ÏOANNIS 8:39 - Khasi CL Bible (BSI)

³⁹ Ki la jubab ïa u, “U kpa jong ngi u dei u Abraham.” “Lada shisha phi long ki khun jong u Abraham,” U Jisu u la phai ktien, “phin leh ïa kita kijuh kiba u la leh.

KA BAIBL

³⁹ Ki la ïathuh bad ki la ïa-ong ha u, “U Abraham u long u kpa jong ngi.” U Jisu u ong ha ki, “Lada phi la long ki khun jong u Abraham, phin da la leh ïa ki jingleh jong u Abraham;

ÏOANNIS 8:39 ပူးပေါင်းရင်းမြစ်များ

MATHAÏOS 3:9

Bad wat leit pyrkhat ba phi lah ban lait na ka jingpynshitom da kaba ong ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ki khun ki ksiew na ka bynta u Abraham!

MATHAÏOS 5:45

khnang ba phi lah ban long ki khun jong U Kpa jong phi uba ha bneng. Namar u pynlong ïa ka sngi kaba u la thaw ban tyngshaiñ ha ki briew kiba sniew bad kiba bha kumjuh, bad u ai slap ha kito kiba leh ïa kaba bha bad ha kito kiba leh ïa kaba sniew.

ÏOANNIS 8:33

“Ngi dei kiba hiarpateng na u Abraham,” ki la jubab, “bad ngim pat ju la long ki mraw jongno jongno. Me mut aïu, te, da kaba ong, ‘Phin long kiba laitluid?’ ”

ÏOANNIS 8:37

Nga tip ba phi long kiba hiarpateng na u Abraham. Pynban phi pyrshang ban pynïap ïa nga, namar ba phin ym pdiang ïa ka jinghikai jong nga.

ÏOANNIS 8:43

Balei phim sngewthuh ïa kaei kaba nga ong? Ka long namar ba phim lah shah ban sngap ïa ka khubor jong nga.

ÏOANNIS 8:56

U Abraham uba long u kpa jong phi u la shadkmen ba u la ïohi ïa ka por jong ka jingwan jong nga; u la ïohi ïa ka bad u la kmen.”

Ka Shithi U Paul Sha Ki Nong Rom 4:12

U long ruh u kpa jong kito ïa kiba la otsher, kata, jong kito kiba, nalor ba la otsher ïa ki, ki la im ruh ïa kajuh ka jingim jong ka jingngeit kaba u Abraham u kpa jong ngi u la im shuwa ba yn otsher ïa u.

Ka Shithi U Paul Sha Ki Nong Rom 4:16

Bad kumta ïa ka kular la pynshong nongrim ha ka jingngeit, khnang ba ïa ka jingngeit yn pynthikna kum ka jingai sngewbha jong U Blei ïa baroh kiba hiarpateng na u Abraham — ym tang ïa kito kiba ngeit ïa ka Hukum, hynrei ïa kito ruh kiba ngeit kumba u Abraham u la leh. Namar u Abraham u long u kpa ba kynja mynsiem jong ngi baroh;

Ka Shithi U Paul Sha Ki Nong Rom 9:7

Lymne kiba hiarpateng baroh na u Abraham ki long ki khun jong U Blei. U Blei u la ong ha u Abraham, “Ka long lyngba u Isaak ba men ïoh ïa kiba hiarpateng kiba nga la kular ïa me.”

GALATIA 3:29

Lada phi dei ki jong U Khrist, te, phi long ki nonghiarpateng u Abraham bad phin ïohpdiang ïa kaei kaba U Blei u la kular.

GALATIA 3:7

Phi dei ban sngewthuh te, ba ki khun ki ksiew bashisha jong u Abraham ki long ki briew kiba don ka jingngeit.