ÏOANNIS 7:37 - Khasi CL Bible (BSI)

³⁷ Ha ka sngi kaba khatduh bad kaba khraw tam eh jong ka Jingkhawai Niam, U Jisu u la ïeng joit bad u la ong ha ka sur kaba jam, “Uno uno uba sliang u dei ban wan sha nga, bad uno uno uba ngeit ha nga u dei ban dih.

KA BAIBL

³⁷ Te ha ka sngi ka bakhatduh, ka sngi ka bakhraw jong Ka Jingkhawai Niam, U Jisu u la ïeng bad u la pyrta, u da ong, “Lada uno uno ruh u sngew-sliang, ai ba un wan ha nga ba un dih ruh;

ÏOANNIS 7:37 ပူးပေါင်းရင်းမြစ်များ

NEHEMAÏAH 8:18

Naduh ka sngi kaba nyngkong jong ka Jingkhawai Niam haduh ka sngi kaba khatduh, ki pule ïa ki bynta jong ka Hukum U Blei man ka sngi. Ka Jingkhawai Niam ka la long na ka bynta hynñiew sngi, bad ha ka sngi kaba phra, ka la don ka jingpynkut ïa ka Jingkhawai Niam kumba la ong ha ka Hukum.

SALM 143:6

Nga rah ïa ki kti sha me ha ka jingduwai; kum ka khyndew ba-tyrkhong ka mynsiem jong nga ka sliang ïa me.

SALM 42:2

Nga sliang ïa me, U Blei ba-im; lano nga lah ban leit bad mane ha ka jingdon ryngkat jong me?

SALM 63:1

A Blei, me long U Blei jong nga, bad nga thrang ïa me. Ka longrynïeng jong nga baroh kawei ka angnud ïa me; kum ka khyndew bym don um kaba ryngkhiang bad kaba pdang ka mynsiem jong nga ka sliang ïa me.

PROBERB 1:20

Ha sngap! Ka Jingstad ka pyrta ha ki lynti shnong bad ha ki jaka ïew,

PROBERB 8:1

To shahshkor! Ka jingstad ka pyrta jam. Ka jingshemphang ka kren jam.

PROBERB 8:17

Nga ieit ïa kito kiba ieit ïa nga; kita kiba wad ïa nga kin shem ïa nga.

PROBERB 8:3

Ha ka jaka rung sha ka nongbah, harud ki khyrdop, ka pyrta:

PROBERB 9:3

Ka la phah ïa la ki shakri kynthei ban pyrta na ka jaka kaba jrong tam ha kata ka nongbah:

JINGRWAI SOLOMON 5:1

Nga la rung sha ka kper jong nga, ko ba-ieit thep mynsiem jong nga, ko nongleitkurim jong nga. Nga la lum ïa ki musla bad ka mirr jong nga; nga bam ïa ka ngap bad ka rewngap jong nga; nga dih ïa ka waiñ bad ka dud jong nga. To bam, ko ki nongphylliew jingieit, to dih tad haduh ba phin da buaid da ka jingieit.

ISAÏAH 12:3

Kumba ka um kaba sngur ka wanrah jingkmen ïa uba sliang, kumta ki briew jong U Blei kin shadkmen haba u pyllait im ïa ki.”

ISAÏAH 40:2

To pynshlur ïa ki briew ka Jerusalem. To ïathuh ha ki ba ki la jynjar slem bha bad ïa ki pop jong ki la map mynta. Nga la pynshitom ïa ki la biang bha na ka bynta ki pop jong ki baroh.”

ISAÏAH 40:6

Ka sur ka pyrta jam, “To pynbna ïa ka khubor!” “Ka khubor aïu ngan pynbna?” nga kylli. “To pynbna ba ki briew baroh ki long kum u phlang; kin ym neh skhem ban ïa ki syntiew khlaw.

ISAÏAH 44:3

“Ngan ai um ïa ka ri basliang bad pynlong ïa ki wahduid ban tuid ha ka khyndew ba-tyrkhong. Ngan theh noh ïa U Mynsiem jong nga ha ki khun jong phi bad ka jingkyrkhu jong nga ha ki khun ki ksiew jong phi.

ISAÏAH 55:1

U Trai u ong, “To wan, phi kiba sliang — hangne ka don ka um! To wan, phi ki bym don pisa — thied ïa u kew bad bam! To wan! Thied ïa ka waiñ bad ka dud — phin ym hap siew ei ei!

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

ISAÏAH 58:1

U Trai u ong, “To pyrta jam katba phi lah! Ïathuh ïa ki briew jong nga ki Israel shaphang ki pop jong ki.

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

JEREMAÏAH 2:2

ban pynbna ïa kane ka khubor ha uwei pa uwei ha Jerusalem, “Nga kynmaw kumno phi la long kiba ïaineh mynba phi dang khynnah, kumno phi la ieit ïa nga mynba ngi dang shongkurim nyngkong; phi la bud ïa nga lyngba ka ri shyiap, lyngba ka ri ka bym pat shym la thung jingthung.

ESEKIEL 47:9

Shano shano ba ka wahduid ka tuid, yn don bun jait ki mrad bad ki dohkha. Ka wahduid kan pynlong bha ïa ka um jong ka Duriaw Baïap, bad shano shano ba ka tuid, kan wallam jingim.

LEBITIKOS 23:36

Man la ka sngi ha kita ki hynñiew sngi, phin kñia ïa ka jingainguh bam. Ha ka sngi kaba phra, ïalumlang biang ban mane Blei, bad kñia ïa ka jingainguh bam. Kata ka long ka sngi mane Blei; phim dei ban trei ei ei.

