ÏOANNIS 8:28 - Khasi CL Bible (BSI)

²⁸ Kumta u la ong ha ki, “Ynda phi la kyntiew ïa U Khun U Briew, phin sa tip ba nga ‘Nga long uba nga long’; te phin sa tip ba ngam leh ïa kaei kaei ha ka bor jong nga hi, hynrei nga ong ïa kaei kaba U Kpa u la bthah ïa nga ban ong.

KA BAIBL

²⁸ namar kata, U Jisu u la ong ha ki, “Ynda phi la kyntiew ïa U Khun u briew, hangta phin ithuh ba nga, nga long ma u, bad ba ngam leh ei ei ruh em na lade hi; hynrei, kat kumba U Kpa jong nga u la hikai ïa nga, ïa kita kiei kiei ruh nga ïathuh.

ÏOANNIS 8:28 ပူးပေါင်းရင်းမြစ်များ

EKSODOS 3:14

U Blei u ong ha u Moses, “NGA LONG UBA NGA LONG. Kane ka long kaei kaba me dei ban ong ha ki: ‘Uta ïa uba la khot UBA NGA LONG u phah ïa nga sha phi.’

MATHAÏOS 24:5

Shibun ki briew, kiba kam ba ki kren na ka bynta jong nga, kin wan bad ong, ‘Nga long u Messaïah!’ bad kin shukor ïa ki briew kiba bun.

MARKOS 13:6

Shibun ki briew, ki ban kam ba ki kren na ka bynta jong nga, kin wan bad ong, ‘Nga long ma u!’ bad kin shukor ïa kiba bun ki briew.

LOUKAS 21:8

U Jisu u la ong, “Sumar; wat shah shukor. Kiba bun ki rangbah, kiba kam ba ki kren na ka bynta jong nga, kin wan bad ong, ‘Nga long ma u!’ bad, ‘Ka por ka la poi!’ Hynrei wat bud ïa ki.

ÏOANNIS 11:42

Nga tip ba me shahshkor ïa nga borabor, hynrei nga ong ïa kane na ka bynta u paidbah hangne, ba kumta kin ngeit ba me la phah ïa nga.”

ÏOANNIS 13:19

Nga ong ha phi ïa kane mynta, khnang ba haba kata kan jia, phin ngeit ba ‘Nga long uba nga long.’

ÏOANNIS 16:10

ki bakla shaphang kaei kaba dei, namar ba ngan leit sha U Kpa bad phin ym ïohi shuh ïa nga;

ÏOANNIS 18:32

(Kane ka la jia, khnang ba ki ktien jong U Jisu kin urlong da shisha, ki ktien kiba u pyndonkam mynba u la pynpaw ïa ka jingïap kaba kumno u dei ban ïap.)

ÏOANNIS 19:18

Hangta ki la sahnarphna ïa u; bad ki la sahnarphna ruh ïa ki ar ngut kiwei pat ki rangbah, uwei ha kawei kawei ka liang bad U Jisu hapdeng jong ki.

ÏOANNIS 3:11

Nga ïathuh ha me ïa ka jingshisha: Ngi kren ïa kaei kaba ngi tip bad ngi ïathuh ïa kaei kaba ngi la ïohi, pynban, ym don na phi uba mon ban pdiang ïa ka khubor jong ngi.

ÏOANNIS 3:14

Kumba u Moses u la kyntiew ïa u 'seiñ rnong ha u dieng ha ka ri shyiap, ha kajuh ka rukom ka dei ïa U Khun U Briew ba yn kyntiew shajrong, ba uno uno uba ngeit ha u un ïoh ka jingim bymjukut.

ÏOANNIS 4:26

U Jisu u la jubab, “Dei ma nga, ma nga keiñ uba ïakren bad pha.”

ÏOANNIS 5:19

Kumta U Jisu u la jubab ïa ki, “Nga ong ha phi ïa ka jingshisha: U Khun um lah ban leh ei ei na lade; u leh tang ïa kaei kaba u ïohi ba U Kpa jong u, u leh. Ïa kaei kaba U Kpa u leh, U Khun ruh u leh.

ÏOANNIS 5:30

“Nga ngam lah ban leh ei ei da la ka jong ka bor; nga bishar tang kat kaba U Blei u ong ïa nga, kumta ka jingbishar jong nga ka long kaba hok, namar ba ngam pyrshang ban leh ïa kaei kaba nga mon, hynrei ïa kaei kaba uta uba la phah ïa nga u mon.

ÏOANNIS 8:24

Dei na kata ka daw nga la ïathuh ïa phi ba phin ïap ha ki pop jong phi. Bad phin ïap ha ki pop jong phi lymda phi ngeit ba ‘Nga long uba nga long’.”

ÏOANNIS 8:27

Kim shym la sngewthuh ba U Jisu u la kren ha ki shaphang U Kpa.

ÏOANNIS 8:58

“Nga ong ha phi ïa ka jingshisha,” U Jisu u la phai ktien. “Ha shuwa ban kha ïa u Abraham, ‘Nga la long.’ ”

KI KAM 2:41

Kiba bun na ki, ki la ngeit ïa ka khubor jong u bad la pynbaptis ïa ki, bad kumba lai hajar ngut ki briew la pynïasoh sha ka kynhun ha kata ka sngi.

KI KAM 4:4

Hynrei bun kiba la ïohsngew ïa ka khubor ki la ngeit; bad ka jingbun ki briew ka la roi sha kumba san hajar ngut.

Ka Shithi U Paul Sha Ki Nong Rom 1:4

shaphang ka jinglong Blei bakhuid jong u, la pyn-i shynna da ka bor bakhraw ban long U Khun jong U Blei da kaba pynmihpat na ka jingïap.

DEUTERONOMI 18:18

Ngan phah ha ki ïa u nongïathuhlypa uba kum ma me napdeng ki para jait jong ki hi; ngan sa ïathuh ha u aïu un ong, bad un kren ha ki briew kat ïa kaba nga hukum.