ÏOANNIS 8:11 - Khasi CL Bible (BSI)

¹¹ “Uwei ruh em, ko Kynrad,” ka la jubab. “Haba kumta te,” U Jisu u la ong, “nga ruh ngam pynrem ïa pha. Khie leit, hynrei wat leh pop shuh.”]

KA BAIBL

¹¹ Ka te ka la ïathuh, “Ym don, A Trai.” U Jisu u la ong te ha ka, “Nga ruh ngam pynrem ïa pha; to khie leit noh, bad to wat leh pop shuh.”

ÏOANNIS 8:11 ပူးပေါင်းရင်းမြစ်များ

Ka Kitab U Job 34:31

Ko Job, hato me la phla ïa ki pop jong me ha U Blei bad kular ban nym leh pop shuh?

PROBERB 28:13

Phin ym long uba jop ha ka jingim lada phi pyrshang ban buhrieh ïa la ki pop. Phla ïa ki bad iehnoh ïa ki; te U Blei un pyn-i ka jingisynei ïa phi.

ISAÏAH 55:6

To phai sha U Trai bad duwai ha u, mynta ba u don hajan.

LOUKAS 13:3

Em, ym kumta! Bad nga ong ïa phi ba lada phim phai noh na ki pop jong phi, phi baroh phin ïap kum ma ki.

LOUKAS 13:5

Em, ym kumta! Bad nga ong ha phi ba lada phim phai noh na ki pop jong phi, phi baroh phin ïap kum ma ki.”

LOUKAS 15:10

Ha kajuh ka rukom, nga ong ha phi, ki angel jong U Blei ki risa halor uwei u nongpop uba kylla-kaba-mut.”

LOUKAS 15:32

Hynrei ngi la dei ban lehkmen bad ban sngewkmen, namar u para jong phi uba la ïap, hynrei mynta u dang im; u la jah, hynrei mynta la shem pat ïa u.’ ”

LOUKAS 15:7

Ha kajuh ka rukom, nga ong ha phi, kan don ka jingkmen kaba kham bun ha bneng halor uwei u nongpop uba kylla-kaba-mut ban ïa ki khyndaiphew khyndai ki briew badonburom ki bymdonkam ban kylla-kaba-mut.

LOUKAS 5:32

Ngam shym la wan ban khot ïa ki riewdonburom ban kylla-kaba-mut, hynrei ïa kiba la shah kyntait.”

LOUKAS 9:56

Nangta U Jisu bad ki synran jong u ki la ïaleit sha kawei pat ka nongrit.

ÏOANNIS 18:36

U Jisu u la ong, “Ka Hima jong nga kam long na ka jong kane ka pyrthei, lada ka hima jong nga ka la long na ka jong kane ka pyrthei, ki nongbud jong nga kin jin da la ïaleh ban ïada ïa nga na kaba aiti ha ki nongsynshar jong ki Jiw. Em, ka hima jong nga kam long hangne!”

ÏOANNIS 3:17

Naba U Blei um shym la phah ïa la U Khun sha ka pyrthei ba un long u nongbishar jong ka, hynrei, ba un long u nongpynim jong ka.

ÏOANNIS 5:14

Hadien kata, U Jisu u la shem ïa u ha ka Templ bad u la ong, “Peit shane, me la khiah mynta; te sangeh na kaba leh pop, ïoh kaei kaei kaba kham sniew ka lah ban jia ïa me.”

ÏOANNIS 8:15

Phi pynlong ïa ki jingbishar kat kum ka rukom briew; ngam ai jingbishar ïano ïano ruh.

Ka Shithi U Paul Sha Ki Nong Rom 2:4

Lane lehse phi ibeiñ ïa ka jingsbun bakhraw jong u, ka jingshah laitluid, bad ka jingïaishah. Da shisha phi tip ba U Blei u long uba sbun, namar u pyrshang ban ïalam ïa phi ban kylla-kaba-mut.

1 KORINTH 5:12

Wat la katta, kam dei ka kamram jong nga ban bishar ïa kiba nabar. U Blei un sa bishar ïa ki. Hynrei hato kam dei ban bishar ïa ki dkhot na la ka jong ka kynhun hi? Kumba ka Jingthoh Bakhuid ka ong, “Pynmih noh ïa u briew uba sniew na ka kynhun jong phi.”

DEUTERONOMI 16:18

“Thung ïa ki nongbishar bad kiwei pat ki rangbah synshar ha man la ka shnong ba U Trai U Blei jong phi u ai ha phi. Kine kin bishar hok ïa ki briew.

DEUTERONOMI 17:9

bad mudui ha u lyngdoh Lebi bad u nongbishar uba treikam ha kata ka por, bad ieh kin rai ma ki ïa kata ka mokotduma.

2 PETROS 3:15

To khmih ïa ka jingïaishah slem U Trai jong ngi kum ka lad ba u ai ha phi ban ïoh im, kumba u Paul u para ba-ieit jong ngi u la thoh ha phi, da kaba pyndonkam ïa ka jingstad kaba U Blei u la ai ha u.