ÏOANNIS 8:14 - Khasi CL Bible (BSI)

¹⁴ “Em” U Jisu u la jubab, “wat la nga phla da lade na ka bynta ïa lade, kaei kaba nga ong ka long kaba shisha, namar nga tip nangno ba nga la wan bad shano ba ngan leit. Phim tip nangno nga la wan ne shano ba ngan sa leit.

KA BAIBL

¹⁴ U Jisu u la ïathuh bad u la ong ha ki, “Wat la nga phla shaphang ïa lade, kata ka jingphla jong nga te ka long kaba shisha, naba nga tip nangno nga la wan bad shano nga leit: hynrei, phi phim tip nangno nga la wan, bad shano nga leit.

ÏOANNIS 8:14 ပူးပေါင်းရင်းမြစ်များ

PROBERB 8:7

Kat kaba nga kren ka dei ka jingshisha, ha nga ki ktien lamler ki long kiba ijli.

JINGKHEIÑ 12:3

(U Moses u long u briew uba sngewrit; uba kham sngewrit ban ïa uno uno u briew ha ka pyrthei.)

ÏOANNIS 10:36

Na ka bynta jong nga, U Kpa u la jied ïa nga bad u la phah ïa nga sha ka pyrthei. Kumno, te, phi lah ban ong ba nga krenbeiñ blei namar ba nga la ong ba nga long U Khun U Blei?

ÏOANNIS 13:3

U Jisu u la tip ba U Kpa u la ai ha u ïa ka bor baroh; u la tip ba u la wan na U Blei bad ba un sa leit sha U Blei.

ÏOANNIS 14:10

Hato mem ngeit, ko Philip, ba nga long ha U Kpa bad U Kpa u long ha nga? Ki ktien kiba nga la kren ha phi,” U Jisu u la ong ha la ki synran, “kim shym la wan na nga hi. U Kpa, uba ïaisah bad nga, u trei la ka jong ka kam.

ÏOANNIS 16:28

Nga la wan na U Kpa, bad nga la wan sha ka pyrthei; bad mynta ngan sa iehnoh ïa ka pyrthei bad ngan leit sha U Kpa.”

ÏOANNIS 17:8

Nga la ai ha ki ïa ka khubor kaba me la ai ha nga, bad ki la pdiang ïa ka; ki tip ba ka long kaba shisha ba nga la wan na me, bad ki ngeit ba me la phah ïa nga.

ÏOANNIS 18:37

Kumta u Pilat u la kylli ïa u, “Haba kumta, me, me dei u syiem?” U Jisu u la jubab, “Me hi me ong ba nga long u syiem. Ïa nga la kha bad nga la wan sha ka pyrthei na ka bynta kane kawei ka jingthmu, ban kren shaphang ka jingshisha. Uno uno uba dei jong ka jingshisha u shahshkor ïa nga.”

ÏOANNIS 5:31

“Lada nga phla na ka bynta ïa lade, ïa kaei kaba nga ong ym dei ban pdiang kum ka jingpynshisha kaba dei.

ÏOANNIS 8:42

U Jisu u la ong ha ki, “Lada U Blei shisha u dei U Kpa jong phi, phin da la ieit ïa nga, namar nga la wan na U Blei bad mynta nga don hangne. Ngam shym la wan ha la ka jong ka bor hi, hynrei u la phah ïa nga.

2 KORINTH 11:31

U Blei bad U Kpa jong U Trai Jisu — long ba la kyrkhu ïa ka kyrteng jong u junom! — u tip ba ngam shym lamler.

2 KORINTH 12:11

Nga la leh mynleh kum u bieit — hynrei phi la pynlong ïa nga ban leh kumta. Dei ma phi kiba la dei ban pynpaw ïa ka jingmynjur jong phi ïa nga. Naba wat lada ngam long ei ei, ngam shym duna ei ei na kita ki “apostol” kiba kham kyrpang jong phi.

2 KORINTH 12:19

Lehse phi pyrkhat ba baroh shi katta ngi la pyrshang ban ïasaid da ïa lade ha khmat jong phi. Em! Ngi kren kumba U Khrist un jin da la kwah ïa ngi ban kren ha ka jingdon ryngkat U Blei, bad baroh kaba ngi leh, ko paralok ba-ieit, la leh ban ïarap ïa phi.

JINGPYNPAW 1:5

bad na U Jisu Khrist, u sakhi baïaineh, uba nyngkong ïa uba la pynmih na ka jingïap bad uba long ruh u nongsynshar jong ki syiem jong ka pyrthei. U ieit ïa ngi, bad da ka jingïap ba aiti lut jong u, u la pyllait ïa ngi na ki pop

JINGPYNPAW 3:14

“Thoh ha u angel jong ka balang ha Laodikaïa: “Kane ka long ka khubor na U Amen, uba ïaineh bad u sakhi bashisha, uba long u jingsdang jong baroh kaba U Blei u la thaw.