ÏOANNIS 8:12 - Khasi CL Bible (BSI)

¹² U Jisu u la kren biang ha ki Pharisi. “Nga long ka Jingshai jong ka Pyrthei,” u la ong. “Uno uno uba bud ïa nga un ïoh ïa ka jingshai jong ka jingim bad da lei lei un ym ïaid ha ka jingdum.”

KA BAIBL

¹² Ynda kumta, U Jisu u la ïathuhkhana pat ha ki, u da ong, “Nga long U Jingshai jong ka pyrthei: uta uba wan bud ïa nga, un ym ïaid ha ka ba-dum, hynrei, un ïoh ka jingshai jong ka jingim.”

ÏOANNIS 8:12 ပူးပေါင်းရင်းမြစ်များ

Ka Kitab U Job 33:28

U la bat ïa nga na ka ban leit hiar sha ka pyrthei kiba ïap, bad mynta nga dang im.”

SALM 18:28

A Trai, me ai ha nga ka jingshai; me pynjah ïa ka jingdum jong nga.

SALM 49:19

un ïadon lang bad ki kpa tymmen jong u baroh ha ka jingïap, ha kaba ka jingdum ka neh junom.

SALM 97:11

Ka jingshai ka tyngshaiñ ha kiba hok, bad ka jingkmen ha kiba bha.

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

ISAÏAH 50:10

Phi baroh kiba burom ïa U Trai bad kiba kohnguh ïa ki ktien u shakri jong u, ka lynti kaba phi ïaid ka lah ban long kaba dum da shisha, hynrei shaniah ha U Trai, aiti ha U Blei jong phi.

ISAÏAH 9:2

Ki briew kiba la ïaid ha ka jingdum ki la ïohi ïa ka jingshai kaba khraw. Ki la shong ha ka ri jong ki syrngiew, hynrei mynta ka jingshai ka la tyngshaiñ halor jong ki.

HOSIA 6:3

To ngin ïai pyrshang ban tip ïa U Trai. Da shisha un sa wan sha ngi kum ka step phyrngab, shisha kum u slap pyrem uba ai um ïa ka khyndew.”

MALAKHI 4:2

Hynrei na ka bynta jong phi kiba kohnguh ïa nga, ka bor jong nga kaba pynim kan kiew halor jong phi kum ka sngi bad kan wallam jingkhiah kum ki kjat sngi. Phin long kiba laitluid bad bakmen kum ki khun masi ba la pyllait na ka sem.

MATHAÏOS 5:14

“Phi, phi long kum ka jingshai ïa ka pyrthei baroh kawei. Ïa ka nongbah ba la tei halor u lum ym lah ban buhrieh.

LOUKAS 2:32

Ka jingshai ban pynpaw ïa ka mon jong me ha ki Jentil bad ban wallam ka burom ha ki briew jong me, ki Israel.”

ÏOANNIS 12:35

U Jisu u la jubab, “Ka jingshai kan don hapdeng jong phi sa katto katne por. To nang ïaid katba ka jingshai ka dang don, ba ka jingdum kan ym wan lap ïa phi; naba uta uba ïaid ha ka jingdum um tip shano ba u leit.

ÏOANNIS 12:36

To ngeit ha ka jingshai, namarkata, katba phi dang don ïa ka, ba kumta phin long ki briew jong ka jingshai.” Hadien ba U Jisu u la ong ïa kane, u la leit noh bad u la buhrieh ïa lade na ki.

ÏOANNIS 12:46

Nga la wan sha ka pyrthei kum ka jingshai, ba baroh kiba ngeit ha nga kin ym sah ha ka jingdum.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

ÏOANNIS 3:19

Kane ka long kumno ka jingbishar ka trei: Ka jingshai ka la wan sha ka pyrthei, hynrei ki briew ki ieit ïa ka jingdum ban ïa ka jingshai, namar ba ki kam jong ki, ki long kiba sniew.

ÏOANNIS 7:17

Uno uno uba mon ban leh ïa kaei kaba U Blei u kwah, un tip la kaei kaba nga hikai ka wan na U Blei ne la nga kren ha ka bor jong nga hi.

ÏOANNIS 9:5

Katba nga dang don ha ka pyrthei, nga long ka jingshai ïa ka pyrthei.”

KI KAM 13:47

Naba kane ka long ka hukum kaba U Trai u la ai ha ngi: “ ‘Nga la pynlong ïa phi ka jingshai na ka bynta ki Jentil, khnang ba baroh ka pyrthei ka lah ban lait im.’ ”

KI KAM 26:23

ba U Messaïah u dei ban shahshitom bad ban long uba nyngkong ban mihpat na ka jingïap, ban pynbna ïa ka jingshai jong ka jingpynim ha ki Jiw bad ha ki Jentil.”

2 PETROS 2:17

Kine ki briew ki long kum ki pukri ba la tyrkhong, kum ki lyoh ba la rong noh da ka 'erïong; U Blei u la buh tyngkai ïa ka jaka na ka bynta jong ki ha ka jingdum tliw tliw.

2 PETROS 2:4

U Blei um shym la shah jem ïa ki angel kiba la leh pop, hynrei u la bret ïa ki sha dujok, ha kaba la khum kynjri ïa ki ha ka jingdum, da kaba ap ïa ka Sngi ka Jingbishar.

1 ÏOANNIS 1:6

Lada, namarkata, ngi ong ba ngi don ka jingïasyllok bad u, pynban, ha kajuh ka por ngi ïaid ha ka jingdum, ngi lamler da ki ktien jong ngi bad ha ki kam jong ngi.

JUDAH 1:13

Ki long kum ki jingat phyllung ba khih phaloh jong ka duriaw, da ki jingleh bakhlemrain jong ki, ki pynpaw kum ki sboh sabon. Ki long kum ki khlur ba ïaid sakma, ïa kiba U Blei u la buh lypa ïa ka jaka kaba dum tliw tliw junom.

JUDAH 1:6

To kynmaw ïa ki angel ki bym shym la ri ïa ka burom hapoh ki pud ka bor synshar jong ki, hynrei ki la iehnoh ïa ki jaka shong jong ki hi: Ki shah khum da ki kynjri bymjukut hapoh kaba dum tliw tliw, ha kaba U Blei u buh ïa ki na ka bynta kata ka Sngi kaba khraw ha kaba yn pynrem ïa ki.

JINGPYNPAW 21:24

Ki briew ka pyrthei kin ïaid ha ka jingshai jong ka, bad ki syiem jong ka pyrthei kin wallam ïa ka spah jong ki shapoh jong ka.