ÏOANNIS 8:15 - Khasi CL Bible (BSI)

¹⁵ Phi pynlong ïa ki jingbishar kat kum ka rukom briew; ngam ai jingbishar ïano ïano ruh.

KA BAIBL

¹⁵ Ma phi kat kum ka rukom ka doh phi bishar; nga ngam bishar ïano ïano ruh;

ÏOANNIS 8:15 ပူးပေါင်းရင်းမြစ်များ

AMOS 5:7

Phi long kiba la tim, phi kiba pynkyllaiñ ïa ka jingbishar hok bad kiba shukor ïa ki briew ban pynduh ïa ki hok jong ki!

AMOS 6:12

Hato ki kulai ki ju mareh halor ki mawsiang? Hato ki briew ki ju lur ïa ka duriaw da ki masi dab? Pynban phi la pynkylla ïa ka jingbishar hok sha ka bih, bad ïa kaba dei sha ka bymdei.

HABAKKUK 1:4

Ka aiñ ka tlot bad kam myntoi ei ei, bad ym ju don ka jingbishar hok. Ki briew kiba sniew ki ïoh ïa kaba kham bha ban ïa kiba hok, bad kumta ïa ka jingbishar hok la pynjngut.

LOUKAS 12:14

U Jisu u la jubab ïa u, “Ko paralok jong nga, mano ba la ai ha nga ka bor ban bishar lane ban pynbynta ïa ka jingdon jingem hapdeng jong phi ar ngut?”

ÏOANNIS 12:47

Lada uno uno u ïohsngew ïa ka khubor jong nga bad um kohnguh ïa ka, ngan ym bishar ïa u. Nga la wan, ym ban bishar ïa ka pyrthei, hynrei ban pynim ïa ka.

ÏOANNIS 18:36

U Jisu u la ong, “Ka Hima jong nga kam long na ka jong kane ka pyrthei, lada ka hima jong nga ka la long na ka jong kane ka pyrthei, ki nongbud jong nga kin jin da la ïaleh ban ïada ïa nga na kaba aiti ha ki nongsynshar jong ki Jiw. Em, ka hima jong nga kam long hangne!”

ÏOANNIS 3:17

Naba U Blei um shym la phah ïa la U Khun sha ka pyrthei ba un long u nongbishar jong ka, hynrei, ba un long u nongpynim jong ka.

ÏOANNIS 7:24

Wat shu bishar tang da ki jingthew na shabar, bad bishar da ki jingthew bashisha.”

ÏOANNIS 8:11

“Uwei ruh em, ko Kynrad,” ka la jubab. “Haba kumta te,” U Jisu u la ong, “nga ruh ngam pynrem ïa pha. Khie leit, hynrei wat leh pop shuh.”]

Ka Shithi U Paul Sha Ki Nong Rom 2:1

Hato, ko paralok jong nga, phi bishar ïa kiwei pat? Phim lah lait satia, lada phi long uei uei ruh. Namar haba phi bishar ïa kiwei bad nangta phi leh ïa kijuh kiei kiei kiba ki leh, phi pynrem ïa lade.

1 KORINTH 2:15

Pynban uno uno uba don U Mynsiem, u lah ban bishar ïa ka dor jong kiei kiei baroh, hynrei ym don uba lah ban bishar ïa u.

2 KORINTH 5:16

Namarkata, ngam bishar shuh ïano ïano da ka rukom briew. Wat la shisien ngi la bishar ïa U Khrist kat kum ka rukom briew, ngim leh shuh kumta.

JAKOB 2:4

te phi long ba la rem da kaba pynïapher hapdeng jong phi hi bad phi bishar ha ka nongrim jong ki jingthmu basniew.

1 SAMUEL 16:7

Hynrei U Trai u ong ha u, “Wat pynleit jingmut katno u jrong ka rynïeng bad katno u bhabriew, namar nga la kyntait ïa u; naba ngam bishar kumba bishar ki briew. U briew u peit ïa ka dur kaba shabar, hynrei nga, nga peit ïa ka dohnud.”