ÏOANNIS 8:16 - Khasi CL Bible (BSI)

¹⁶ Hynrei lada nga dei ban leh kumta, ka jingbishar jong nga kan long kaba shisha, namar ngam long marwei ha kane; U Kpa uba la phah ïa nga u long bad nga.

KA BAIBL

¹⁶ lada nga bishar ruh, kata ka jingbishar jong nga ka long kaba shisha; namar ngam long marwei, hynrei, ma nga bad uta U Kpa uba la phah ïa nga.

ÏOANNIS 8:16 ပူးပေါင်းရင်းမြစ်များ

SALM 98:9

namar u wan ban synshar ïa ka pyrthei. Un synshar ïa ki jaitbynriew ka pyrthei da ka hok bad ka jinglehhok.

SALM 99:4

Ko Syiem bakhlaiñbor, me ieit ïa kaei kaba dei; me la pynskhem ïa ka jingbishar hok ha Israel; me la wanrah ïa ka hok bad ka jinglehhok.

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

ÏOANNIS 16:32

Ka por kan poi, bad ka la lah long mynta, haba ïa phi baroh yn sa pynsakma, uwei pa uwei sha la ka jong ka ïing, bad ngan shah iehnoh tang marwei. Hynrei ngam long shisha marwei, namar U Kpa u long lem bad nga.

ÏOANNIS 8:29

Bad uta uba la phah ïa nga u long lem bad nga; ym shym la iehnoh ïa nga marwei, namar borabor nga leh ïa kaei kaba pynsngewbha ïa u.”

KI KAM 17:31

Naba u la buh ka sngi ha kaba un bishar ïa ka pyrthei baroh kawei da ka jinglehhok, da uta u briew ïa uba u la jied. U la ai ka jingpynshisha ïa kane ha uwei pa uwei da kaba pynmihpat ïa uta u briew na ka jingïap!”

JINGPYNPAW 19:11

Nangta nga la ïohi ïa ka bneng ba plie, bad la don u kulai uba lieh. Ïa u nongshong ha u la khot Uba Ïaineh bad Uba Shisha; ka long da ka jinglehhok ba u bishar bad u ïaleh ïa ki jingïaleh thma jong u.

1 SAMUEL 16:7

Hynrei U Trai u ong ha u, “Wat pynleit jingmut katno u jrong ka rynïeng bad katno u bhabriew, namar nga la kyntait ïa u; naba ngam bishar kumba bishar ki briew. U briew u peit ïa ka dur kaba shabar, hynrei nga, nga peit ïa ka dohnud.”