LEBITIKOS 23:39

“Ynda phi la dep lum ïa ki jingmih na ki lyngkha jong phi, rakhe ïa kane ka Jingkhawai Niam hynñiew sngi naduh ka sngi kaba khatsan jong u bnai uba hynñiew. Ka sngi nyngkong ka dei ka sngi shongthait, bad kumjuh ruh ka sngi kaba phra.

MIKAH 6:9

Ka long ka jingstad ban sheptieng ïa U Trai. U pyrta ïa ka nongbah, “To shahshkor phi ki briew kiba ïalum ha ka nongbah!

SEKHARAÏAH 9:15

U Trai Badonbor Baroh un ïada ïa ki briew jong u, bad kin pynjot ïa ki nongshun jong ki. Kin pyrta ha ka thma kum ki rangbah ba la buaid bad kin pynmih ïa ka snam jong ki nongshun jong ki; kan tuid kum ka snam jong ka jingkñia ba la theh halor ka duwan na ka jingdiang.

JINGKHEIÑ 29:35

Ha ka sngi kaba phra, ïalumlang ban mane Blei, bad wat trei kano kano ka kam.

MATHAÏOS 11:28

“To wan ha nga, phi baroh kiba thait na kaba kit ïa ki jingkit kiba khia, bad ngan ai ha phi ka jingjahthait.

MATHAÏOS 3:3

U Ïoannis u la long uta u briew ïa uba u Isaïah u nongïathuhlypa u la kren shaphang jong u haba u la ong, “U don uwei uba pyrta ha ka ri shyiap, To pynkhreh ka lynti ïa U Trai; to pynlong ka lynti kaba beit na ka bynta jong u ban ïaid!”

MATHAÏOS 5:6

Suk kito kiba ka jingangnud bakhraw tam jong ki ka long ban leh ïa kaei kaba U Blei u dawa; U Blei un pynhun jrut ïa ki!

ÏOANNIS 1:23

U Ïoannis u la jubab da kaba shim na u nongïathuhlypa Isaïah: “Nga long ‘ka sur jong uta uba pyrta ha ka ri shyiap: To pynbeit ïa ka lynti ïaid jong U Trai ba un ïaid!’ ”

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

ÏOANNIS 4:10

U Jisu u la jubab, “Lada pha tang shu la tip ïa kaei kaba U Blei u ai bad uei uta uba pan umdih na pha, phan jin da la pan na u, bad u un jin da la ai ha pha ïa ka um kaba ai jingim.”

ÏOANNIS 4:11

“Ko kynrad,” kata ka briew ka la ong, “mem don ïa ka jingtong, bad ka pukri ka long kaba jylliew. Nangno men ïoh ïa kata ka um kaba ai jingim?

ÏOANNIS 4:14

Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

ÏOANNIS 5:40

Pynban phim mon ban wan sha nga khnang ba phin ïoh ïa ka jingim.

ÏOANNIS 6:35

“Nga, nga long u kpu ka jingim,” U Jisu u la ïathuh ïa ki. “Kito kiba wan sha nga da lei lei kin ym thngan; kito kiba ngeit ha nga da lei lei kin ym sliang.

ÏOANNIS 6:37

Uno uno ïa uba U Kpa jong nga u ai ha nga un wan sha nga. Ngan ym kyntait ïa uno uno uba wan sha nga, namar nga la wan hiar na bneng ban leh ym ïa ka mon ka jong nga hynrei ïa ka mon jong uta uba la phah ïa nga.

ÏOANNIS 6:55

Naba ka doh jong nga ka long ka jingbam bashisha; ka snam jong nga ka long ka jingdih bashisha.

ÏOANNIS 7:28

Katba U Jisu u dang hikai ha ka Templ, u la kren ha ka sur kaba jam, “Hato phi ithuh da shisha ïa nga bad tip nangno nga wan? Ngam shym la wan da ka bor jong nga hi. Uta uba la phah ïa nga, pynban, u long uba shisha.

1 KORINTH 10:21

Phim lah ban dih na ka khuri U Trai bad ruh na ka khuri ki ksuid; phim lah ban ïabam na ka miej U Trai bad ruh na ka miej ki ksuid.

1 KORINTH 11:25

Kumjuh ruh, hadien kaba bam ïa ka jingbam miet u la shim ïa ka khuri bad u la ong, “Kane ka khuri ka long ka jutang kaba thymmai jong U Blei, la pynskhem da ka snam jong nga. Man ba phi dih ïa ka, to leh kumta ban kynmaw ïa nga.”

1 KORINTH 12:13

Ha kajuh ka rukom, baroh na ngi, la ngi long ki Jiw ne ki Jentil, ki mraw ne kiba laitluid, la pynbaptis ha kawei ka met da ujuh U Mynsiem, bad la ai ha ngi ïa ujuh U Mynsiem ban ïoh dih.

EPHESOS 5:18

Wat buaid da ka waiñ, ha kaba kan pynjot ïa phi; pynban, to long kiba la pyndap da U Mynsiem.

JINGPYNPAW 21:6

Bad u la ong, “La pyndep! Nga long uba nyngkong bad uba khatduh, uba sdang bad uba kut. Ha uno uno uba sliang ngan ai ïa ka hok ban dih na ka umpohliew jong ka um ka jingim khlem da siewdor ïa ka.

JINGPYNPAW 22:1

U angel u la pyn-i ruh ha nga ïa ka wah jong ka um ka jingim, kaba shat phyrnai sngur bha, bad kaba wan mih na ka khet jong U Blei bad ka jong U Khunlangbrot

JINGPYNPAW 22:17

U Mynsiem bad ka Nongleitkurim ki ong, “To wan!” Uwei uwei baroh uba ïohsngew ïa kane u dei ruh ban ong, “To wan!” To wan, uno uno uba sliang, to pdiang ïa ka um ka jingim kum ka jingai sngewbha, uno uno uba kwah ïa ka.