ÏOANNIS 8:32 - Khasi CL Bible (BSI)

³² phin tip ïa ka jingshisha, bad ka jingshisha kan pyllaitluid ïa phi.”

KA BAIBL

³² bad phin ïoh ithuh ïa kata ka jingshisha, bad kata ka jingshisha kan pyllait noh ïa phi.”

ÏOANNIS 8:32 ပူးပေါင်းရင်းမြစ်များ

SALM 119:45

ngan im ha ka jinglaitluid bajanai, namar nga pyrshang ban kohnguh ïa ki jinghikai jong me.

SALM 25:5

To hikai ïa nga ban im kat kum ka jingshisha jong me, naba me long U Blei jong nga, uba pynim ïa nga. Nga shaniah borabor ha me.

PROBERB 1:23

Shahshkor haba nga mai tyngeh ïa phi; ngan ai ïa phi ïa ki jinghikai kiba bha bad ngan ïathuh lang ïa ka jingtip jong nga bad phi.

PROBERB 1:29

Phim ju sngew donkam ïa ka jingtip bad borabor phi kyntait ban kohnguh ïa U Trai.

PROBERB 4:18

Ka lynti kaba kiba hok ki ïaid ka long kum ka jingmih ka sngi; ka nang phyrnai nang phyrnai haduh ba kan da shai bha kum mynsngi.

ISAÏAH 2:3

bad ki briew jong ki, kin ong, “Ïa ngin kiew ïa u lum jong U Trai, sha ka Templ jong U Blei ka Israel. Un hikai ïa ngi kaei kaba u kwah ïa ngi ban leh; ngin ïaid ha ki lynti kiba u la jied. Naba ka jinghikai jong U Trai ka wan na Jerusalem; na Seïon u kren ha ki briew jong u.”

ISAÏAH 30:21

Lada phi sakma noh na ka lynti sha kamon ne sha kadiang, phin ïohsngew ïa ka sur jong u hadien jong phi kaba ong, “Kane ka dei ka lynti. Bud ïa ka.”

ISAÏAH 35:8

Kan long ka lynti bah hangta, ba la khot “Ka Lynti jong ka Jingkhuid.” Yn ym don nongpop u ban ïaid ha kata ka lynti; ym don ki riewbieit ki ban ïalam bakla ïa kito kiba bud ïa ka.

ISAÏAH 54:13

“Nga da lade ngan hikai ïa ki briew jong pha, bad ngan ai ha ki ïa ka jingmanbha bad ka jingsuk.

ISAÏAH 61:1

U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

JEREMAÏAH 6:16

U Trai u ong ha ki briew jong u, “To ïeng ha ka jaka ba ïashem ki lad bad to khmih. Kylli shaphang ki lynti ïaid kiba mynbarim bad hangno ka don ka surok babha tam. To ïaid ha ka, bad phin im ha ka jingsuk.” Hynrei ki ong, “Em, ngin ym leh!”

HOSIA 6:3

To ngin ïai pyrshang ban tip ïa U Trai. Da shisha un sa wan sha ngi kum ka step phyrngab, shisha kum u slap pyrem uba ai um ïa ka khyndew.”

LEBITIKOS 25:41

Ynda poi kata ka por, ma u bad ki khun ki kti jong u kin ïamihnoh na phi bad kin leit phai sha la ka jong ka longïing bad sha ka jaka ki kpa tymmen jong u.

MALAKHI 4:2

Hynrei na ka bynta jong phi kiba kohnguh ïa nga, ka bor jong nga kaba pynim kan kiew halor jong phi kum ka sngi bad kan wallam jingkhiah kum ki kjat sngi. Phin long kiba laitluid bad bakmen kum ki khun masi ba la pyllait na ka sem.

MATHAÏOS 11:29

To shim ïa ka lyngkor jong nga bad buh ïa ka halor jong phi, bad to hikai na nga, namar nga long uba jemnud bad uba sngewrit ha ka mynsiem; bad phin shem ka jingjahthait.

