ÏOANNIS 7:4 - Khasi CL Bible (BSI)

⁴ Ym don mano mano ba buhrieh ïa kaei kaba u leh lada u kwah ba kiwei kin tip. Naba me leh ïa kine kiei kiei, to ai ba ka pyrthei baroh kawei kan tip shaphang jong me!”

KA BAIBL

⁴ namar ym don uba leh ïa kaei kaei ruh ha kaba rieh, bad ba u hi u wad ïa ka ban long ha kaba paw shynna. Lada me leh ïa kine kiei kiei ruh, to pynpaw ïa lade ha ka pyrthei.”

ÏOANNIS 7:4 ပူးပေါင်းရင်းမြစ်များ

1 SYIEM 22:13

Katba u rangbah synshar u leit ban khot ïa u Mikaïah, u ong ha u, “Baroh na kiwei ki nongïathuhlypa ki la ïathuhlypa ba u syiem un jop bad phi ruh ka bha ba phin leh kumjuh.”

MATHAÏOS 23:5

Ki leh ïa kiei kiei baroh khnang ba ki briew kin ïohi ïa ki. Peit ïa ki jingteh 'sai snieh kiba don ki jingthoh bakhuid ïa kiba ki teh ha ki shyllangmat bad ki ksang'ti jong ki, bad khmih haduh katno ki long kiba heh! Khmih ruh katno kiba jrong ki ksai jyrthiaw ha ki jaiñkup jong ki!

MATHAÏOS 4:6

bad u la ong ha U, “Lada me long U Khun U Blei, pynnoh ïa lade sha tbian; naba ka Jingthoh Bakhuid ka ong: “ ‘U Blei un ai hukum ïa la ki angel shaphang jong me; kin bat ïa me hajrong da ki kti jong ki, khnang ba wat ki kjat jong me ruh kin ym mynsaw ha ki maw.’ ”

MATHAÏOS 6:16

“Bad haba phi shahjingit, wat leh 'mat sngewsih kumba ki riewarsap ki leh. Kim kheiñ ïa kaba paw shabar jong ki khnang ba baroh kin ïohi ba ki shahjingit. Nga pynthikna ïa phi, ki la ïoh lypa ïa ka jingsiew kaba pura.

MATHAÏOS 6:5

“Haba phi duwai, wat long kum ki riewarsap! Ki ieit ban ïeng bad duwai ha ki synagog bad ha ki kyndong surok, khnang ba baroh kin ïohi ïa ki. Nga pynthikna ïa phi, ki la ïoh lypa ïa ka jingsiew kaba pura.

LOUKAS 6:45

U briew uba bha u wallam ïa kaba bha na ka jingkynshew jong kiei kiei kiba bha kiba ha ka dohnud jong u; u briew uba sniew u wallam ïa kaba sniew na ka jingkynshew jong kiei kiei kiba sniew. Naba ka shyntur ka kren ïa kaei kaba dap ha ka dohnud.

ÏOANNIS 18:20

U Jisu u la jubab, “Nga la ju kren ha kaba paw ha baroh; ki jinghikai jong nga baroh ki la long ha ki synagog bad ha ka Templ, ha kaba ki briew baroh ki ïawanlang. Ngam ju ong ïa kano kano ha kaba rieh.

ÏOANNIS 7:5

(Wat ki para shynrang jong u hi kim shym la ngeit ha u.)