïoannis u la wan, u la shahjingit bad um shym dih waiñ, bad uwei uwei baroh u la ong, ‘Une uba shongksuid!’

MATHAÏOS 12:24

Haba ki Pharisi ki la ïohsngew ïa kane, ki la jubab, “U la beh noh ïa ki ksuid tang namar ba u rangbah jong ki, u Beelsebul u ai bor ïa u ban leh kumta.”

MATHAÏOS 12:31

Bad kumta nga ong ha phi ba ki briew ki lah ban ïohmap ïa kano kano ka pop bad ïa kano kano kaba sniew kaba ki ong; hynrei uno uno uba kren kiei kiei kiba sniew pyrshah ïa U Mynsiem Bakhuid un ym ïoh jingmap.

MATHAÏOS 15:7

Phi kiba arsap! A katno ka long kaba dei haba u Isaïah u la ïathuhlypa shaphang jong phi!

ÏOANNIS 1:19

Ki nongsynshar jong ki Jiw ha Jerusalem ki la phah katto katne ngut ki lyngdoh bad ki Lebi sha u Ïoannis, ban kylli ïa u, “Me dei uei?”

ÏOANNIS 10:20

Bun na ki, ki la ïa-ong, “U shongksuid! U la lamwir! Balei phi ïa-shahskhor ïa u?”

ÏOANNIS 13:13

“Phi khot ïa nga ‘U Nonghikai’ bad ‘U Trai’, bad ka long kaba dei ba phi leh kumta, namar kata ka dei kaei kaba nga long.

ÏOANNIS 4:9

Kata ka briew ka la jubab, “Me long u Jiw, bad nga long ka nong Samaria — te kumno me lah ban pan um na nga ban dih?” (Ki Jiw kim pyndonkam ïa kijuh ki khuri bad ki pliang kiba ki nong Samaria ki pyndonkam.)

ÏOANNIS 7:20

“Me don u ksuid hapoh jong me!” u paidbah u la jubab. “Mano ba pyrshang ban pynïap ïa me?”

ÏOANNIS 8:22

Kumta ki nongsynshar jong ki Jiw ki la ong, “U ong ba ngim lah ban leit shano sha ba un leit. Hato kane ka mut ba un pynïap ïa lade?”

ÏOANNIS 8:52

Ki la ong ha u, “Mynta ngi sngewthikna ba me don u ksuid! U Abraham u la ïap, bad ki nongïathuhlypa ki la ïap, pynban me ong ba lada uno uno uba kohnguh ïa ka jinghikai jong me un ym ïap lano lano ruh.

Ka Shithi U Paul Sha Ki Nong Rom 15:3

Naba U Khrist um shym la pynsngewbha ïa lade. Pynban, kumba ka Jingthoh Bakhuid ka ong, “Ki jingkrenbeiñ ïa kiba la thew ha phi ki la hap halor jong nga.”

HEBRU 13:13

Te, to ngin leit sha u shabar ka jaka shong dara ban ïoh bynta lang ha ka jingshah lehrain jong u.

JAKOB 2:19

Hato phi ngeit ba don tang uwei U Blei? Kata ka bha! Ki ksuid ruh ki ngeit — bad ki kyiuh da ka jingsheptieng!