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

ÏOANNIS 1:17

U Blei u la ai ïa ka hukum lyngba u Moses, hynrei ka jingaiei bad ka jingshisha ki la wan lyngba U Jisu Khrist.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

ÏOANNIS 16:13

Pynban, haba U Mynsiem un wan, uba pynpaw ïa ka jingshisha shaphang U Blei, un ïalam ïa phi sha ka jingshisha baroh. Un ym kren ha ka bor jong u hi, hynrei un kren ïa kaei kaba u ïohsngew, bad un ïathuh ha phi ïa kiei kiei ki ban sa wan.

ÏOANNIS 17:17

To pynkyntang ïa ki sha lade da kata ka jingshisha; ka ktien jong me ka long ka jingshisha.

ÏOANNIS 6:45

Ki nongïathuhlypa ki la thoh, ‘Uwei pa uwei baroh un ïoh hikai na U Blei.’ Uno uno uba shahshkor ïa U Kpa bad ïoh hikai na u, u wan sha nga.

ÏOANNIS 7:17

Uno uno uba mon ban leh ïa kaei kaba U Blei u kwah, un tip la kaei kaba nga hikai ka wan na U Blei ne la nga kren ha ka bor jong nga hi.

ÏOANNIS 8:36

Lada U Khun u pyllaitluid ïa phi, te phin long da shisha kiba laitluid.

Ka Shithi U Paul Sha Ki Nong Rom 6:22

Hynrei mynta ïa phi la pyllaitluid na ka pop bad phi long ki mraw jong U Blei. Ka jingmyntoi ïa phi ka long ka jingim ba la aiti lut sha u, bad ka jingmih ka long ka jingim bymjukut.

Ka Shithi U Paul Sha Ki Nong Rom 8:15

Namar U Mynsiem uba U Blei u la ai ïa phi um pynlong ïa phi ki mraw bad pynlong ïa phi ban sheptieng; pynban U Mynsiem u pynlong ïa phi ki khun jong U Blei, bad da ka bor U Mynsiem ngi pyrta sha U Blei jong ngi, “Ko Kpa! Ko Kpa jong nga!”

Ka Shithi U Paul Sha Ki Nong Rom 8:2

Namar ka hukum jong U Mynsiem kaba wallam ka jingim ïa ngi ha U Khrist Jisu, ka la pyllait ïa nga na ka hukum jong ka pop bad ka jingïap.

1 KORINTH 7:22

Naba u mraw uba la khot da U Trai u long uba laitluid na ka bynta U Trai; kumjuh ruh u briew uba laitluid ïa uba la khot da U Khrist u long u mraw jong U.

GALATIA 5:1

Ka jinglaitluid ka long kaei kaba ngi don — dei U Khrist u la pyllait ïa ngi! Ïeng te, kum ki briew kiba laitluid, bad wat shah ïa lade ban long pat ki mraw.

GALATIA 5:13

Na ka bynta jong phi pat, ko ki parabangeit jong nga, la khot ïa phi ban long kiba laitluid. Hynrei wat shah ba kane ka jinglaitluid kan kylla long ka jingailad ïa ki jingkwah brai ka doh ban synshar ïa phi. Pynban, ai ba ka jingieit kan pynlong ïa phi ban ïashakri iwei ïa iwei pat.

JAKOB 1:25

Hynrei uno uno uba peit bniah ïa ka hukum bajanai kaba pyllaitluid ïa ki briew, uba ïai pynleit jingmut ïa ka bad ym tang ban sngap ïa ka bad nangta ban klet noh, hynrei u pyntreikam ïa ka — uta u briew un ïoh jingkyrkhu na U Blei ha kaei kaei kaba u leh.

JAKOB 2:12

To kren bad to leh kum ki briew ïa kiba yn sa bishar da ka hukum kaba pyllaitluid ïa ngi.

1 PETROS 2:16

To im kum ki briew kiba laitluid; hynrei wat pyndonkam ïa ka jinglaitluid ban buhrieh ïa kano kano kaba sniew, hynrei to im kum ki mraw jong U Blei.

2 ÏOANNIS 1:1

Na u Nongsharai Balang — Sha ka Kynthei badonburom bad sha ki khun jong ka, ïa kiba nga ieit da shisha. Bad ym dei tang ma nga hi, hynrei baroh kiba tip ïa ka jingshisha ki ieit ïa phi,