ÏOANNIS 8:17 - Khasi CL Bible (BSI)

¹⁷ La thoh ha ka hukum jong phi ba haba ar ngut ki sakhi ki ïamynjur, kaei kaba ki ong ka long kaba shisha.

KA BAIBL

¹⁷ La thoh ruh de ha Ka Hukum jong phi, ba ka jingphla ar ngut ki briew ka long kaba shisha:

ÏOANNIS 8:17 ပူးပေါင်းရင်းမြစ်များ

1 SYIEM 21:10

Pynshong ar ngut ki riewrunar ban mudui pyrshah ïa u, ba u la tim ïa U Blei bad ïa u syiem jong u. Nangta sei ïa u shabar ka nongbah bad lynthem maw ïa u haduh ba un da ïap.”

JINGKHEIÑ 35:30

“Ïa u briew uba shah kynnoh pynïap briew lah ban rai pynrem bad pynïap tang halor ka jingphla jong ki ar ngut ne kham bun ngut ki sakhi; ka sakhi tang ka jong uwei u briew kam biang ban kyrshan ïa ka jingkynnoh pynïap briew.

MATHAÏOS 18:16

Hynrei lada um sngap ïa me, ïalam uwei ne ar ngut kiwei pat ki briew lem bad me, khnang ba ‘kawei pa kawei ka jingkynnoh lah ban kyrshan da ka jingsakhi jong ki ar lane lai ngut ki sakhi.’

ÏOANNIS 10:34

U Jisu u la jubab, “La thoh ha ka hukum jong phi hi ba U Blei u la ong, ‘Phi long ki blei.’

ÏOANNIS 15:25

Kane, pynban, kaba la dei ban jia, khnang ba ïa kaei kaba la thoh ha ka Hukum jong ki kan urlong shisha: ‘Ki la shun ïa nga khlem daw ei ei.’

2 KORINTH 13:1

Kane ka long mynta ka sien kaba lai ba nga wan jngoh ïa phi. Kumba ka Jingthoh Bakhuid ka ong, “Ïa kano kano ka jingmudui dei ban pynksan da ka jingpynshisha da ki ar ngut ki sakhi ne tam ïa kata.”

GALATIA 3:24

Bad kumta ka Hukum ka synshar ïa ngi tad haduh ba U Khrist u la wan, khnang ba yn lah ban pynksan ïa ngi ha U Blei da ka jingngeit.

GALATIA 4:21

Shah ïa nga ban kylli ïa kito na phi kiba kwah ban im hapoh ka Hukum: Hato phim ïohsngew aïu ka Hukum ka ong?

DEUTERONOMI 17:6

Hynrei lah ban pynïap ïa kita tang lada don ar ngut ne kham bun ki sakhi pyrshah ïa ki; ym dei ban pynïap ïa ki lada don tang uwei u sakhi.

DEUTERONOMI 19:15

“Kam biang tang uwei u sakhi ban rai pynrem ïa u briew na ka bynta kano kano ka kam palat; la kumno kumno, ar ngut ki sakhi ki dei ban pynsabut ba u briew u leh kam sniew.

HEBRU 10:28

Uno uno u bymkohnguh ïa ka Hukum u Moses u shah pynïap khlem jingisynei haba la bishar pynrem halor ka sakhi jong ki ar ngut ne bun ki nongsakhi.

1 ÏOANNIS 5:9

Ngi ngeit ïa ka jingphla jong u briew; hynrei ka jingphla U Blei ka long kaba kham khlaiñ, bad u la ai ïa kane ka jingphla shaphang U Khun jong u.

JINGPYNPAW 11:3

Ngan sa phah ïa ki sakhi jong nga ar ngut kiba kup da ki jaiñ khain, bad kin pynbna ïa ka khubor U Blei ha kita ki shihajar arspah hynriewphew sngi.”